Benedikt Ernir, Jón Hreiðar og Guðmundur sigurvegarar Barnaskákmóts Víkings

Barnaskákmót Víking fór fram í húsakynnum Knattspyrnufélags Víkings í Víkinni 24. apríl. Tefldar voru 5 umferðir með 10 mínútna umhugsunartíma. Góð þátttaka var í mótinu, sem fór vel fram. Veitt voru verðlaun fyrir besta árangur í stráka og stelpnaflokki auk þess sem veitt voru verðlaun fyrir besta árangur krakka fædda 2004 og síðar.  

Þrír urðu efstir og jafnir, þeir Benedikt Ernir Magnússon, Jón Hreiðar Rúnarsson og Guðmundur Grímsson.  Benedikt tefldi við sterkustu andstæðingana og varð efstur á stigum. Jón Hreiðar varð efstur barna fædd 2004 og síðar (1-3 bekk).  Íris Daðadóttir varð efst stúlkna eftir stigaútreikning. Skákstjóri á mótinu var Gunnar Fr. Rúnarsson, en Vigfús Óðinn Vigfússon Helli veitti einnig ómetanlega aðstoð við skákstjórn.


Úrslit

 1-3 Benedikt Ernir Magnússon                     4         9.5  15.5   14.0
        Jón Hreiðar Rúnarsson                          4         9.0  15.0   13.0
        Guðmundur Grímsson                           4         7.0  12.0   12.0
  4    Jóhann Þor Vilhjálmsson                      3         7.0  12.0    8.0
5-9   Stefán Björn Stepensen                         2         8.0  13.0    7.0
        Einar Örn Sigurðsson                             2         7.0  13.0    7.0
        Íris Daðadóttir                                       2         6.0  11.0    3.5
        Sigrún Ásta Jónsdóttir                          2         6.0   9.0    3.5
        Arnór  Tjörvi Þórsson (tefldi. 3. umf.)   2         1.5   6.5    3.0
 10-11 Kristján Örn Sigurðsson                     1         7.5  13.5    4.0
            Sigurður Rúnar Gunnarsson               1         8.0  14.0    8.0

Skákþáttur Morgunblaðsins: Gamall og góður kani

Robert Byrne sem lést þann 12. apríl sl. 84 ára að aldri var íslenskum skákáhugamönnum að góðu kunnur. Hann kom hingað til lands á Fiske-mótið 1968 og tefldi á fjölmörgum Reykjavíkurskákmótum eftir það. Á meðan einvígi aldarinnar stóð sumarið 1972 sat hann með ritvél úti í horni í blaðamannaherbergi Laugardalshallar og lét þar stundum til sín taka á sinn hógværa hátt. „Fischer-sprengjan" í Bandaríkjunum hafði skapað fremstu meisturunum ný tækifæri og Byrne hóf að skrifa um skák fyrir „The New York Times". Um líkt leyti sagði hann stöðu sinni lausri sem prófessor í heimspeki við háskólann í Indiana og gerðist atvinnumaður, kominn vel á fimmtugsaldur. Byrne hafði náð góðum árangri á Aljékín-mótinu í Moskvu í árslok 1971 en sitt frægasta afrek vann hann vorið 1973 er hann hlaut 12 ½ vinninga af 17 mögulegum á millisvæðamótinu í Leningrad og varð í 3. sæti á eftir Karpov og Kortsnoj, tefldi síðan við Spasskí í fyrstu hrinu áskorendakeppninnar en tapaði 1½ : 4½ . Þeir skákbræður Robert og Donald Byrne gengu í „Erasmus High" í Brooklyn, sama skóla og Bobby Fischer, og tefldu við hann þrjár af hans frægustu skákum. Rakið er í „My 60 Memorable Games" er Robert Byrne gafst upp eftir 21. leik á bandaríska meistaramótinu 1963-64, og sumir áhorfendur héldu að Fischer væri með tapað tafl. Færri vita að Fischer tapaði fyrir Robert Byrne á sama meistaramóti tveim árum síðar og var einungis vinningi yfir í tíu viðureignum. Skáklíf þessara ára hverfðist að miklu leyti um Fischer og Robert Byrne var heillaður af öllu sem þessi goðsögn tók sér fyrir hendur, tefldi sömu byrjanir og dugði vel í Leningrad ´73. Þar var aðstoðarmaður hans Bernard Zuckerman, gangandi alfræðibók, kallaður „Zook the book". Á millisvæðamótinu í Biel árið 1976 keyrði Byrne enn á sama „repertoire", varð í 5.-7. sæti og rétt missti af sæti í áskorendakeppninni. Hinn bandaríski keppandinn á því móti er í dag frægur hagfræðingur, Kenneth Rogoff. Á Ólympíumótinu í Haifa í Ísrael árið 1976 tefldi Robert Byrne á 1. borði og Bandaríkjamenn unnu gullverðlaun. Þá voru sovéskir „ útlagar" einn af öðrum að tínast til Bandaríkjanna og áttu eftir að gerbreyta landslagi skákarinnar. Lubomir Kavalek, sem var með Byrne í Haifa birti grein í Huffington Post á dögunum og dró þar fram eftirfarandi viðureign sem Byrne tefldi við við einn af þessum gömlu góðu Könum sem einnig var í þessari sigursveit:

