Kappteflið um Skákhörpuna 2011- Ingimar vann

Kappteflið um Skákhörpuna hefur að undanförnu verið háð hjá Riddaranum í Vonarhöfn, þar sem gamlar skákkempur hittast til tafls á miðvikudögum allan ársins hring í von um vinning.  Þetta er í fjórða sinn sem um Skákhörpuna er teflt, sem er stytta til heiðurs Fjölni Stefánssyni, tónskáldi og öldnum félaga klúbbsins.  Um var að ræða mótaröð með GrandPrix sniði, þar sem árangur þriggja bestu móta hvers keppenda af fjórum telur og reiknast til stiga.  

Keppnin var óvenju tvísýn og spennandi að þessu sinni því þrír efstu menn skiptust um að hafa forystuna, en alls tók um 30 skákmenn þátt og þar af hlaut um helmingur einhver stig, sem þýðir að þeir hafa náð 1 til 8 sæti en stigagjöfin er eins og  Formúlu >10-8-6-5-4-3-2-1

Sigurvegari að þessu sinni varð hinn  öflugi  og eitilharði skákmeistari INGIMAR HALLDÓRSSON með 25 GP-stig (25.5v/33), annar GUÐFINNUR R. KJARTANSSON, sigurvegari í fyrra með 24 stig (23v) og þriðji STEFÁN ÞORMAR GUÐMUNDSSON með 21 stig (24.5v).    Síðan komu þeir Sigurður E. Kristjánsson með 16  og Jóhann Örn Sigurjónsson (sigurvegari 2009) með 13, en hann telfdi einungis í 2 mótum.  Nánari úrslit má sjá á slóðinni: www.riddarinn.net

 Í næstu viku hefst síðan ný 4 móta mótaröð með sama sniði „Kappteflið um Skákseglið"  verðlaunagrip sem gefinn var í minningu Gríms Ársælssonar, frumkvöðuls að stofnun Riddarans árið 1998. Allir skákmenn 60 ára og eldri velkomnir til þátttöku.  Teldar eru 11 umferðir með 10 mínútna umhugsunartíma milli kl. 13 og 17 í Strandbergi, félagsheimili Hafnarfjarðarkirkju.

Myndaalbúm (ESE)

 

Liberec Open - úrslit í 6. umferð

Hallgerður Helga Þorsteinsdóttir (2023) – Flemming Haupt Hansen (2100) 1-0
Pavel Postuba (2039) – Jóhanna Björg Jóhannsdóttir (1803) 0-1
Tomasz Motil (2027) – Hrund Hauksdóttir (1592) ½-½
Tinna Kristín Finnbogadóttir (1803) – Rein Thierry (1672) ½-½
Petr Simon (1782) – Elsa María Kristínardóttir (1708) ½-½
Oldrich Suchomel (1659) – Sigríður Björg Helgadóttir (1716) 0-1

Pistill af mjög viðburðaríkri umferð síðar

Slóðin á mótið er:  http://www.czechtour.net/liberec-open/
Slóðin á úrslit er: http://chess-results.com/tnr58314.aspx?art=2&rd=7&lan=1&fed=ISL&turdet=YES&flag=30 

Davíð Ólafsson

Skákþing Garðabæjar hefst í kvöld

Skákþing Garðabæjar hefst fimmtudaginn 27. október 2011.   Tefldar verða 7 umferðir og verður mótið reiknað til íslenskra og alþjóðlegra stiga.  

Mótsstaður: Garðatorg 1 (gamla Betrunarhúsið). gengið inn um inngang nr. 8 á torgið (frá Hrísmóum) að hliðinu til inn um dyr til hægri og upp á 2 hæð. Best er að aka meðfram Hönnunarsafninu til að komast að innganginum. 

Umferðatafla:

• 1. umf. Fimmtudag 27. okt. kl. 19.30.
• 2. umf. Fimmtudag 3. nóv. kl. 19.30
• 3. umf. Fimmtudag 10. nóv. kl. 19.30
• 4. umf. Fimmtudag 17. nóv. kl. 19.30
• 5. umf. Fimmtudag 24. nóv. kl. 19.30
• 6. umf. Fimmtudag 1. des. kl. 19.30
• 7. umf. Fimmtudag 8. des. kl. 19.30

Boðið verður upp 3 mögulega daga til að tefla frestaðar skákir. Það er ljóst að a.m.k. 3 skákmenn þurfa að fresta skákum og taka þarf slíkt fram áður en mót hefst.

