Oliver og Símon með jafntefli í þriðju umferð

Þriðja umferð EM ungmenna fór fram í dag í Batumi í Georgíu. Oliver Aron Jóhannesson (2192) og Símon Þórhallsson (1796) gerðu jafntefli. Sá síðarnefndi við mun stigahærri andstæðing. Oliver hefur 1,5 vinning, Símon hefur 1 vinning, Gauti Páll hefur 0,5 en Dagur er enn ekki kominn á blað.

Úrslit 3. umferðar

Staða íslensku keppendanna

 

989 skákmenn frá 43 löndum taka þátt. Fulltrúar Íslands eru fjórir að þessu sinni. Dagur Ragnarsson (2154) teflir flokki 18 ára og yngri en Oliver Aron Jóhannesson (2192), Símon Þórhallsson (1796) og Gauti Páll Jónsson (1739) tefla í flokki 16 ára og yngri. Dagur og Oliver eru þrautreyndir á slíkum mótum en Símon og Gauti eru að há frumraun sína. Helgi Ólafsson er fararstjóri og þjálfari.

Dagur er nr. 42 í stigaröð 62 keppenda. 

Í flokki 16 ára og yngri taka 89 skákmenn þátt. Oliver er nr. 32 í stigaröð keppenda en Símon er nr. 77 og Gauti er nr. 82.

• Heimasíða mótsins
• Chess-Results
• Beinar útsendingar

Unglingameistaramót Hugins hefst á mánudag

Unglingameistaramót Hugins 2014 (suðursvæði) hefst mánudaginn 27. október n.k. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 28. október n.k. kl. 16.^30.  Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri í grunnskóla en titilinn sjálfan getur aðeins félagsmaður í Huginn unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing eftir unglingameistaramótið verður mánudaginn 3. nóvember n.k.  Keppnisstaður er Álfabakki 14a (inngangur milli Subway og Fröken Júlíu) og er salur félagsins á þriðju hæð. Engin þátttökugjöld.

Verðlaunagripir verða fyrir þrjú efstu sætin. Allir þátttakendur fá skákbók.

Umferðatafla:

1.-4. umferð:                Mánudaginn 27. október kl. 16.³⁰

5.-7. umferð:                Þriðjudaginn 28. október kl. 16.³⁰

Verðlaun:

1. Unglingameistari Hugins (suðursvæði) fær farandbikar til varðveislu í eitt ár.
2. Þrír efstu fá verðlaunagripi til eignar.
3. Allir keppendur fá skákbók.
4. Þrír efstu 12 ára og yngri fá verðlaunapening.
5. Stúlknameistari Hugins (suðursvæði) fær verlaunagrip til eignar.

Barna- og unglingameistaramót TR/ Stúlknameistaramót TR

Barna- og unglingameistaramót sem og Stúlknameistaramót Taflfélags Reykjavíkur fer fram sunnudaginn 26. október í félagsheimili T.R. Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í tveimur flokkum: opnum flokki og stúlknaflokki. Verðlaun verða veitt fyrir þrjú efstu sætin í opna flokknum og þar fyrir utan hlýtur efsti T.R.-ingurinn titilinn Unglingameistari T.R. 2014.

Þá verða veitt verðlaun fyrir þrjú efstu sætin í stúlknaflokknum og þar fyrir utan hlýtur efsta stúlkan úr T.R. titilinn Stúlknameistari T.R. 2014.

Til viðbótar verða veitt verðlaun fyrir efsta sætið í aldursflokknum 13-15 ára, 11-12 ára, 9-10 ára sem og 8 ára og yngri í báðum flokkum (opna flokknum og stúlknaflokknum).

Mótið er opið öllum krökkum 15 ára og yngri (fædd 1999 og síðar). Skráning fer fram á vef Taflfélags Reykjavíkur og skak.is.  Smellið hér til að fara beint í skráningarform (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 26. október frá kl. 13.30- 13.45.

Aðgangur á mótið er ókeypis.