Bandaríska meistaramótið 1965:

Robert Byrne - Larry Evans

Sikileyjarvörn

1. e4 c5 2. Rf3 a6 3. Rc3 d6 4. d4 cxd4 5. Rxd4 Rf6 6. Bg5 e6 7. f4 Db6 8. Dd2 Dxb2 9. Hb1 Da3 10. e5 dxe5 11. fxe5 Rfd7 12. Bc4 Bb4 13. Hb3 Da5 14. O-O O-O 15. Bf6!?

Í árdaga „eitraða peðs" afbrigðisins vissu menn ekki að svartur getur varist þessari atlögu með 15. ... Rxf6 16. exf6 Hd8 17. Hxb4 Dxb4 18. Dg5 g6 o.s.frv.

15. ... gxf6? 16. Dh6 Dxe5 17. Rf5! exf5 18. Re4!

Hver þrumuleikurinn á fætur öðrum. Riddarinn opnar leið fyrir hrókinn á b3.

-sjá stöðumynd-

18. ... Bd2 19. Rxd2 Dd4+ 20. Kh1 Re5 21. Hg3 Rg4 22. h3 De5 23. Hf4 De1 24. Rf1 Dxg3 25. Hxg4+ Dxg4 26. hxg4Rd7 27. Rg3 Kh8 28. Bd3 Hg8 29. Bxf5 Hg6 30. Bxg6 fxg6 31. Re4 b5 32. g5 Bb7 33. Rxf6 Rf8 34. Dh2 Bc8 35. De5 Re6 36. Rd7+

- og Evans gafst upp.

 

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 21. apríl 2013.

Skákþættir Morgunblaðsins

[Event "USA-ch"] [Site "New York"] [Date "1965.12.30"] [EventDate "?"] [Round "11"] [Result "1-0"] [White "Robert Eugene Byrne"] [Black "Larry Melvyn Evans"] [ECO "B97"] [WhiteElo "?"] [BlackElo "?"] [PlyCount "71"] 1. e4 c5 2. Nf3 a6 3. Nc3 d6 4. d4 cxd4 5. Nxd4 Nf6 6. Bg5 e6 7. f4 Qb6 8. Qd2 Qxb2 9. Rb1 Qa3 10. e5 dxe5 11. fxe5 Nfd7 12. Bc4 Bb4 13. Rb3 Qa5 14. O-O O-O 15. Bf6 gxf6 16. Qh6 Qxe5 17. Nf5 exf5 18. Ne4 Bd2 19. Nxd2 Qd4+ 20. Kh1 Ne5 21. Rg3+ Ng4 22. h3 Qe5 23. Rf4 Qe1+ 24. Nf1 Qxg3 25. Rxg4+ Qxg4 26. hxg4 Nd7 27. Ng3 Kh8 28. Bd3 Rg8 29. Bxf5 Rg6 30. Bxg6 fxg6 31. Ne4 b5 32. g5 Bb7 33. Nxf6 Nf8 34. Qh2 Bc8 35. Qe5 Ne6 36. Nd7+ 1-0

