Gríðarlega jafnt Íslandsmót grunnskólasveita: Álfhóls- og Hörðuvallaskóli efstir

Það er gríðarlega spenna á Íslandsmót grunnskólasveita sem fram fer um helgina í Rimaskóla. Aðeins munar 1½ vinningi á forystusveitunum og sveitinni sem er í sjötta sæti. Það er Álfhóls- og Hörðuvallaskóli sem eru efstir með 14 vinninga af 20 mögulegum. Laugarlækja- og Rimaskóli eru aðeins vinningi á eftir og Smára- og Ölduselsskóli aðeins hálfum vinningi þar á eftir. Það eru því sex sveitir af sextán alls sem hafa möguleika á sigri á mótinu! 

Sjá nánar á Chess-Results.

Fjörið heldur áfram á morgun þegar umferðir 6-9 verða tefldar. Taflmennskan hefst kl. 11 í fyrramálið. Teflt er í Rimaskóla.

Fái tvær eða fleiri sveitir jafn marga vinninga í efsta sæti verður teflt til úrslita. Sigurvegarinn fær keppnisrétt á NM grunnskólasveita sem fram fer í Noregi í september nk.