Jón Viktor Íslandsmeistari í netskák

Alþjóðlegi meistarinn Jón Viktor Gunnarsson varð í kvöld Íslandsmeistari í netskák en Jón hlaut 7,5 vinning á mótinu sem fram fór í ICC í kvöld.  Annar varð Davíð Kjartansson með 7 vinninga og í 3.-6. sæti urðu Rúnar Sigurpálsson, Þorvarður Fannar Ólafsson, Halldór Brynjar Halldórsson og Róbert Lagerman með 6 vinninga.

Nánar verður fjallað um mótið á morgun og greint frá lokastöðu og skiptingu aukaverðlauna.

 

Henrik byrjar vel í Köben

Stórmeistarinn Henrik Danielsen (2495) byrjaði vel á ØBRO-nýársmótinu sem hófst í Kaupamannahöfn í dag en en þá voru tefldar 2 umferðir.  Henrik sigraði Esben Christiansen (2008) í fyrri skák dagsins og Klaus Paulsen (2029) í þeirri síðari.  Á morgun verða einnig tefldar tvær umferðir.  Í þeirri fyrri teflir Henrik við FIDE-meistarann Jacob Karstensen (2317) og verður hægt að fylgjast með þeirri skák beint á netinu. 

Í mótinu taka þátt 64 skákmenn og þar af 2 stórmeistarar (Henrik og Johnny Hector (2572)), 1 alþjóðlegur meistari og 2 FIDE-meistarar.  Mótið er 7 umferðir og er teflt bratt en mótið tekur aðeins fjóra daga.

• Heimasíða mótsins
• Skákirnar í beinni (hefjast kl. 12 og 18)

Arnar Íslandsmeistari í atskák

Arnar Gunnarsson sigraði Sigurbjörn Björnsson 2-1 í úrslitum Íslandsmótsins í atskák sem fram fór í sjónvarpssal í dag.  Sigurbjörn sigraði í fyrstu skákinni eftir skemmtilega drottningarfórn, Arnar jafnaði í síðari skákinni eftir að Sigurbjörn lék af sér drottningunni.  Arnar hafði svo betur í úrslitahraðskák og sigraði því samtals 2-1. 

Einvígið má horfa á heild sinni á vef RÚV.  Einnig er vert að benda á gott myndaalbúm mótsins en myndirnar voru teknar af Úlfi Gronvold leikmyndargerðarmanni en leikmyndin var ákaflega smekklega sett upp af hálfu RÚV. 

• Myndaalbúm mótsins.
  
• Útsendingin á RÚV

Fimm innlendir skákviðburðir í dag!

Fimm innlendir skákviðburðir fara fram í dag og þar af tvenn Íslandsmót.  Þrír þeirra hefjast kl. 14  og tveir fara fram í kvöld.  Klukkan 14 hefst Íslandsmótið í atskák en Arnar Gunnarsson og Sigurbjörn mætast í sjónvarpssal í úrslitaeinvígi og verður því sjónvarpað beint.  Á sama tíma hefjast einnig Jólahraðskákmót Taflfélags Reykjavíkur og Skákfélags Akureyrar.  Á fyrrnefnda mótinu er boðið upp á að menn geti fylgst með einvíginu á milli skáka á skjá í skáksal.  Í kvöld kl. 19:30 hefst svo Jólaatskákmót Taflfélags Vestmannaeyja og kl. 20 hefst Íslandsmótið í netskák sem fram fer á ICC.

 

 

Jólahraðskákmót TR fer fram í dag

Jólahraðskákmót Taflfélags Reykjavíkur verður haldið sunnudaginn 27. desember kl. 14.  Tefldar verða 2x7 umferðir með 5 mínútna umhugsunartíma.  Mótið fer fram í húsnæði T.R. að Faxafeni 12.  Þátttökugjald er kr. 500 en frítt fyrir 15 ára og yngri.

Þar sem úrslitaeinvígi Íslandsmótsins í atskák fer fram á sama tíma í beinni útsendingu Sjónvarps verður boðið upp á aðstöðu til að fylgjast með því.

Íslandsmótin í atskák og netskák fara fram á morgun - sunnudag

Tvenn Íslandsmót fara fram á morgun.  Úrslitaeinvígi Íslandsmótsins í atskák fer fram á morgun á morgun á milli Arnars Gunnarssonar og Sigurbjörns Björnssonar og hefst kl. 14.  Mótið verður í beinni útsendingu RÚV og verður útsendingi í umsjón Helga Ólafssonar og Halls Hallssonar.   Íslandsmótið í netskák fer svo fram um kvöldið á ICC og hefst kl. 20.  Arnar á titil að verja á báðum vígstöðvum og er meðal  35 keppenda sem þegar eru skráðir til leiks á netmótinu.

Íslandsmótið í netskák er öllum opið og er teflt er einum flokki.  Skráning fer fram hér á Skák.is og kostar ekkert að taka þátt.   Mótið er í umsjón Taflfélagsins Hellis og er elsta landsmótið í netskák en fyrsta mótið var haldið 1996 og fyrsti landsmeistarinn í netskák er í gjörvöllum heiminum heitir Þráinn Vigfússon!  

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is.  Þeir sem ekki hafa hugbúnað til að tefla geta halað niður þar til gerðu forriti.   Einnig er hægt að tefla í gegnum java-forrit.  Mælt er með því að menn mæti tímanlega til að forðast megi tæknileg vandamál.  

Arnar er sigursæll í netskákinni og er fjórfaldur Íslandsmeistari.  Stefán Kristjánsson kemur næstur með 3 titla.  