Vignir vann í dag

Vignir Vatnar Stefánsson (1678) vann í dag í 7. umferð HM áhugamanna moldóvískan skákmann (1926). Í gær tapaði hann hins vegar fyrir rúmenskum skákmanni (1883). Vignir hefur 4½ vinning og er í 36.-51. sæti.

Í áttundu og næstsíðustu umferð, sem fram fer á morgun, teflir hann við rúmenskan skákmann (1976).

Alls taka 207 skákmenn þátt í mótinu sem fram fer í Iasi í Rúmeníu frá 37 löndum en hámarksstig til að mega taka þátt eru 2000 skákstig. Vignir er nr. 132 í stigaröð keppenda.

• Heimasíða mótsins
• Chess-Results 

Rúnar öruggur sigurvegari minningarmóts um Jón Ingimarsson

Mótinu sem haldið er í aldarminningu Jóns Ingimarssonar, skákmeistara og verkalýðsfrömuðar, lauk í Alþýðuhúsinu á Akureyri nú fyrir stundu. Í dag voru tefldar lokaumferðirnar sex og mættust forystusauðirnir Rúnar og Áskell strax í fyrstu umferðinni í morgun. Fyrir skákina skildi 1/2 vinningur þá að, en með sigri í skákinni náði Rúnar forystu sem ekki varð brúuð. Hann leyfði aðeins eitt jafntefli í síðustu skákunum og kom í mark einum vinningi á undan Áskatli. Lokastaðan var annars þessi:

 

Rúnar Sigurpálsson	19,5
Áskell Örn Kárason	18,5
Friðrik Ólafsson (GM)	15,5
Smári Rafn Teitsson	15
Oliver Aron Jóhannesson	14
Sigurður Eiríksson	13,5
Smári Ólafsson	13,5
Jón Kristinn Þorgeirsson	12,5
Sigurður Arnarson	12
Stefán Bergsson	12
Haraldur Haraldsson	12
Þór Valtýsson	11
Ingimar Jónsson	10,5
Guðfinnur Kjartansson	8
Haki Jóhannesson	8
Hjörleifur Halldórsson	7,5
Kristófer Ómarsson	7,5
Símon Þórhallsson	7
Eymundur L. Eymundsson	5
Rúnar Ísleifsson	4,5
Logi Rúnar Jónsson	4
Sindri Snær Kristófersson	0

Auk þeirra Rúnars, Áskels og Friðriks, sem lentu í þremur efstu sætunum, hreppti Sigurður Eiríksson öldungaverðlaun og þeir Guðfinnur Kjartansson og Haki Jóhannesson skiptu með sér verðlaunum í flokki skákmanna undir 1800 stigum.

Mótinu lauk með glæsilegu tertuboði og var slitið af dr. Ingimar Jónssyni, syni Jóns og frumkvöðli að móthaldinu.