• 8. nóvember
• 22. nóvember
• 6. desember

Keppnisfyrirkomulag er Svissneskt kerfi. 
Tímamörk eru 90 mínútur og 30 sek. sem bætist við hvern leik. 

Ath. í ár verður bætt við B flokki fyrir skákmenn með 1499 stig eða minna. 
Umhugsunartími þar er 30 mín + 30 sek. á leik. 

Verðlaun auk verðlaunagripa:

• 1. verðlaun. 25 þús. 
• 2. verðlaun 10 þús.
• 3. verðlaun 5 þús.

Verðlaun fyrir Skákmeistara Garðabæjar er bókaúttekt hjá Bóksölu Sigurbjarnar fyrir allt að 4000 kr. 

Mótið er um leið skákþing Taflfélags Garðabæjar. (keppt er um titilinn ef jafnt)


Aukaverðlaun:   

• Efst(ur) 16 ára og yngri.(1995=
• Efst(ur) í B flokki: Bókarvinningur auk grips. 

ATH. Ekki er hægt að vinna til fleiri en einna verðlauna. Peningaverðlaunum er skipt, en ekki aukaverðlaunum. Fari fjöldi borgandi keppenda yfir 40 manns verður bætt við verðlaun. 

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld

Félagsmenn. Fullorðnir 2500 kr. 17 ára og yngri ókeypis.

Utanfélagsmenn. Fullorðnir 3500 kr. Unglingar 17 ára og yngri 2000 kr


Skráning er á staðnum frá hálftíma fyrir mót en mjög æskilegt er að menn skrái sig fyrirfram á síðunni hér að ofan eða í síma 860 3120. 

Skákstjóri er Páll Sigurðsson

Skákmeistari Garðabæjar 2010 var Leifur Ingi Vilmundarson

Sjá má upplýsingar um mótið 2010 á chess-result

Smelltu hér til að skrá þig á mótið 2011. 

Sjá má skráða keppendur með því að smella hér

Fimmtudagsmót hjá TR í kvöld

Fimmtudagsmót er hjá TR í kvöld og hefst kl. 19.30.  Tefldar verða 7 umferðir með 7 mínútna umhugsunartíma.  Mótin fara fram í félagsheimili T.R., skákhöllinni að Faxafeni 12 og opnar húsið kl. 19.10.  Glæsilegur verðlaunapeningur er í boði fyrir sigurvegara hvers móts ásamt því sem aukaverðlaun verða í boði af og til í vetur.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Skákmót í Mosfellsbæ í dag

Kjósarsýsludeild Rauða kross Íslands og Skákfélag Vinjar halda skákmót, fimmtudaginn 27. október klukkan 13:15 í húsnæði deildarinnar að Þverholti 7 í Mosfellsbæ.

Tefldar verða sex umferðir með sjö mínútna umhugsunartíma og með gráðu upp á vasann mun Róbert Lagerman stýra og dæma.

Verðlaun fyrir 3 efstu sætin og happadrætti.  Heitt á könnunni!

Félagar í hinu nýja - eða endurvakta- Skákfélagi Mosfellsbæjar sérstaklega hvattir til að mæta!
Allir velkomnir og kostar ekkert að vera með.

Jón Kristinn efstur fyrir lokaumferð Haustmóts SA

Sjötta og næstsíðasta umferð haustmóts SA var tefld í kvöld:

Jón Kristinn-Andri Freyr           1-0

Jakob Sævar-Smári                 0-1

Haukur-Sigurður                     0-1

Sveinn-Hersteinn                    0-1

Í umferðinni í kvöld gekk fátt slétt og fellt fyrir sig.  Fyrst lauk skák þeirra Sveins og Hersteins, þar sem sá fyrrnefndi vann tvö peð fyrir ekkert í byrjun tafls og stóð þá til vinnings. Hersteinn sýndi þó í framhaldinu að hann er sannur Þorpari og náði að grugga vatnið með þeim afleiðingum að Sveinn fór að tefla óhæfilega passívt og fann loks enga vörn gegn sókn svörtu mannanna. Haukur blés að venju til sóknar gegn stigahæsta manni mótsins og var kominn með hann á loft í sniðglímu sem enginn venjulegur maður átti að lifa af. Lengi vel gat Haukur knúið fram vinning með Hc5-c3! Hann kaus hinsvegar aðrar leiðir í taflinu og þær gáfu minna af sér. Þessvegna var tap staðreynd í hans skák og sigur í skák andstæðingsins. Smári, sem sárlega þurfti á sigri að halda í toppbaráttunni, teygði sig fulllangt með svörtu mönnunum og var um hríð á leið fram af hengifluginu. Jakob Sævar gat á einfaldan hátt stjakað við honum og náð öðru sætinu; en örlaganornirnar sýndu enga miskunn í þetta sinn og kannski varð tímaleysið honum enn og aftur að falli. Smári hékk á brúninni og sneri skákinni sér í vil. Einna minnst gekk á í skák ungu mannanna, en eins og venjulega vann Jón Kristinn. Og hafði frekar lítið fyrir því í þetta sinn. Andri jafnaði tafli auðveldlega með svörtu og tefldi af sínu alkunna öryggi lengi vel, en misreiknaði sig herfilega í uppskiptarunu í miðtaflinu og vantaði skyndilega hrók. Þá er best að gefa.

