Hjörvar í beinni

Skák Hjörvars Steins Grétarssonar (2287) gegn svissneska stórmeistarann Yannick Pelletier (2559) á alþjóðlega skákmótinu í Portu Mannu í Sardinínu er nú sýnd beint á vefsíðu mótsins.

Alls taka 178 skákmenn þátt í mótinu og þar af 12 stórmeistarar.  

• Heimasíða mótsins
• Skákirnar í beinni

 

Björn og Hjörvar sigruðu í þriðju umferð

Björn Þorfinnsson (2422) og Hjörvar Steinn Grétarsson (2287) sigruðu báðir í sínum skákum í 3 umferð alþjóðlega mótsins Portu Mannu í Sardinínu í Ítalíu í dag Þeir hafa báðir 2 vinning, hafa alls fengið 4 vinninga í 5 skákum.

Björn vann ítalska skákmeistarann (þýðing á CM-titlinum!) Matteo Zoldan (2200) og Hjörvar Ítalann Marco Buratti (2037).

Í fjórðu umferð, sem fram fer á morgun, teflir Hjörvar við svissneska stórmeistarann Yannick Pelletier (2559) og Björn við ítalska FIDE-meistarann Andrea Drei (2278).

Alls taka 178 skákmenn þátt í mótinu og þar af 12 stórmeistarar.  

Heimasíða mótsins

 

Rimaskóli Reykjavíkurmeistari grunnskólasveita

Reykjavíkurmóti grunnskóla - sveitakeppni fór fram 6. maí sl. Þátttaka var með besta móti miðað við síðustu ár. Alls tóku tuttugu og ein sveit þátt að þessu sinni frá sjö skólum. Tefldar voru sex umferðir með tíu mínútna  umhugsunartíma á skák. Leikar fóru svo að A- sveit Rimaskóla vann yfirburðasigur, fékk 22½ vinning úr 24 skákum.

A- sveit Hagaskóla hlaut annað sætið með 18 vinninga  og Laugalækjarskóli lenti í þriðja sæti með 16 vinninga. Stúlknaverðlaunin féllu á þann veg að stúlknasveitir Engjaskóla A- og B sveit hlutu fyrstu og önnur verðlaun en stúlknasveit Hólabrekkuskóla hafnaði í þriðja sæti.

Sérstaklega ber að geta góðrar þátttöku nokkra grunnskóla, því auk Rimaskóla sendu Hólabrekkuskóli, Engjaskóli og Fossvogsskóli fjórar sveitir til leiks. Hagaskóli,  sem sendi þrjár sveitir, náði mjög góðum árangri en sveitirnar urðu í öðru, fjórða og fimmta sæti.

Skákstjórn önnuðust Ólafur H. Ólafsson og Óttar Felix Hauksson.

Björn og Hjörvar unnu í 2. umferð

Björn Þorfinnsson (2422) og Hjörvar Steinn Grétarsson (2287) sigruðu báðir í sínum skákum í 2. umferð alþjóðlega mótsins Portu Mannu í Sardinínu í Ítalíu í dag.   Þeir hafa báðir 1 vinning.

Í þriðju umferð, sem fram fer á morgun, teflir Björn við ítalska skákmeistarann (þýðing á CM-titlinum!) Matteo Zoldan (2200) og Hjörvar við Ítalann Marco Buratti (2037).

Alls taka 178 skákmenn þátt í mótinu og þar af 12 stórmeistarar.  

Heimasíða mótsins

 

Nakamura bandarískur meistari

Stórmeistarinn Hikaru Nakamura (2701) sigraði á bandaríska meistaramótinu, sem lauk í Saint Louis í dag.  Nakamura hlaut 7 vinninga í 9 skákum.  Í 2.-3. sæti urðu alþjóðlegi meistarinn Robert L. Hess (2485), sem kom mjög á óvart með góðri frammistöðu, og stórmeistarinn Alexander Onichuk (2684).  Hinn þekkti stórmeistari Gata Kamsky (2720) varð að láta sér lynda 4.-5. sæti ásamt kollega sínum Varuzhan Akobian (2516).

Alls tóku 25 skákmenn þátt.

Heimasíða mótsins

Carlsen, Shirov og Topalov efstir í Sofíu

Magnus Carlsen (2779), Alexei Shirov (2745) og Veselin Topalov (2812) eru efstir með 3 vinninga að loknum fimm umferðum á Mtel Masters-mótinu í Sofíu í Búlgaríu.  Topalov vann Ivanchuk (2746), sem er heillum horfin, hefur aðeins 1 vinning en öðrum skákum lauk með jafntefli.