Rúnar efstur á minningarmóti Jóns Ingimarssonar

Í gær voru tefldar 10 umferðir á minningarmóti Jóns Ingimarssonar í Alþýðuhúsinu á Akureyri. Mjög góð stemmning er á mótinu og slæðingur af áhorfendum. Einn af þeim sem lét sjá sig var fráfarandi atvinnuvega- og nýsköpunarráðherra Steingrímur J. Sigfússon sem fylgdist með skákunum af athygli. Steingrímur, sem er fyrrverandi skákmeistari Laugaskóla, lét þess getið að mjög hefði dregið úr skákiðkun á þingi og þótti miður. Lítið er vitað um skákkunnáttu þeirra þingmannsefna sem nú reyna að fá náð fyrir augum kjósenda, en frést hefur að Stefán Bergsson og Skákakademían muni fúslega kenna þeim sem vilja undirstöðuatriðin í manntafli. Refskák þurfa þeir víst ekki að læra.

Það sást til Steingríms krækja í tvö eða þrjú atkvæði á skákstað með neftóbaksdós að vopni.  Fórst honum það vel úr hendi.

Það var líflegt við skákborðið í dag og ber ekki á öðru en glíman um efsta sætið standi einkum milli Rúnars Sigurpálssonar og Áskels Arnar Kárasonar. Rúnar hefur unnið allar skákir sínar utan þá sem hann tapaði fyrir Friðrik í morgun. Áskell er enn taplaus en hefur gert jafntefli við Friðrik, Ingimar og Oliver.  Þeir forystusauðir eigast svo við í fyrstu umferðinni í fyrramálið. Hún hófst kl. 11, korteri fyrir stjórnarmyndunarviðræður.

Staðan að loknum 15 umferðum af 21 er annars þessi:

 

Rúnar Sigurpálsson	14
Áskell Örn Kárason	13,5
Friðrik Ólafsson (GM)	10,5
Smári Rafn Teitsson	10,5
Oliver Aron Jóhannesson	10
Sigurður Eiríksson	9,5
Smári Ólafsson	9,5
Ingimar Jónsson	9
Sigurður Arnarson	9
Jón Kristinn Þorgeirsson	8,5
Guðfinnur Kjartansson	8
Stefán Bergsson	7,5
Haraldur Haraldsson	7
Þór Valtýsson	7
Haki Jóhannesson	6,5
Hjörleifur Halldórsson	6,5
Kristófer Ómarsson	5
Eymundur L. Eymundsson	4,5
Símon Þórhallsson	4,5
Rúnar Ísleifsson	2,5
Logi Rúnar Jónsson	2
Sindri Snær Kristófersson	0

Riddarinn - Sá hlær best sem síðast hlær

Svo mælti  Sigurður E. Kristjánsson (77) hinn hægláti höbbðingi og hló við fót þegar hann mátaði Jón Þ. Þór með hrók og biskupi á móti hróki á lokasekúndunni í snarpri viðureign þeirra á æfingamóti Riddarans á miðvikudaginn var.  SEK  sem þekktur er fyrir orðtækið „og hótar" og fleiri gamansamar kveðjur til mótherja sinna er ekki allur þar sem hann er séður við skákborðið. Hinn fyrrv. Kópavogsmeistari er afar drjúgur skákmaður og  einkar „þrautgóður á raunastund". Hann hefur unnið ófáar skákir sínar í endatafli af stakri snilld, jafnvel þegar öll sund virtust lokuð,  með sinni alkunnu rósemi og yfirvegun.

Segja má að hann hafi beitt „magnþrunginni íhlutun" að hætti stjórnmálamanna á taflborðinu að undanförnu og  yfirspilað andstæðinga sína með góðum árangri án þess að mikið bæri á.   Í vikunni sem leið vann hann það sér til ágætis að verða einn efstur með 9.5 vinning af 11 mögulegum á undan sigurvegara 2ja síðustu móta Guðfinni hinum grimma  „sem hvorki gefur grið né frið en geysist fram og heggur lið", eins og segir í kvæðinu dýrtkveðna um hann.   Jón Þ. Þór mátti sætta sig við að vera skör neðar á mótstöflunni að þessu sinni ásamt Friðgeiri Hólm en allir uppskáru þeir 8.5 vinning, sem margir hefðu verið sælir með.