Spennan er enn í hámarki á mótinu fyrir síðustu umferð. Hinn 12 ára gamli Jón Kristinn Þorgeirsson er í farabroddi með 5.5 vinninga og hefur aðeins misst niður eitt jafntefli. Akureyrarmeistarinn Smári Ólafsson er í öðru sæti, heilum vinningi á eftir Jóni og vill svo skemmtilega til að þeir mætast einmitt í síðustu umferð mótsins. Þá gæti Smári náð piltinum með sigri og knúið fram einvígi um titilinn, en að öðrum kosti verður Jón Kristinn yngsti meistari félagsins í gervallri 92 ára sögu þess. Aðrir koma ekki til greina að þessu sinni, en fráfarndi meistari, Sigurður Arnarson, er nú í þriðja sæti með 4 vinninga. Aðrir eru svo með minna, eins og sjá má á Chess-results  

Hlé verður nú gert á mótinu vegna Framsýnarmótsins á Húsavik, en úrslitin ráðast endanlega á lokaumferðinni, sem tefld verður miðvikudaginn 2. nóvember. Þá leiða saman hesta sína Smári og Jón Kristinn sem áður sagði, svo og Sigurður og Sveinn, Hersteinn og Jakob og Andri og Haukur.

• Heimasíða SA
• Chess-Results

Sigurður efstur á Atskákmeistaramóti SSON

Sigurður H. Jónsson er efstur á Atskákmeistaramóti SA að loknum 7 umferðum af 11.  Hann hefur 6 vinninga, næstir honum eru Ingvar Örn Birgisson og Ingimundur Sigurmundsson með 5 vinninga.

Sigurður var í miklu stuði í kvöld og lagði alla andstæðinga sína fjóra nokkuð örugglega.  Ingvar Örn sem hafði leitt mótið eftir fyrsta kvöldið varð að sætta sig við tvö töp í kvöld, fyrir Sigurði og Úlfhéðni Sigurmundssyni en vann aftur á móti Magnús Matthíasson og Grantas nokkuð örugglega.

Grantas hefur ekki náð að nýta sér meðbyrinn frá Íslandsmóti skákfélaga, þar sem hann vann allar skákir sínar, og hefur einungis 2 vinninga eins og eins og Erlingur Atli sem hefur náð tveimur góðum sigrum gegn Erlingi Jenssyni og Þorvaldi.

Ingimundur kemur sterkur inn og er eini keppandinn sem ekki hefur tapað skák. 

Stefnir í spennandi lokaumferðir næstkomandi miðvikudag. Hér að neðan má sjá úrslit kvöldsins og stöðuna í mótinu, tekið skal fram að Úlfhéðinn á eftir að tefla 3 frestaðar skákir.

