Jóhann Hjartarson tefldi fjöltefli í Stúkunni

Skákskóli Íslands og Skákakademía Kópavogs hafa staðið að  samvinnuverkefni sem fram hefur farið í Stúkunni á Kópavogsvellinum Allt frá í haust.  Helgi Ólafsson skólastjóri Skákskóla Íslands og landsliðsþjálfari hefur haft yfirumsjón með þessu verkefni og annað  veifið hafa kunnir  meistarar verið kallaðir til að tefla við efnilegustu skákmenn Kópavogs. Föstudaginn 18. febrúar mætti Jóhann Hjartarson stórmeistari og stigahæsti skákmaður Íslendinga til leiks og  tefldi við 15 krakka. Jóhann vann allar skákirnar en Páll Andrason var næst því að ná jafntefli við Jóhann í hörkuskák. Birkir Karl Sigurðsson átti einnig þokkaleg færi en tapaði að lokum.