Góð frammistaða kappans Björns Víkings Þórðarsonar, sem senn fyllir 82 ár, hefur vakið athygli. Hinn aldni seggur hefur komið sterkur til leiks og komist á pall í hverju mótinu á fætur öðru í vetur, þó hann gangi ekki alveg heill til skógar.  Hinir gömlu meistarataktar eru sjaldan langt undan þar sem Björn  er annars vegar.  „Hart er barist, hart er varist, hefur nokkurt lið misfarist" gæti átt vel við hann enda þótt ort hafi verið um annan minni spámann. „En hvað er þetta? Þarna er veila! Um það þarf vart að brjóta heila!  Það fer ekkert framhjá þeim gamla - heill honum.    

Nánari úrslit tveggja síðustu móta má sjá á meðf mótstöflum ásamt samsettum vettvangsmyndum:

 

 

 

 

Æfingamót aldraðra og aldurhniginna skákmanna á besta aldri í Riddaranum fellur niður í næstu viku þar sem svo óheppilega vill til að skákdaginn ber upp á frídag verkalýðsins 1. maí -  /ESE

Skólaskákmót Reykjavíkur fer fram á morgun

Skólaskákmót Reykjavíkur fer fram mánudaginn 29. apríl klukkan 17:00. Teflt verður á sal Laugalækjarskóla. Teflt verður í yngri flokki 1.-7. bekk og eldri flokki 8.-10. bekk.

Tefldar verða 7-9 umferðir með 10 mínútna umhugsunartíma.

Ekki er gert ráð fyrir fleiri en 1-4 keppendum frá hverjum skóla í hvorn flokk og eiga skólameistarar og krakkar með ELO-stig sjálfkrafa rétt til til þátttöku. Skákkennarar og aðrir umsjónamenn með skákkennslu í skólanum geta óskað eftir fleiri sætum á mótinu með því að senda beiðni á. [e-mail].

Keppt verður um sæti á Landsmóti sem fer fram á Patreksfirði helgina 2.-5. maí.

Reykjavík á fjögur sæti í eldri flokki og eitt í yngri flokki.

Skráning á Skólaskákmótið fer fram á [e-mail] og rennur fresturinn út á miðnætti 28. apríl. Skráningu þarf að fylgja fullt nafn, fæðingarár og skóli. Ekki verður tekið við skráningum sem koma á sjálfan mótsdag.

Bréfskák: Íslenska landsliðið í úrslit Evrópumótsins

Nú stendur yfir gríðarlega spennandi lokasprettur í undanúrslitum Evrópumóts landsliða í bréfskák. Íslenska landsliðið hefur lokið öllum sínum skákum, er efst í riðlinum og hefur þegar tryggt sér sæti í úrslitamótinu sem er áætlað að hefjist á síðasta fjórðungi ársins.

Staðan í riðlinum er þessi:

1. Ísland 48½ v.

2. Slóvakía 48½ v.

3. Slóvenía 46½ v. (+4 skákum ólokið)

4. Þýskaland 46½ v. (+3 skákum ólokið)

5. Króatía 38½ v. (+6 skákum ólokið)

6. Svíþjóð 36 v., 7.-8. Eistland, Tyrkland 34½ v. (+2), 9. Noregur 33 v. (+1), 10. Búlgaría 31½ v. (+1), 11. Danmörk 30 v. (+5)

Það er ljóst að ýmis stórveldi í bréfskákinni verða að horfa á eftir Íslandi í úrslitin. Þótt Slóvakía sé jöfn Íslendingum að vinningum þá er efsta sætið Íslands, þar sem innbyrðis viðureign liðanna lauk með sigri okkar manna, 5-3. Þessi sigur skiptir sköpum þar sem þrjú efstu liðin komast áfram og Slóvenía og Þýskaland geta náð Íslandi að vinningum. Þótt sex skákum sé ólokið hjá Króatíu, þá dugir jafnvel ekki sigur í þeim öllum til að liðið komist áfram í úrslitakeppnina. Það fer því eftir úrslitunum í síðustu skákunum hjá Slóveníu og Þýskalandi hvort þau ná bæði í úrslitin ásamt Íslandi eða annað hvort þeirra situr eftir með sárt ennið.