4.umf
Name	Rtg	Res.	Name	Rtg
Sigurmundsson Úlfhéðinn	1778	0  -  1	Matthíasson Magnús	1624
Birgisson Ingvar Örn	1789	1  -  0	Grigoranas Grantas	1721
Jónsson Sigurður H.	1710	1  -  0	Guðmundsson  Einar	1746
Siggason Þorvaldur	0	0  -  1	Gunnarsson Magnús	1983
Sigurmundsson Ingimundur	1803	1  -  0	Jensson Erlingur	1702
Pálmarsson Erlingur Atli	1424	0  -  1	Birgisdóttir Inga	1440
5.umf
Name	Rtg	Res.	Name	Rtg
Birgisdóttir Inga	1440	0  -  1	Sigurmundsson Úlfhéðinn	1778
Jensson Erlingur	1702	0  -  1	Pálmarsson Erlingur Atli	1424
Gunnarsson Magnús	1983	½  -  ½	Sigurmundsson Ingimundur	1803
Guðmundsson  Einar	1746	1  -  0	Siggason Þorvaldur	0
Grigoranas Grantas	1721	0  -  1	Jónsson Sigurður H.	1710
Matthíasson Magnús	1624	0  -  1	Birgisson Ingvar Örn	1789
6.umf
Name	Rtg	Res.	Name	Rtg
Sigurmundsson Úlfhéðinn	1778	1  -  0	Birgisson Ingvar Örn	1789
Jónsson Sigurður H.	1710	1  -  0	Matthíasson Magnús	1624
Siggason Þorvaldur	0	0  -  1	Grigoranas Grantas	1721
Sigurmundsson Ingimundur	1803	½  -  ½	Guðmundsson  Einar	1746
Pálmarsson Erlingur Atli	1424	0  -  1	Gunnarsson Magnús	1983
Birgisdóttir Inga	1440	0  -  1	Jensson Erlingur	1702
7.umf
Name	Rtg	Res.	Name	Rtg
Jensson Erlingur	1702	1  -  0	Sigurmundsson Úlfhéðinn	1778
Gunnarsson Magnús	1983	1  -  0	Birgisdóttir Inga	1440
Guðmundsson  Einar	1746	1  -  0	Pálmarsson Erlingur Atli	1424
Grigoranas Grantas	1721	0  -  1	Sigurmundsson Ingimundur	1803
Matthíasson Magnús	1624	1  -  0	Siggason Þorvaldur	0
Birgisson Ingvar Örn	1789	0  -  1	Jónsson Sigurður H.	1710

Staðan:

Rank	Name	Rtg	Pts	SB
1	Jónsson Sigurður H.	1710	6	21,00
2	Birgisson Ingvar Örn	1789	5	16,00
3	Sigurmundsson Ingimundur	1803	5	13,25
4	Matthíasson Magnús	1624	4½	9,00
5	Gunnarsson Magnús	1983	3½	7,50
6	Birgisdóttir Inga	1440	3	8,00
7	Guðmundsson  Einar	1746	3	6,75
8	Jensson Erlingur	1702	3	5,00
9	Sigurmundsson Úlfhéðinn	1778	2	8,00
10	Pálmarsson Erlingur Atli	1424	2	3,00
	Grigoranas Grantas	1721	2	3,00
12	Siggason Þorvaldur	0	0	0,00

 

• Heimasíða SSON
• Chess-Results

Pistill fimmtu umferðar og pörun sjöttu umferðar

Jindrich Janicek (2095) - Jóhanna Björg Jóhannsdóttir (1803) ½-½
Enn einn nánast 300 stigum hærri andstæðingur hjá Jóhönnu í dag.  Skákin í dag var eiginlega nokkuð dæmigerð skák af hennar hálfu.  Hún lék ónákvæmt í byrjuninni (ekki að það sé dæmigert) og sá fram á frekar erfiða stöðu.  Stúlkan er þessa dagana full sjálfstrausts og ákvað bara að fórna manni fyrir þrjú peð.  Andstæðingurinn tefldi skákina eftir þetta frekar veikt og fljótlega varð ljóst að annaðhvort endaði þetta með jafntefli eða að Jóhanna ynni skákina.  Hún átti vinning í einni stöðunni en missti af því og þá leystist skákin upp í jafntefli.  Jafntefli eru svo sem fín úrslit en auðvitað hefði verið gaman að vinna skákina. 

Lubos Jina (1811) - Hallgerður Helga Þorsteinsdóttir (2023) 0-1
Hallgerður fékk töluvert stigalægri andstæðing í dag.  Hún tefldi í dag eins og hún gerir best og yfirspilaði andstæðingin algjörlega.  Úrvinnslan hjá henna var þó fremur hæg en alltaf örugg, þannig að við lítum á það sem ágætis æfingu í að vinna unnin endatöfl. 

Martin Richter (2012) - Tinna Kristín Finnbogadóttir (1803) 1-0
Tinna tefldi við talsvert stigahærri andstæðing.  Þessi skák endaði því miður illa því Tinna tefldi skákina mjög vel framan af, vann peð og var algjörlega í bílstjórasætinu.  Henni urðu síðan á slæm mistök í stöðu sem hún var með planið algjörlega á tæru, en hún gleymdi að leika fyrsta leiknum í leikjaröðinni (fór beint í leik tvö) og sat allt í einu uppi með miklu verri stöðu sem hún tapaði á endanum.  Ég spái því að andstæðingurinn í næstu umferð fái að kenna á því. 