Mikið um óvænt úrslit í fyrstu umferð Skákþings Garðabæjar

Mikið varð um óvænt úrslit í fyrstu umferð Skákþings Garðabæjar sem fram fór í gær. Þeir stiglægri unnu hina stigahærri 5,5-4,5 en stigamunurinn var u.þ.b. 250-350 skákstig. Tvíburarnir Björn Hólm (1655) og Bárður Örn (1636) unnu sigra á Guðlaugu Þorsteinsdóttur (2006) og Páli Sigurðssyni (1919). Góð þátttaka er á mótinu en alls taka 43 skákmenn þátt.

Úrslit fyrstu umferðar (hægt að stækka með því að klikka á mynd)

Úrslit í b-flokki

 

 

• Heimasíða TG
• Chess-Results

Gauti Páll með jafntefli í annarri umferð

Önnur umferð EM ungmenna fór fram í dag í Batumi í Georgíu. Gauti Páll Jónsson (1739) gerði jafntefli við mun stigahærri andstæðing en aðrar skákir Íslendinganna töpuðust. 

Gauti segir svo á Facebook:

Jafntefli í annari umferð. Tefldi með hvítt á móti mjög fyrirsjánlegum andstæðingi þ.e.a.s að hann er fastur í einni byrjun. Helgi mældi með ákveðnum sjaldgæfum leik sem ''gefur ekki neitt'' í teoríunni en er samt óþægilegur fyrir þá sem þekkja hann ekki. Hann þekkti hann ekki. Hann fékk slæma stöðu og fórnaði skiptamun til að halda lífi. Vorum báðir í tímahraki og hann náði að þrátefla. Ég kunni bara ekki að klára þetta, unnið er ekki nóg, maður þarf að klára. 

 

Úrslit annarrar umferðar (hægt að stækka með því klikka á mynd)

989 skákmenn frá 43 löndum taka þátt. Fulltrúar Íslands eru fjórir að þessu sinni. Dagur Ragnarsson (2154) teflir flokki 18 ára og yngri en Oliver Aron Jóhannesson (2192), Símon Þórhallsson (1796) og Gauti Páll Jónsson (1739) tefla í flokki 16 ára og yngri. Dagur og Oliver eru þrautreyndir á slíkum mótum en Símon og Gauti eru að há frumraun sína. Helgi Ólafsson er fararstjóri og þjálfari.

Dagur er nr. 42 í stigaröð 62 keppenda. 

Í flokki 16 ára og yngri taka 89 skákmenn þátt. Oliver er nr. 32 í stigaröð keppenda en Símon er nr. 77 og Gauti er nr. 82.

• Heimasíða mótsins
• Chess-Results
• Beinar útsendingar

Vetrarmót öðlinga hefst 29. október

Vetrarmót öðlinga 40 ára og eldri hefst miðvikudaginn 29. október kl. 19.30 í félagsheimili T.R. að Faxafeni 12. Tefldar verða sjö umferðir og er umhugsunartíminn 90 mínútur á alla skákina + 30 sekúndna viðbótartími á hvern leik.Mótið, sem hefur fengið góðar viðtökur, er nú haldið í fjórða sinn en fyrirkomulag þess hentar vel þeim sem ekki hafa tök á að tefla oft í viku eða yfir heila helgi því aðeins er teflt einu sinni í viku, á miðvikudagskvöldum kl. 19.30. Dagskráin er því ekki stíf og jafnframt lýkur mótinu vel fyrir jólaösina.Þátttökurétt hafa allir öðlingar fertugir (á árinu) og eldri.

Dagskrá:

• 1. umferð miðvikudag 29. október kl. 19.30
• 2. umferð miðvikudag 5. nóvember kl. 19.30
• 3. umferð miðvikudag 12. nóvember. kl. 19.30
• 4. umferð miðvikudag 19. nóvember kl. 19.30
• 5. umferð miðvikudag 26. nóvember kl. 19.30
• 6. umferð miðvikudag 3. desember kl. 19.30
• 7. umferð miðvikudag 10. desember kl. 19.30

Keppt er um veglegan farandbikar, en auk hans eru verðlaun fyrir þrjú efstu sætin.Þátttökugjald er kr. 4.000. Innifalið er frítt kaffi allt mótið. Skráning fer fram á vef Taflfélags Reykjavíkur.

