Skákmót Árnamessu í Stykkishólmi

Öllum áhugasömum grunnskólakrökkum er boðið að vera með á Skákmóti Árnamessu sem haldið verður í 5. sinn í grunnskólanum Stykkishólmi laugardaginn 29. mars og hefst kl. 13:00. Farið verður með rútu frá BSÍ og N1 Ártúnsbrekku kl. 10:00 og komið heim um kvöldmatarleitið. Verðlaunað verður í þremur flokkum; eldri flokk, yngri flokk og landsbyggðarflokk.

Veitt verða stúlknaverðlaun og þeim skákkrakka sem kemur lengstan veg á mótið. Páskaegg, skemmtisigling, bolir, húfur, bíómiðar og pítsur eru á meðal rúmlega 30 verðlauna. Í skákhléi fer fram hin gífurlega spennandi spurningakeppni skákfélaga. Það skákfélag sem sigrar, þriggja manna lið, fær eignargrip að launum.

Skákmót Árnamessu er kennt við 100 ára minningu Árna Helgasonar heiðursborgara í Stykkishólmi og hefur í fyrri skiptin verið fjölsótt. Þátttökugjald, rútuferð og veitingar kostar 2000 kr og ber að greiða í upphafi ferðar. Þeir sem koma sér beint á mótsstað greiða 500 kr. Skákstjórar verða að venju þeir Helgi Árnason og Páll Sigurðsson. Skráning er hafin á [e-mail] og í síma 568 9141.

WOW air mótið - undanþágufrestur rennur út í dag

Glænýtt og stórglæsilegt skákmót bætist nú við í mjög svo metnaðarfulla mótadagskrá Taflfélags Reykjavíkur því þann 31. mars næstkomandi hefst Wow air Vormót Taflfélags Reykjavíkur í skákhöll félagsins að Faxafeni 12.

Tefldar verða sjö umferðir eftir svissneska kerfinu og er umhugsunartíminn 90 mínútur á fyrstu 40 leikina en eftir það bætast við 15 mínútur.  30 sekúndur bætast við eftir hvern leik alla skákina.  Teflt verður einu sinni í viku á mánudagskvöldum og hefjast umferðirnar kl. 19.30  Tvær yfirsetur (bye) verða leyfðar í umferðum 1-5.

Mótið er fyrst og fremst hugsað fyrir sterkari skákmenn og er frábær upphitun fyrir Skákþing Íslands sem hefst fljótlega að móti loknu. Keppt verður í tveimur lokuðum flokkum. 

Í A - meistaraflokk hafa allir skákmenn með GM/IM/FM/WGM titil þátttökurétt, auk allra skákmanna með yfir 2200 Elo skákstig.

Í B - áskorendaflokk hafa allir skákmenn með yfir 2000 Elo skákstig þátttökurétt.

Skákmenn sem munu uppfylla stigalágmörkin á 1. mars eða 1. apríl stigalistum Fide eru gjaldgengir í mótið.

Tveimur skákmönnum á stigabilinu 2000 - 2199 verður boðið sæti í A flokki.  Þau sæti eru fyrst og fremst hugsuð fyrir unga og upprennandi skákmenn á öllum aldri í mikilli framför. 

Allt að fjórum skákmönnum sem ekki hafa tilskilin stig fyrir B flokkinnverður boðin þátttaka þar.  Þau sæti eru fyrst og fremst ætluð efnilegustu skákkrökkunum og unglingunum okkar, en allir geta sótt um.

Hægt er að sækja um þessi 6 sæti með því að senda póst á [e-mail] eða hafa samband við formann félagsins Björn Jónsson í síma 8999268 eigi síðar en 21. mars.

Glæsileg verðlaun eru í mótinu í boði Taflfélags Reykjavíkur og vina okkar hjá Wow air.

A - Meistaraflokkur:

1. Flugmiði með Wow air á einn af áfangastöðum félagsins (skattar og gjöld innifalið) plús 40.000 krónur

2. 40.000 krónur

3. 20.000 krónur

 

B - Áskorendaflokkur:

1. Flugmiði með Wow air á einn af áfangastöðum félagsins (skattar og gjöld innifalið) plús 20.000 krónur

2. 20.000 krónur

3. 10.000 krónur

 

Auk þess verða veittir bikarar fyrir efsta sætið í hvorum flokki auk farandbikars fyrir sigurvegara A flokks.  Verðlaunapeningar fyrir annað og þriðja sætið í báðum flokkum.

Að lokum eiga allir keppendur möguleika á að vinna glæsilegar DGT Easy Polgar skákklukkur frá skákversluninni Bobbý en tvær slíkar verða dregnar út í happdrætti við verðlaunaafhendingu.