Hrund Hauksdóttir (1592) – Olaf Kallert (1949) 1-0
Hrund er klárlega sú sem er á mestu skriði í mótinu núna.  Eins og ég hef rætt í þessum pistlum, þá er Hrund engu lakari en þeir skákmenn sem eru 200 stigum hærri en hún.  Í dag færði hún markið enn hærra og vann örugglega mann sem er meira en 350 stigum hærri en hún.  Hún hefur nú unnið þrjár skákir í röð, allt á móti þjóðverjum sem eru miklu stigahærri en hún.  Heyrst hefur að hún sé ekki æskilegur gestur á þýskum skákmótum á næstunni (Hrund 3 – Germany 0). 

Elsa María Kristínardóttir (1708) – Remel Omey (1844) 0-1
Ekki dagurinn hennar Elsu í dag.  Við vorum svo sem með fínt plan í Ítalska leiknum (andstæðingurinn hafði leikið e5 við e4 í öllum skákunum í Chessbase.  Við vorum búin að plana línu sem átti að henta Elsu vel og hún var alveg klár á.  Skákin hófst með því að Elsa lék 1.e4.  Tyrkneska stelpan mætti 10 mínútum of seint og lék af bragði 1...Rf6 – já takk fyrir!  Elsa fékk síðan fljótlega erfiða stöðu sem hún tapaði að lokum.  Elsa kemur að sjálfsögðu til baka í næstu umferð. 

Sigríður Björg Helgadóttir (1716) – Franz Kellert (1383) 0-1
Sigríður hefur verið frekar lánlaus það sem af er móts.  Hún ætti að vera með fleiri vinninga miðað við þær stöður sem hún hefur fengið.  Ekki var lánið heldur með henni í dag.  Hún fékk ungan strák sem er öllu betri en stig hans segja til um.  Sigríður tefldi vel framan af og virtist hafa tögl og haldir en andstæðingurinn varðist vel.  Svo fór að lokum að hún lagði of mikið á stöðuna í vinningstilraunum og því fór sem fór.  Ég hef þó ekki miklar áhyggjur af henni því ef hún heldur áfram að tefla eins og hún hefur gert framan af í skákunum og losar sig við lánleysið (rétti tíminn til að skipta um penna) þá mun hún sigla von bráðar upp töfluna. 

Árangurinn í dag er svo sem ágætur en ég hefði viljað fá talsvert fleiri vinninga. Tveir og hálfur af sex er þó ágætt miðað við að stelpurnar voru mikið stigalægri í fjórum skákum.  Núna er mótið rétt liðlega hálfnað og stefnan að sjálfsögðu tekin á að enda mótið vel.

 

Á morgun tefla stelpurnar við:

Hallgerður Helga Þorsteinsdóttir (2023) – Flemming Haupt Hansen (2100)
Pavel Postuba (2039) – Jóhanna Björg Jóhannsdóttir (1803)
Tomasz Motil (2027) – Hrund Hauksdóttir (1592)
Tinna Kristín Finnbogadóttir (1803) – Rein Thierry (1672)
Petr Simon (1782) – Elsa María Kristínardóttir (1708)
Oldrich Suchomel (1659) – Sigríður Björg Helgadóttir (1716) 

Slóðin á mótið er:  http://www.czechtour.net/liberec-open/
Slóðin á úrslit er: http://chess-results.com/tnr58314.aspx?art=2&rd=6&lan=1&fed=ISL&turdet=YES&flag=30 

Davíð Ólafsson

LIberec Open - Úrslit stelpnanna í fimmtu umferð

Jindrich Janicek (2095) - Jóhanna Björg Jóhannsdóttir (1803) ½-½
Lubos Jina (1811) - Hallgerður Helga Þorsteinsdóttir (2023) 0-1
Martin Richter (2012) - Tinna Kristín Finnbogadóttir (1803) 1-0
Hrund Hauksdóttir (1592) - Olaf Kallert (1949) 1-0
Elsa María Kristínardóttir (1708) - Remel Oney (1844) 0-1
Sigríður Björg Helgadóttir (1716) - Franz Keller (1383) 0-1

Pistill síðar.

