Fjölnir og ÍTR Gufunesbær með velheppnað skákmót í Hlöðunni

Tuttugu þátttakendur mættu á skákmót Skákdeildar Fjölnis og Frístundamiðstöðvarinnar í Gufunesbæ sem haldið var í Hlöðunni í Gufunesi. Mótið var hluti af dagskrá Gufunesbæjar fyrir grunn-og leikskólakrakka í Grafarvogi á  vetrarleyfisdögum 21. - 22. febrúar. Flestir af hinum bráðefnilegu skákkrökkum Fjölnis mættu til leiks og tefldu sex umferðir með 7 mínútna umhugsunartíma. Þeir félagar Dagur Ragnarsson og Oliver Aron Jóhannesson sigruðu á mótinu og í 3. sæti varð félagi þeirra í NM skáksveit Rimaskóla, Kristófer Jóel Jóhannesson. Rétt á hæla þeirra kom bróðir Nansýar, Joshua Davíðsson,  sem aðeins er 5 ára gamall og nemandi á leikskólanum Lyngheimum. Hann er á leið í Rimaskóla í haust og kemur til með að styrkja skáklið skólans verulega. Frábær árangur hjá guttanum.

Í stúlknaflokki  sigraði Svandís Rós Ríkharðsdóttir sem tefldi gífurlega vel á mótinu og lagði m.a. Nansý Davíðsdóttur í gífurlega spennandi skák. Nansý varð síðan í öðru sæti af stúlkunum. Helgi Árnason formaður skákdeildar Fjölnis og Sigurgeir Birgisson verkefnisstjóri Gufunesbæjar stjórnuðu skákmótinu. Þeir hafa mikinn áhuga á frekara samstarfi þessara tveggja aðila og því er ekki  ólíklegt að Hlaðan í Gufunesi verði vettvangur skákviðburða í framtíðinni enda aðstaðan þar til fyrirmyndar fyrir unga fólkið í Grafarvogi.

Vetrarleyfisskákmót ÍTR og skákdeildar Fjölnis

Úrslit:

Drengir:

• 1-2     Dagur Ragnarsson 5,5    vinningar
•           Oliver Aron Jóhannesson
• 3        Kristófer J. Jóhannesson 4,5
• 4        Joshua Davíðsson 4
• 5-10   Hilmir Hrafnsson 3
•           Axel Hreinn Hilmarsson
•           Kristófer H. Kjartansson
•           Jóhann Arnar Finnsson
•           Viktor Ísar Stefánsson                                   
•           Mikael Gunnar Stefánsson
• 11-15 Róbert Orri Árnason 2
•           Kristall Máni Ingason
•           Blær V. Rósmannsson
•           Tristan Ingi Ragnarsson
•           Júlíus Örn Finnsson

Stúlkur:

 

• 1        Svandís Rós Ríkharðsdóttir 4 vinningar
• 2        Nansý Davíðsdóttir 3,5
• 3-4     Tinna Sif Aðalsteinsdóttir 3
•            Ásdís Birna Þórarinsdóttir
• 5         Nína Rut Magnúsdóttir 1

Myndaalbúm mótsins