Tvö efstu sætin í B - flokki veita þátttökurétt í A flokki að ári. 

 

Umferðatafla:

1. umferð mánudag 31. mars kl. 19.30

2. umferð mánudag 07. apríl  kl. 19.30

3. umferð mánudag 14. apríl  kl. 19.30

Páskahlé

4. umferð mánudag 28. apríl  kl. 19.30

5. umferð mánudag 05. maí   kl. 19.30

6. umferð mánudag 12. maí   kl. 19.30

7. umferð mánudag 19. maí   kl. 19.30

 

Verðlaunaafhending mun fara fram föstudagskvöldið 23. maí, en þá mun fara fram skemmtikvöld hjá TR. 

Tekið skal fram að 25% af verðlaunafé úr Wow air mótinu verður haldið eftir ef verðlaunahafar mæta ekki á verðlaunaafhendinguna til að taka við verðlaunum sínum án gildra ástæðna.

Ef fresta þarf skákum verða þær viðureignir tefldar á miðvikudagskvöldum kl. 19.30 (samhliða skákmóti öðlinga).

Þátttökugjald er kr. 5000 fyrir félagsmenn Taflfélags Reykjavíkur en kr. 10.000 fyrir aðra. 

Þeir skákmenn sem skrá sig fyrir 24. mars fá 50% afslátt af þátttökugjaldinu.  Frítt er fyrir titilhafa á mótið skrái þeir sig fyrir 24. mars, annars kr. 5000. 

Skráning fer fram á www.taflfelag.is og, þegar nær dregur,www.skak.is og lýkur á miðnætti 30. mars.

Hér er hægt að fylgjast með skráningu.

Taflfélag Reykjavíkur hvetur alla skákmenn til að taka þátt og festa mótið strax í sessi sem eitt af aðalmótum skákársins!Aftur í fréttalista

Nói Síríus Páskaeggjasyrpan 2014 - skráning hafin

Löng hefð er fyrir því að halda páskaeggjamót og æfingar hjá taflfélögunum í borginni í aðdraganda páska.  Í ár ætla Taflfélag Reykjavíkur og Nói Síríus að gera sérstaklega vel við yngstu skákiðkendurna og bjóða öllum krökkum á grunnskólaaldri að taka þátt í Páskaeggjasyrpunni 2014!

Með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Algjör sprenging hefur orðið í fjölda iðkenda hjá félaginu og til dæmis um það má nefna að á sama tíma og tvær unglingasveitir frá T.R. tefldu á Íslandsmóti skákfélaga voru 45 krakkar (!) á félagsæfingu í skákhöll félagsins.

Síðastliðinn laugardag mættu svo 63 krakkar á æfingar félagsins sem er algjört met og eflaust þarf að leita langt aftur til að finna viðlíka fjölda á barnaæfingum félagsins!  Það ber svo sannarlega  markvissu barnastarfi félagsins fagurt vitni að sífellt stærri hópur krakka mætir á æfingar þess.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!

Páskaeggjasyrpan mun samanstanda af þremur skákmótum sem haldin verða þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 30. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 06. apríl kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 13. apríl kl.14

• Keppt verður í tveimur flokkum, 1-3 bekk (og yngri) og 4-10 bekk.
• Sex umferðir verða tefldar í hverju móti með 10 mínútna umhugsunartíma á mann.
• Glæsileg verðlaun eru í boði fyrir alla hressu skákkrakkana sem taka þátt í syrpunni!
• Verðlaunapeningar fyrir þrjú efstu sætin í hvorum flokki á hverju páskaeggjamóti.
• Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
• Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
• Dregin verður út ein stórglæsileg DGT Easy Polgar skákklukka handa heppnum skákkrakka á hverju páskaeggjamóti!

 Skráning fer fram á heimasíðu Taflfélags Reykjavíkur.

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2014!

Stefán og Guðfinnur efstir í Stangarhyl - Þorsteins Guðlaugssonar minnst

Það má segja það að við værum sorgmæddir þegar byrjað var að tefla í dag þegar við minntumst Þorsteins K Guðlaugssonar sem er ný látinn eftir erfiða baráttu við illvígan sjúkdóm." Blessuð sé minning hans" Við vottum eiginkonu hans og börnum  okkar dýpstu samúð.

Þorsteinn var einn af okkar öflugustu liðsmönnum  mjög sterkur skákmaður, frábær félagi og vinur. Mörg síðustu ár var Þorsteinn stjórnarmaður í Ásum og það verður erfitt að fylla í það skarð sem hann skilur eftir.

Skákdagurinn var síðan með hefðbundnum hætti þar sem Stefán Þormar og Guðfinnur R Kjartansson stigu ölduna á toppnum eins og þeir hafa oft gert áður, þeir enduðu báðir með 8 vinninga Stefán aðeins hærri á stigum.