 Davíð Ólafsson

Atskákmót Icelandair 2011

Atskákmót Icelandair 2011 verður haldið á Reykjavík Natura, gamla Hótel Loftleiðir 10. - 11. desember. Svona álíka mót voru haldin á árunum ´79-´86 og voru vel sótt, sjá má gamlar blaðaúrklippur hér, hér, hér og hér.  Sumir af okkar sterkustu skákmönnum tóku þátt í þessum mótum hér áður fyrr og væri gaman að sjá þá mæta aftur til leiks ásamt öðrum sterkum skákmönnum.

Mörg merkileg skákmót hafa verið haldin á Hótel Loftleiðum í gegnum tíðina og hafa margir heimsþekktir skákmenn telft þar ma. Spassky, Ivanchuk, Larsen, Korchnoi og Karpov ásamt okkar stórmeisturum því má búast við að þessi staður rifji upp gamlar minningar og skapi skemmtilegt andrúmsloft. Einnig má nefna að Fisher heitinn gisti á Hótel Loftleiðum forðum daga og fyrst þegar hann kom aftur til landsins.

Þetta er opin sveitakeppni með fjögurra manna liði en leyfilegt er að hafa 3 varamenn. Þó að þetta sé opin sveitakeppni eru fyrirtæki, stofnanir, klúbbar, eða önnur félög hvött til að senda lið til keppni.  Markmiðið er að hafa jafna og skemmtilega keppni og því er sá hátturinn hafður á að hver sveit má ekki hafa fleiri en 8.500 skákstig í hverri umferð.

Vissulega er hægt að setja saman allskonar sveitir sem væru innan við 8.500 stig en það væri gaman að sveitir væru skipaðar bæði stigaháum annars vegar og stigalægri hins vegar,  Gens Una Sumus, Við Erum Ein fjölskylda.

Miðað er við alþjóðleg stig en ef alþjóðleg stig eru ekki til staðar er miðað við íslensk stig.

• Reykjavík Natura, áður Hótel Loftleiðir
• 10.-11. desember, byrjað klukkan 13:00 báða dagana
• 4 í liði, leyfilegt að hafa 3 varamenn
• Þátttökufjöldi 14-26 sveitir,
  • Þátttakendur eru hvattir til að skrá sig tímanlega þar sem að þátttökufjöldinn er takmarkaður.
• 8.500 stig á sveitina í hverri umferð.
• Stigalausir og þeir sem hafa færri en 1.500 stig verða skráðir með 1.500 stig
• Miðað er við nóvember lista FIDE og september listann í íslensku stigunum
• 14 umferðir, 7 umferðir hvorn dag. Hlé verður á milli 4. og 5. umferðar annars vegar og 11. og 12. umferðar.
• 15 mínútur á mann
• Keppnisfyrirkomulag er svissneskt kerfi.
• Flestir vinningar gilda.
• Þátttökugjald: 14.000 á sveitina sem greiðist á mótsstað.

Verðlaun:*

Sveitakeppni:

1.        Sæti   4 x farmiðar fyrir tvo til Evrópu með Icelandair  ásamt aðgöngupassa í Saga Lounge

2.        Sæti   4 x gjafabréf fyrir tvo í Brunch eða hádegishlaðborð  á VOX 

3.        Sæti   4 x gjafabréf fyrir tvo í High Tea á VOX

Borðaverðlaun.

Borðaverðlaunin eru farmiðar innanlands fyrir tvo í boði Flugfélags Íslands   og Vildarklúbbs Icelandair og gisting í  2 nætur fyrir tvo á Icelandair Hótelum  ásamt morgunverðarhlaðborði. Hægt verður að velja um gistingu á Hótel Akureyri eða á Hótel Héraði.

Óvæntasti sigurinn

Sá aðili sem vinnur óvæntasta sigurinn mun fá gjafabréf á veitingastaðnum Satt sem gildir fyrir tvo. Miðað er við stigamun.

Útdráttarverðlaun.

Einnig eru glæsileg útdráttarverðlaun en þau eru hvorki meira né minna en farmiðar fyrir tvo til Evrópu með Icelandair  ásamt aðgöngupassa í Saga Lounge.

* ATH. Sami aðili getur ekki unnið til fleiri  en einna verðlauna, ef slíkt kemur upp mun viðkomandi aðili velja hvaða  vinning hann vill, útfærist nánar á skákstað!

Skráning fer fram hér.

Hægt er að fylgjast með skráningum hér. 

Skráningu lýkur aðfaranótt laugardagsins 3. desember.

Frekari upplýsingar er hægt að fá með því að senda póst á Óskar Long; [e-mail]