Davíð efstur á Haustmótinu - hlé fram yfir Íslandsmót skákfélaga.

Fimmta umferð Haustmóts TR fór fram í gær. Töluvert var um frestanir vegna Vasteras-mótsins og fóru t.d. aðeins tvær af fimm skákum a-flokksins fram í gær. 

A-flokkur

Sævar Bjarnason (2095) vann Gylfa Þórhallsson (2121) en skák Jóns Árna Halldórssonar (21709 og Kjartans Maack (2131) lauk með jafntefli. Öðrum skákum var frestað.

Davíð Kjartansson (2331) er efstur með 3½ vinning en Oliver Aron Jóhannesson (2165) og Sævar koma næstir með 3 vinninga. Davíð og Oliver eiga einmitt eftir að mætast í frestaðri skák.

Stöðuna má nálgast á Chess-Results.

B-flokkur

Björn Hólm Birkisson (1655) og Ólafur Kjartansson (19979 eru efstir með 3½ vinning. Þrír skákmenn hafa 2½ vinning en það eru Jón Úlfljótsson (1798), Damia Benet Morant (2058) og Christopher Vogel (2100). Hinir tveir síðarnefndu eiga báðir inni frestaða skák.

Stöðu mótsins má nálgast á Chess-Results.

C-flokkur

Bárður Örn Birkisson (1636) er efstur með fullt hús. Felix Steinþórsson (1549) er annar með 3½ vinning og Hörður Jónasson (1570) er þriðji með 3 vinninga. Felix á inni frestaða skák.

Stöðu mótsins má finna Chess-Results.

D-flokkur:

Ólafur Evert Úlfsson (1430) er efstur með fullt hús. Aron Þór Maí (1274), Alex Cambrey Orrason (1580) og Arnþór Hreinsson (1295) koma næstir með 4 vinninga.

Stöðuna má finna á Chess-Results.

• Heimasíða TR
• Chess-Results