Þór Valtýsson varð svo í þriðja sæti með 7 vinninga.

 

Óvænt úrslit í fyrstu umferð Skákmóts öðlinga - Sigurlaug vann meistarann

Skákmót öðlinga hófst í gær. 35 skákmenn taka þátt sem verður að teljast fín þátttaka. Það var bar strax til tíðinda í fyrstu umferð á fyrsta borði þegar ríkjandi öðlingameistari,  Þorvarður F. Ólafsson (2254) tapaði fyrir Sigurlaugu R. Friðþjófsdóttur (1736).  Björgvin Kristbergsson (1175) byrjar einnig vel en hann vann Grím Grímsson (1811). 

Önnur umferð fer fram nk. miðvikudagskvöld. Allar upplýsingar um úrslit og pörun má nálgast á Chess-Results.

• Heimasíða TR
• Chess-Results

Íslandsmót barnaskólasveita hefst á laugardaginn í Rimaskóla

Mótið er fyrir nemendur á barnaskólaaldri, 1.-7. bekk. Fjórir skákmenn eru í hverri sveit, hægt er að vera með allt að þrjá varamenn í hverri sveit.

Teflt verður í Rimaskóla, Grafarvogi.

Tefldar verða níu umferðir, fimm á laugardegi og fjórar á sunnudegi.

Umhugsunartími verður 15 mínútur á mann.

Taflmennska hefst 13:00 á laugardag og 11:00 á sunnudag.

Veitt verða verðlaun fyrir efstu b-e sveitir ásamt verðlaunum fyrir efstu sveitina sem er einungis skipuð nemendum í 1.-4. bekk.

Skráning fer fram hér. Hægt er að fylgjast með þegar skráðum sveitum hér.

Liðsstjórar skulu boða keppendur 12:40 svo mótið geti hafist á réttum tíma.

Veitt verða borðaverðlaun fyrir bestan árangur á borði 1-4.

Sá skóli sem verður Íslandsmeistari tryggir sér þátttökurétt á Norðurlandamóti barnaskólasveita sem fer fram í haust.

Þátttökugjald er 5.000 kr. á sveit - mest 10.000 kr. á skóla.

Ný íslensk skákstig

Ný íslensk skákstig komu út 1. mars sl. Jóhann Hjartarson (2614) er sem fyrr stigahæstur. Kristján Hallberg (1689) er hæstur nýliða og Halldór Atli Kristjánsson (167) hækkar mest frá desember-listanum.

Topp 20

Jóhann Hjartarson (2614) er stigahæsti skákmaður landsins. Í næstu sætum eru Hannes Hlífar Stefánsson (2594) og Margeir Pétursson (2589).  

 

No.	Name	RtgC	Diff	Cat
1	Jóhann Hjartarson	2614	0	-
2	Hannes H Stefánsson	2594	0	-
3	Margeir Pétursson	2589	0	-
4	Héðinn Steingrímsson	2545	0	-
5	Helgi Ólafsson	2541	0	-
6	Henrik Danielsen	2515	0	-
7	Jón Loftur Árnason	2512	0	-
8	Stefán Kristjánsson	2493	12	-
9	Helgi Áss Grétarsson	2492	0	-
10	Hjörvar Grétarsson	2475	0	U20
11	Friðrik Ólafsson	2474	0	SEN
12	Karl Þorsteins	2452	-3	-
13	Bragi Þorfinnsson	2434	5	-
14	Þröstur Þórhallsson	2429	-11	-
15	Jón Viktor Gunnarsson	2421	8	-
16	Dagur Arngrímsson	2399	-3	-
17	Arnar Gunnarsson	2398	0	-
18	Björn Þorfinnsson	2391	2	-
19	Guðmundur Kjartansson	2391	0	-
20	Magnús Örn Úlfarsson	2372	4	-

Nýliðar

Kristján Hallberg (1689) er stigahæstur 16 nýliða. Í næstum sætum eru Jón Eggert Hallsson (1592) og Jón Gunnar Pálsson (1576).

