Vignir Vatnar meðal sigurvegara í Salento!

 

Vignir Vatnar Stefánsson (1512) var einn þriggja sigurvega b-flokks alþjóðlega mótsins í Salento á Ítalíu sem lauk í dag.  Frábær árangur hjá Vigni sem er aðeins 9 ára gamall og var aðeins nr. 27 í stigaröð keppenda af 32 keppendum.   Vignir hlaut 6 vinninga í 8 skákum og það þrátt fyrir það að tefla við mun stigahærri og mun eldri keppendur í hverri einustu umferð.   Vignir hækkar um heil 76 skákstig fyrir frammistöðu sína.

Hilmir Freyr Heimisson (1752) vann í lokaumferðinni, hlaut 4 vinninga og endaði í 13.-20. sæti.  

Björn Þorfinnsson (2388), sem tefldi í a-flokki, fylgdi eftir ungu mönnunum og vann Ítalann Gianluca Ottaviani (1957) í lokaumferðinni.  Björn hlaut 5 vinninga og endaði í 5.-12. sæti.  Björn hækkar um 5 stig fyrir frammistöðu sína á mótinu. 

22 skákmenn tefldu í a-flokki og þar af voru 4 stórmeistarar og 6 alþjóðlegir meistarar.  Björn var nr. 8 í stigaröð keppenda.  

• Heimasíða mótsins
• Myndaalbúm (ÁHS)

Athugasemdir

[Þórir Benediktsson (IP-tala skráð) 26.5.2012 kl. 18:49]

Glæsilegur árangur hjá Vigni sem hlýtur að vera sá efnilegasti í dag og væntanlega síðan Hjörvar Steinn kom fram.  Það er ljóst að hann fer yfir 1600 stig á árinu, bæði á Fide og íslenskum, og ef mig misminnir ekki þá var Hannes Hlífar með ca 1600 stig þegar hann var átta ára.  Allavega held ég að ég hafi einhvern tíman séð það í gömlum gögnum.

Ekki vil ég setja of mikla pessu á Vigni en þetta er athyglisvert í ljósi þess að hann verður níu ára á þessu ári.

 Til hamingju og gangi þér áfram vel, Vignir!