 Úrslit 5. umferðar:

Shirov, Alexei	- Dominguez Perez, Leinier	½-½	43
Wang Yue	- Carlsen, Magnus	½-½	25
Ivanchuk, Vassily	- Topalov, Veselin	0-1	54

Staðan:

1.	Carlsen, Magnus	g	NOR	2770	*	*	½	.	1	.	½	.	½	.	½	.	3	2823
2.	Shirov, Alexei	g	ESP	2745	½	.	*	*	½	.	½	.	½	.	1	.	3	2828
3.	Topalov, Veselin	g	BUL	2812	0	.	½	.	*	*	½	.	1	.	1	.	3	2815
4.	Dominguez Perez, Leinier	g	CUB	2717	½	.	½	.	½	.	*	*	½	.	½	.	2½	2762
5.	Wang Yue	g	CHN	2738	½	.	½	.	0	.	½	.	*	*	1	.	2½	2758
6.	Ivanchuk, Vassily	g	UKR	2746	½	.	0	.	0	.	½	.	0	.	*	*	1	2516

Sex skákmenn taka þátt í þessa sterka móti sem er í 21. styrkleikaflokki.  Tefld er tvöföld umferð og teflt er í sérstöku glertjaldi.   Eins og venjulega gilda svokallaðar "Sofíu-reglur", þ.e. ekki er hægt að bjóða jafntefli á hefðbundin hátt heldur þarf að koma jafnteflisboðum í gegnum skákdómara og má aðeins þegar um er að ræða þrátefli, teórískt jafntefli, eða staðan býður ekki upp á neitt annað.  Skákdómari fær ráðgjöf frá hinum viðkunnanlega georgíska stórmeistara Zurab Azmaiparashvili.

Heimasíða mótsins (ritstjóri mælir með því að síðan sé ekki opnuð þar sem hún kunna að innihalda vírus eða trjóuhest.  A.m.k. er síðan ekki talin örugg á vinnustað ritstjóra en þar kemur upp meldingin: "The Websense category "Potentially Damaging Content" is filtered."

Hjörvar, Lenka og Hlíðar sigurvegarar Boðsmóts Hauka

Hjörvar Steinn Grétarsson, Lenka Ptácníková og Hlíðar Þór Hreinsson urðu efst og jöfn á Boðsmóti Hauka sem lauk í dag.   Bjarni Jens Kristinsson sigraði í b-flokki og Vigfús Ó. Vigfússon í c-flokki.

A-flokkur:

Fyrr í vikunni fóru fram frestaðar skákir.  

Lenka Ptacnikova - Þorvarður Fannar Ólafsson 1/2-1/2
Stefán Freyr Guðmundsson - Hlíðar Þór Hreinsson 1/2-1/2
Hlíðar Þór Hreinsson - Sverrir Örn Björnsson 1/2-1/2
Þorvarður Fannar Ólafsson - Stefán Freyr Guðmundsson 1-0
Sverrir Örn Björnsson - Hjörvar Steinn Grétarsson 1/2-1/2
Hjörvar Steinn Grétarsson - Hlíðar Þór Hreinsson 1/2-1/2
Oddgeir Ottesen - Jorge Fonseca 0-1 (án taflmennsku)
 
Lokastaðan:
Hjörvar Steinn   5
Lenka              5
Hlíðar Þór          5
Sverrir Örn        4,5
Þorvarður          4
Stefán Freyr      3,5        
Jorge               1
Oddgeir            0

B-flokkur:

Svanberg Már Pálsson - Bjarni Jens Kristinsson 0-1
Páll Sigurðsson - Patrekur Maron Magnússon 1-0
Svanberg Már Pálsson - Einar Valdimarsson 1-0
Elsa María Kristínardóttir - Halldór Pálsson 0-1 (án taflmennsku)
Marteinn Þór Harðarson - Bjarni Jens Kristinsson frestað
 
Staðan:
Bjarni Jens       5,5 + fr.
Halldór            5
Patrekur          4,5
Svanberg        3,5
Páll                3,5
Einar              2,5
Marteinn         2,5 + fr.
Elsa               0
 
C-flokkur:

Geir Guðbrandsson - Ingi Tandri Traustason 0-1
Tjörvi Schiöth - Gísli Hrafnkelsson frestað
Gústaf Steingrímsson - Auðbergur Magnússon 1-0
Dagur Andri Friðgeirsson - Gústaf Steingrímsson 1-0
Dagur Andri Friðgeirsson - Auðbergur Magnússon frestað
 
Staðan:
Vigfús     6,5
Ingi         5,5
Dagur      3 + fr.
Gústaf     3
Gísli         2,5
Geir         2
Tjörvi       1,5
Auðbergur 1  + fr.

• Heimasíða Hauka
• Skákhornið
• Chess-Results

Hjörvar tapaði í fyrstu umferð

Hjörvar Steinn Grétarsson (2287) tapaði fyrir argentínska stórmeistaranum Damian Leomos (2512) í fyrstu umferð alþjóðlega mótsins í Portu Mannu í Sardiníu sem hófst í dag.  Björn Þorfinnsson (2422) sat yfir í fyrstu umferð þar sem hann missti af flugi.   