Það verður spennandi að sjá hvort íslenska liðið standi uppi sem sigurvegar í þessum riðli og setji þannig punktinn yfir i-ið á frábærum árangri.

Til gamans má geta þess, að elsti liðsmaður íslenska landsliðsins, Jón Adolf Pálsson, er á níræðisaldri. Það eru ekki margar keppnisgreinar sem státa af landsliðsmanni á svo virðulegum aldri!

Vigfús, Jón Trausti, Dagur og Dawid sigurvegarar Stigamóts Hellis

Vigfús Ó. Vigfússon (1994), Jón Trausti Harðarson (1762), Dagur Ragnarsson (2022) og Dawid Kolka (1640) urðu efstir og jafnir á Stigamóti Hellis með 5,5 vinning en sjöunda og síðasta umferð fór fram í gærkveldi. Jón Trausti og Dagur gerði jafntefli, Vigfús gerði jafntefli við Felix Steinþórsson (1419) og Dawid vann Þorstein Magnússon.

Heimir Páll Ragnarsson (1231) og Felix urðu svo í 3.-4. sæti með 5 vinninga. 

Alls tóku 27 skákmenn þátt í mótinu sem telst prýðileg þátttaka. Ungir og efnilegir skákmenn, sérstaklega úr Kópavogi settu mark sig á mótið en eins og nafnið kemur til kynna er mótinu ætlað að gefa mönnum tækiærir að hækka sig á stigum eða krækja sig sér í stig.

Hraðkvöld verður hjá Helli mánudaginn 29. apríl.

 

• Heimasíða Hellis
• Chess-Results
• Myndaalbúm (GB)

Rúnar efstur á minningarmóti Jóns Ingimarssonar

22 keppendur voru mættir til leiks við setningu mótsins í kvöld. Þar fluttu ávörp frá Þorsteinn E. Arnórsson Einingu-Iðju, Friðrik Ólafsson stórmeistari og Áskell Örn Kárason formaður Skákfélags Akureyrar. Friðrik rifjaði m.a. upp kynni sín af Jóni og norðlenskum skákmönnum og færði Skákfélaginu að gjöf skorblað sitt frá keppni Reykvíkingar og Akureyringar að Reykjum í Hrútafirði árið 1950 þegar Friðrik var 15 ára. Þar hafði hann einnig skráð úrslit í öllum skákum í viðureigninni sem lauk með sigri sunnanmanna 9-6.

Hófst þá taflið og voru tefldar fimm umferðir af 21. Að þeim loknum er staðan þessi:

 

Rúnar Sigurpálsson	5
Smári Ólafsson	4,5
Áskell Örn Kárason	4
Haraldur Haraldsson	3,5
Sigurður Arnarson	3,5
Smári Rafn Teitsson	3,5
Haki Jóhannesson	3
Stefán Bergsson	3
Friðrik Ólafsson (GM)	2,5
Guðfinnur Kjartansson	2,5
Hjörleifur Halldórsson	2,5
Ingimar Jónsson	2,5
Kristófer Ómarsson	2,5
Sigurður Eiríksson	2,5
Jón Kristinn Þorgeirsson	2
Oliver Aron Jóhannesson	2
Rúnar Ísleifsson	1,5
Símon Þórhallsson	1,5
Logi Rúnar Jónsson	1
Þór Valtýsson	1
Eymundur L. Eymundsson	0,5
Sindri Snær Kristófersson	0

Mótinu verður fram haldið kl. 11 á morgun. Þá verða tefldar 10 umferðir nema annað verði ákveðið.

Heimasíða SA