 

No.	Name	RtgC	Diff	Cat
1	Kristjan Hallberg	1689	1689	SEN
2	Jón Eggert Hallsson	1592	1592	-
3	Jón Gunnar Pálsson	1576	1576	SEN
4	Haraldur Arnar Haraldsson	1550	1550	-
5	Ólafur Hlynur Guðmarsson	1550	1550	-
6	Jón Þór Helgason	1403	1403	-
7	Óskar Einarsson	1303	1303	SEN
8	Birkir Már Magnússon	1262	1262	-
9	Haukur Sveinsson	1261	1261	-
10	Steinþór Baldursson	1259	1259	-
11	Sigurður Bjarki Blumenstein	1152	1152	U14
12	Axel Óli Sigurjónsson	1000	1000	U12
13	Brynjar Haraldsson	1000	1000	U10
14	Jón Hreiðar Rúnarsson	1000	1000	U10
15	Sigurjón Daði Harðarson	1000	1000	U14
16	Stefán Orri Davíðsson	1000	1000	U08

Mestu hækkanir

Ungir og efnilegir skákmenn setja mark sitt á þennan lista en 9 af 10 er 20 ára eða yngri. Halldór Atli Kristjánsson (167) hækkar mest. "Gamalmennið" Loftur Baldvinsson (123) er annar og Björn Hólm Birkisson (107) er þriðji.

 

1	Halldór Atli Kristjánsson	1167	167	U12	GM Hellir
2	Loftur Baldvinsson	1930	123	-	SA
3	Björn Hólm Birkisson	1557	107	U14	TR
4	Vignir Vatnar Stefánsson	1895	82	U12	TR
5	Óskar Víkingur Davíðsson	1260	75	U10	GM Hellir
6	Örn Leó Jóhannsson	2039	73	U20	SR
7	Andri Freyr Björgvinsson	1718	70	U18	SA
8	Gauti Páll Jónsson	1646	70	U16	TR
9	Símon Þórhallsson	1661	66	U16	SA
10	Mykhaylo Kravchuk	1359	66	U12	TR

Reiknuð mót

• Skákþing Garðabæjar (a- og b-flokkur)
• Vetrarmót öðlinga
• Skákþing Reykjavíkur
• Meistaramót Skákfélags Sauðárkróks
• Árbótarmótið (5.-7. umferð)
• Skákþing Akureyrar
• Nóa Síríus mótið - Gestamót GM Hellis og Breiðabliks

 

•  

 

Verðlaun fyrir bestu stúlknasveitina á Íslandsmóti barnaskólasveita

Veitt verða sérstök verðlaun fyrir bestu stúlknasveitina á Íslandsmóti barnaskólasveita sem fram fer um helgina í Rimaskóla. Skákkennarar eru hvattir til að ná fram nokkrum slíkum sveitum!

Nú þegar eru 26 sveitir skráðar til leiks og enn vantar marga skákskóla til leiks. Það stefnir því í mjög góða þátttöku.

Upplýsingar um þegar skráðar sveitir má nálgast hér.

 

Anand enn í forystu - Topalov vann Kramnik

Indverjinn Viswanathan Anand (2770) gerði jafntefli við Karjakin (2766) í sjöttu umferð Áskorendamótsins sem fram fór í dag í Khanty-Mansiysk og er enn efstur. Það bar helst til tíðinda að Topalov (2785) vann Kramnik (2887).  Mamedyarov (2757) er svo kominn í gang en hann vann sína aðra skák í röð í dag. Fórnarlambið var Svidler (2758).

Anand hefur 4 vinninga en Aronian (2830) hefur 3½ vinnning. Hálft mótið eða 4 keppendur hafa svo 3 vinninga.

Frídagur er á morgun.

Staðan:

Rank	SNo.		Name	Rtg	FED	Pts	Res.	vict	SB
1	6	GM	Anand Viswanathan	2770	IND	4	0	2	11,75
2	7	GM	Aronian Levon	2830	ARM	3½	0	2	10,00
3	3	GM	Svidler Peter	2758	RUS	3	0	2	7,75
	5	GM	Mamedyarov Shakhriyar	2757	AZE	3	0	2	7,75
5	8	GM	Topalov Veselin	2785	BUL	3	0	1	9,50
6	4	GM	Kramnik Vladimir	2787	RUS	3	0	1	8,75
7	2	GM	Karjakin Sergey	2766	RUS	2½	0	0	7,50
8	1	GM	Andreikin Dmitry	2709	RUS	2	0	0	6,50

 

•  Heimasíða mótsins
• Beinar útsendingar

 

Henrik með jafntefli í fyrstu umferð

Stórmeistarinn Henrik Danielsen (2501) hóf í gær taflmennsku á alþjóðlegu móti í Kolgata í Indlandi. Í fyrstu umferð gerði hann jafntefli við Indverjann Bajaj Prince (2316). Í dag mætir hann indverska stórmeistranum Kidambi Sundararajan (2400).

Þátt taka 77 skákmenn þátt í mótinu frá 13 löndum. Þar á meðal 27 stórmeistarar. Henrik er nr. 17 í stigaröð keppenda.

• Heimasíða mótsins
• Chess-Results
• Beinar útsendingar (fimm skákir - fyrst og fremst Indverjar)