Í 2. umferð, sem fram fer á morgun, teflir Björn við Skotann Matthew Peat (2075) en Hjörvar við Spánverjann Joan Valbona Domingo (1993).

Alls taka 178 skákmenn þátt í mótinu og þar af 12 stórmeistarar.  

Heimasíða mótsins

 

Skákhátíð í Árneshreppi 19. til 21. júní

Skákhátíð verður haldin í Árneshreppi á Ströndum dagana helgina 19. til 21. júní.  Í Djúpavík verður efnt til Minningarmóts Guðmundar Jónssonar í Stóru-Ávík og hraðskákmót haldið í Kaffi Norðurfirði.

Skákfélagið Hrókurinn stendur að hátíðinni í Árneshreppi, annað árið í röð. Í fyrra sigraði Helgi Ólafsson stórmeistari á vel skipuðu og skemmtilegu atskákmóti í Djúpavík.

Tíu umferðir verða tefldar á Minningarmóti Guðmundar Jónssonar, þar af fjórar föstudagskvöldið 19. júní og sex daginn eftir. Hraðskákmót verður svo haldið sunnudaginn 21. júní.

Gestum á skákmótinu gefst kostur á að kynnast stórbrotinni náttúru og fjölbreyttu mannlífi í Árneshreppi, sem er afskekktasta sveit á Íslandi. Akstur frá Reykjavík og Akureyri tekur um það bil 5 klukkustundir.

Hægt er að panta gistingu í Hótel Djúpavík (sími 4514037), hjá Margréti á Bergistanga (sími 4514003), hjá Eddu í Norðurfirði  (sími 5544089) og hjá Guðbjörgu sem leigir út svefnpokapláss og tjaldstæði hjá Finnbogastaðaskóla (sími 4514012). Einnig er hægt að fá tjaldstæði í Djúpavík. Gestir eru hvattir til að bóka gistingu sem fyrst.

Skráning á mótið er hjá Róbert Harðarsyni í [e-mail] og síma 6969658 og Hrafni Jökulssyni í [e-mail] og síma 6633257.

Guðmundur  Jónsson (1945-2009) í Stóru-Ávík var mikill og ástríðufullur skákáhugamaður og tók meðal annars þátt í hátíðinni á síðasta ári. Hann lést 25. apríl síðastliðinn og með hátíðinni í júní vilja vinir hans og félagar heiðra minningu góðs drengs.

Carlsen og Shirov efstir í Sofíu

Magnus Carlsen (2779) og Alexei Shirov (2745) eru efstir með 2,5 vinning að lokinni fjórðu umferð Mtel Masters-mótsins sem fram fór í Sofíu í Búlgaríu í dag.  Topalov (2812) sigraði Wang Yue (2738) en öðrum skákum lauk með jafntefli.

Úrslit 4. umferðar:

Carlsen, Magnus	- Shirov, Alexei	½-½	39
Topalov, Veselin	- Wang Yue	1-0	33
Dominguez Perez, Leinier	- Ivanchuk, Vassily	½-½	49

 

Staðan:

 

123456

1.	Carlsen, Magnus	g	NOR	2770	*	*	½	.	1	.	½	.	.	.	½	.	2½	2850
2.	Shirov, Alexei	g	ESP	2745	½	.	*	*	½	.	.	.	½	.	1	.	2½	2861
3.	Topalov, Veselin	g	BUL	2812	0	.	½	.	*	*	½	.	1	.	.	.	2	2742
4.	Dominguez Perez, Leinier	g	CUB	2717	½	.	.	.	½	.	*	*	½	.	½	.	2	2766
5.	Wang Yue	g	CHN	2738	.	.	½	.	0	.	½	.	*	*	1	.	2	2755
6.	Ivanchuk, Vassily	g	UKR	2746	½	.	0	.	.	.	½	.	0	.	*	*	1	2549

Sex skákmenn taka þátt í þessa sterka móti sem er í 21. styrkleikaflokki.  Tefld er tvöföld umferð og teflt er í sérstöku glertjaldi.   Eins og venjulega gilda svokallaðar "Sofíu-reglur", þ.e. ekki er hægt að bjóða jafntefli á hefðbundin hátt heldur þarf að koma jafnteflisboðum í gegnum skákdómara og má aðeins þegar um er að ræða þrátefli, teórískt jafntefli, eða staðan býður ekki upp á neitt annað.  Skákdómari fær ráðgjöf frá hinum viðkunnanlega georgíska stórmeistara Zurab Azmaiparashvili.

Heimasíða mótsins (ritstjóri mælir með því að síðan sé ekki opnuð þar sem hún kunna að innihalda vírus eða trjóuhest.  A.m.k. er síðan ekki talin örugg á vinnustað ritstjóra en þar kemur upp meldingin: "The Websense category "Potentially Damaging Content" is filtered."