Hannes endaði í 6.-11. sæti í Kosta Ríka

Stórmeistarinn Hannes Hlífar Stefánsson (2560) endaði í 6.-11. sæti á alþjóðlegu móti sem lauk í Kosta Ríka í gær. Hannes hlaut 6½ vinning í 9 skákum og var hálfum vinningi á eftir efstu mönnum.

Það var dagur tvö í mótinu sem reyndist honum erfiður en þá fékk ½ vinning gegn stigalágum keppendum. Svo komu þrjár sigurskákir í röð og í lokaumferðunum tveimur gerði hann jafntefli gegn tveimur stigahæstu keppendum Lazaro Bruzon (2676) og Aljeandro Ramirez (2600).

Árangur hans samsvaraði 2342 skákstigum og lækkaði hann um sjö stig fyrir hana.

Alls tóku 123 skákmenn þátt í mótinu og þar af voru sjö stórmeistarar og átta alþjóðlegir meistarar. Hannes var nr. fjögur í stigaröð keppenda.

• Heimasíða mótsins
• Chess-Results