• Vetrarmót öðlinga 2013
• Vetrarmót öðlinga 2012
• Vetrarmót öðlinga 2011

Róbert Lagerman sigraði á hraðskákmóti TR

 

Róbert Lagerman kom sá og sigraði með tólf vinninga af fjórtán á stórskemmtilegu Hraðskákmóti Taflfélags Reykjavíkur í dag. Baráttan um sigurinn var geysihörð og í öðru til þriðja sæti einungis hálfum vinning á eftir urðu Gunnar Fr. Rúnarsson og Jóhann Ingvason.

 

Efstur TRinga varð varformaðurinn og fyrrverandi skákmeistari félagsins Kjartan Maack sem er þar með hraðskákmeistari Taflfélags Reykjavíkur 2014. 

Félagið óskar verðlaunahöfum til hamingju og vill þakka öllum þeim 40 sem tóku þátt.

Lokastaðan (hægt að klikka á mynd til að stækka)

 

 

 

Jón Kristinn hraðskákmeistari SA

Hausthraðskákmót Skákfélags Akureyrar var háð í gær, 19. október. Tíu keppendur mættu til leiks og telfdu einfalda umferð. Að venju reyndist Jón Kristinn Þorgeirsson fengsæll og vann allar sínar skákir. 

Úrslit:

 

Jón Kristinn Þorgeirsson             9 

Áskell Örn Kárason og

Sigurður Eiríksson                       7

Haraldur Haraldsson                   6

Smári Ólafsson                            5

Haki Jóhannesson                       4,5

Sveinbjörn Sigurðsson                 3

Kristjan Hallberg                          2,5

Gabríel Freyr Björnsson               1

Roman Darri S. Bos                      0

Næsta mót verður á fimmtudagskvöld, fjórða lota í mótaröðinni.

Skákþáttur Morgunblaðsins: Huginn leiðir eftir fyrrihluta Íslandsmótsins

Eftir fyrri hluta Íslandsmóts skákfélaga sem fram fór í Rimaskóla um síðustu helgi er viðbúið að baráttan um Íslandsmeistaratitilinn verði hörð og muni standa á milli þriggja efstu liða, Hugins, Taflfélags Reykjavíkur og Taflfélags Vestmannaeyja. Tíu lið eru í efstu deild og staðan er þessi: 1. Skákfélagið Huginn 28½ v. 2. Taflfélag Reykjavíkur 28 v. 3. Taflfélag Vestmannaeyja v 27½ v. 4. Skákdeild Fjölnis 23 v. 5. Taflfélag Bolungarvíkur 21½ v. 6. Huginn (b-sveit) 18½ v. 7. Skákfélag Akureyrar 18 v. 8. Víkingaklúbburinn 12½ v. 9. Skákfélag Reykjanesbæjar 12 v. 10. Skákfélag Íslands 11 v.

Sveitir Taflfélag Reykjavíkur standa vel að vígi á öllum neðri deildunum, Í 2. deild er b-sveitin félagsins efst, í 3. deild er leiðir c-sveitin og í 4. deild er d-sveit TR í efsta sæti.

Efstu liðin í 1. deild eru búin að mætast innbyrðis í 1. deildinni þannig að úrslitin snúast um það hversu mörgum vinningum þau sanka að sér á lokasprettinum. Skákfélagið Huginn, sem tapaði fyrir Taflfélagi Vestmannaeyja í 3. umferð, nýtur þess að vera með b-lið í keppninni og góðan mannskap. Þegar a- og b-liðið mættust í 1. umferð voru meðalstig b-liðsmanna 1.854 elo-stig en hækkuðu svo snarlega í næstu umferð upp í 2.218 elo-stig. Hinn ungi og efnilegi Hilmir Freyr Heimisson vann raunar þrautreyndan Kristján Eðvarðsson á 6. borði en önnur úrslit voru eftir bókinni og niðurstaðan 7:1, A-liðinu í vil. Ungu skákmennirnir stóðu sig almennt vel á Íslandsmótinu og af eldri skákmönnum er það helst að segja að gömul kæti greip menn þegar Margeir Pétursson gekk í salinn til að tefla tvær skákir fyrir sitt gamla félag, Taflfélag Reykjavíkur, seiglaðist í erfðri vörn á móti „Shirov-bananum" Einar Hjalta og vann að lokum. Jóhann Hjartarson, tefldi vel gegn Kanadamanninum Eric Hansen og gaman var að sjá búlgarska stórmeistarann Ivan Cheparinov að tafli fyrir Hugin í Rimaskólanum. Alltaf dáist maður að þrautseigjunni og þeirri tryggð við heimahagana sem ríkir innan Skákfélags Akureyrar. Gylfi Þórhallsson hefur verið með í nánast hverri umferð frá fyrstu keppninni haustið 1974 og félagar hans og máttarstólpar í liðinu missa vart úr skák þessi misserin. Norðanmenn hafa líka innan sinna vébanda einn efnilegasta skákmann landsins sem hækkaði um tæplega 70 elo stig þessa helgi og vann kunnan skákmeistara í 5. umferð:

Árni Ármann Árnason (Bolungarvík) - Jón Kristinn Þorgeirsson (Akureyri )

Drottningarbragð

1. d4 Rf6 2. Rf3 e6 3. c4 d5 4. cxd5 exd5 5. Bg5 c6 6. Dc2 Be7 7. e3 Re4 8. Bxe7 dxe7 9. Bd3 f5 10. Rc3 0-0 11. 0-0 Be6 12. Re5 Rd7 13. f4 Hf6 14. Ra4 Rxe5 15. fxe5 Hg6 16. Hab1

Af hverju ekki 16. b4 strax, t.d. 16. ...Dxb4 17. Bxe4 dxe4 18. Rc5 sem hótar m.a. 19. Hab1.

16. ... Dg5 17. De2 h5 18. b4 h4 19. Bxe4

Opnar fyrir biskupinn á e6 en svartur hótaði 19.... Rg3.

19.... fxe4 20. Hf4 Bh3 21. Hf2 Bg4 22. Dd2 Bf3 23. Kh1?

Betra var sennilega 23. Rc3. Nú hristir Jón Kristinn fram úr erminni magnaða fléttu.

23.... Dxg2+! 24. Hxg2 h3!

Eftir þennan óvænta „millileik" sá Árni síma sæng uppreidda. Hann getur þó varist með 25. Kg1 sem má svara með 25.... Bxg2! 26. De1 Hf8 með áframhaldandi sókn, t.d. 27. Hb2 Hf5 o.s.frv.

25. De1? Hxg2 26. Rc5 Hg6 mát.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Laugardagsmogganum, 11. október 2014

Skákþættir Morgunblaðsins

Oliver og Símon byrja vel á EM ungmenna

Fyrsta umferð EM ungmenna fór fram í dag í Batumi í Georgíu. Oliver Aron Jóhannesson (2192) og Símon Þórhallsson (1796) byrja vel. Oliver Aron vann en Símon gerði jafntefli við andstæðing sem var 400 stigum hærri. Dagur Ragnarsson (2154) og Gauti Páll Jónsson (1739) töpuðu. Oliver verður á beinni á morgun en þá teflir hann við stigahæsta keppendann í sínum flokki.

Úrslit fyrstu umferðar (hægt að stækka með því klikka á mynd)

Röðun annarrar umferðar:

989 skákmenn frá 43 löndum taka þátt. Fulltrúar Íslands eru fjórir að þessu sinni. Dagur Ragnarsson (2154) teflir flokki 18 ára og yngri en Oliver Aron Jóhannesson (2192), Símon Þórhallsson (1796) og Gauti Páll Jónsson (1739) tefla í flokki 16 ára og yngri. Dagur og Oliver eru þrautreyndir á slíkum mótum en Símon og Gauti eru að há frumraun sína.

Dagur er nr. 42 í stigaröð 62 keppenda. 

Í flokki 16 ára og yngri taka 89 skákmenn þátt. Oliver er nr. 32 í stigaröð keppenda en Símon er nr. 77 og Gauti er nr. 82.

• Heimasíða mótsins
• Chess-Results
• Beinar útsendingar