Sigurður atskákmeistari Akureyrar

Í dag lauk atskákmóti Akureyrar með sigri Sigurðar Eiríkssonar. Hann hlaut 5,5 vinninga í 7 skákum og varð hálfum vinningi á undan nafna sínum Arnarsyni sem sigraði mótið í fyrra. Í þriðja sæti var sonur meistarans, Tómas Veigar Sigurðarson með 4 vinninga.

Þessir þrír voru efstir og jafnir eftir fyrri dag keppninnar og var hörð barátta á milli þeirra út allt mótið og skiptust þeir á að vera í forystu.  Sigurður Eiríksson tryggði sér sigurinn í lokaumferðinni með því að leggja Tómas Veigar að velli.

Mótstöflu má finna á heimasíðu SA

Athygli vekur árangur Karls Steingrímssonar. Hann vann þá sem lentu í 1. og 2. sæti og gerði jafntefli við þá sem voru í 3. og neðsta sæti. Öðrum skákum tapaði hann. Þetta sýnir hve mótið var jafnt og að hver sem er getur unnið hvern sem er.