Hörðuvallaskóli Íslandsmeistari grunnskólasveita eftir æsilega keppni

Eitt mest spennandi Íslandsmót grunnskólasveita í sögunni fór fram um helgina í Rimaskóla. Svo fór að skáksveit Hörðuvallaskóla hafði sigur í keppninni en sveitin hlaut hálfum vinningi meira en Álfhólsskóli sem varð í öðru sæti. Rimaskóli hlaut svo bronsið - en sveitin var öðrum hálfum vinningi þar á eftir. Smáraskóli og Laugarlækjaskóli voru skammt undan. 

Það sem gerir afrek Hörðuvallaskóla enn betra var að allir sveitarmeðlimir sveitarinnar eru á barnaskólastigi. Sveitin vann einmitt öruggan sigur á Íslandsmóti barnaskólasveita sem fram fór síðustu helgi. 

Norðurlandamót barna- og grunnskólasveita eru tefldar samtímis í september í Noregi og því er ljóst að Hörðuvallaskóli getur ekki teflt í báðum mótum samtímis.

Skáksveit Íslandsmeistara Hörðuvallaskóla

1. Vignir Vatnar Stefánsson
2. Stephan Briem
3. Sverrir Hákonarson
4. Arnar Heiðarsson
5. Benedikt Briem
6. Óskar Hákonarson

Vignir var í miklu stuði og hlaut 8,5 vinninga í 9 skákum.

Liðsstjóri um helgina var Kjartan Briem en skákkennari þeirra í skólanum er Gunnar Finnsson en hann átti ekki heimangengt um helgina.

Skáksveit Álfhólsskóla

1. Dawid Kolka
2. Robert Luu
3. Felix Steinþórsson
4. Halldór Atli Kristjánsson
5. Guðmundur Agnar Bragason
6. Atli Mar Baldursson
7. Ísak Orri Karlsson

Liðsstjóri var Lenka Ptácníková.

Guðmundur Agnar sem varamaður tefldi allar skákirnar á fjórða borði og vann þær allar!

Skáksveit Rimaskóla

1. Nansý Davíðsdóttir
2. Jóhann Arnar Finnsson
3. Joshua Davíðsson
4. Kristófer Helgi Þorgeirsson
5. Hákon Garðarsson

Frammistaða Joshua var frábær á þriðja borði en hann alla þrátt fyrir að vera langt því vera stigahæstur á þriðja borði.

Borðaverðlaun

Það segir margt um hversu keppnin var jöfn að þau hlutu 4 skákmenn úr fjórum skólum. 

1. Vignir Vatnar Stefánsson (Hörðuvallaskóla) 8,5 v. af 9
2. Björn Hólm Birkisson (Smáraskóla) 7,5 v. af 9
3. Joshua Davíðsson (Rimaskóla) 9 v. af 9
4. Guðmundur Agnar Bragason (Álfhólsskóla) 9 v. af 9

Skákstjóri var Gunnar Björnsson.

Myndaalbúm (Helgi Árnason)