Verðlaun:

1. kr. 10.000
2. kr.   6.000
3. kr.   4.000

Undir 2100 skákstigum (miðað við nýjustu íslensku skákstig):

1. Fjórir frímánuðir á ICC
2. Tveir frímánuðir á ICC

Undir 1800 skákstigum (miðað við nýjustu íslensku skákstig):
1. Fjórir frímánuðir á ICC
2. Tveir frímánuðir á ICC

Stigalausir:
1. Fjórir frímánuðir á ICC
2. Tveir frímánuðir á ICC

Unglingaverðlaun (15 ára og yngri):
1. Fjórir frímánuðir á ICC
2. Tveir frímánuðir á ICC

Kvennaverðlaun:
1. Fjórir frímánuðir á ICC
2. Tveir frímánuðir á ICC

Öldungaverðlaun (50+)
1. Fjórir frímánuðir á ICC
2. Tveir frímánuðir á ICC

Hægt er að fylgjast með skráningu hér.

Skráðir keppendur, kl. 23:00, þann 26. desember:

• Kristján Halldórsson
• Gunnar Björnsson
• Sverrir Örn Björnsson
• Bragi Þorfinnsson
• Sverrir Unnarsson
• Lenka Ptacnikova
• Birkir Karl Sigurðsson
• Jón Gunnar Jónsson
• Mikael Jóhann Karlsson
• Bjarni Jens Kristinsson
• Rúnar Sigurpálsson
• Baldvin Þór Jóhannesson
• Erlingur Þorsteinsson
• Guðmundur Gíslason
• Ingvar Örn Birgisson
• Kristján Örn Elíasson
• Björn Ívar Karlsson
• Páll Snædal Andrason
• Eiríkur K. Björnsson
• Hrafn Arnarson
• Gunnar Fr. Rúnarsson
• Arnar Gunnarsson
• Davíð Kjartansson
• Gunnar Gunnarsson
• Gunnar Þorsteinsson
• Jón Pall Haraldsson
• Omar Salama
• Magnús Matthíasson
• Tomas Veigar Sigurdarson
• Óskar Sigurþór Maggason
• Magnús Garðarsson
• Hallgerður Helga Þorsteinsdóttir
• Atli Freyr Kristjánsson
• Hrannar Baldursson

Björn Ívar sigraði á Jólamóti TV

Björn Ívar Karlsson var öruggur sigurvegari á Jólamóti Taflfélags Vestmannaeyja sem haldið var á jóladag.  Hann hlaut 8,5 vinninga í 9 umferðum. Í öðru sæti varð Sverrir Unnarsson með 7 vinninga og þriðji varð Sigurjón Þorkelsson með 6,5 vinninga.

Veitt voru bókaverðlaun fyrir efstu sætin, sem og fyrir þrjá efstu í flokki 15 ára og yngri og 10 ára og yngri.

Þátttaka á Jólamótinu er alltaf að aukast og nú voru 18 keppendur og menn eru jafnvel farnir að gera sér ferð á þessum helgasta degi ársins til þess að geta státað af því að hafa verið keppendur á þessu fornfræga móti.  Þannig var það með Sigurð E. Kristjánsson sem gerði sér ferð yfir fjöll og höf alla leið úr Kópavogi til þess að geta skráð nafn sitt í sögubækurnar sem einn af keppendunum í Jólamóti TV.

 15. ára og yngri.
1. Nökkvi Sverrisson 5,5 vinn. (50)
2. Kristófer Gautason 5,5 vinn. (43,5)
3. Daði Steinn Jónsson 4 vinn.

10. ára og yngri.
1. Sigurður Arnar MMagnússon 5 vinn.
2. Róbert Aron Eysteinsson  4,5 vinn. (40)
3. Jörgen Freyr Ólafsson  4,5 vinn. (32,5)

Lokastaðan:

Rank	Name	Rtg	Pts	BH.
1	Bjorn Ivar Karlsson	2170	8½	47½
2	Sverrir Unnarsson	1880	7	49½
3	Sigurjón Þorkelsson	1885	6½	48½
4	Nökkvi Sverrisson	1750	5½	50
5	Kristófer Gautason	1530	5½	43½
6	Stefan Gislason	1625	5	47
7	Sigurður E. Kristjánsson	1915	5	45
8	Þórarinn I Olafsson	1640	5	38
9	Einar Sigurðsson	1685	5	36
10	Sigurður A Magnusson	1290	5	32½
11	Róbert Aron Eysteinsson	1315	4½	40
12	Jörgen Freyr Olafsson	0	4½	32½
13	Karl Gauti Hjaltason	1560	4	46½
14	Daði Steinn Jonsson	1540	4	40½
15	Lárus Garðar Long	1125	3	32
16	Daniel Már Sigmarsson	0	2	32
17	Daníel Scheving	0	1	33
18	Guðlaugur G Guðmundsson	0	0	35

Ekkert jólamót er í dag annan á jólum á Íslandi en á morgun verða í gangi hvorki meira en minna en fimm viðburðir og þar af tvenn Íslandsmót!

Heimasíða TV

Íslenskt lið teflir á EM öldungasveita

Íslenskt lið tekur þátt í EM öldungasveita sem fram fer í Dresden í Þýskalandi í febrúar.  Liðið skipa m.a. tveir fyrrverandi forsetar Skáksambandsins.

	Name	EloRtg	NatRtg
1	Gunnar Gunnarsson	2231
2	Gunnar Finnlaugsson	2121
3	Magnus Gunnarsson	2107
4	Ingimar Jonsson		1915
5	Ingimar Halldorsson

Það er Gunnar Finnlaugsson sem á heiðurinn á þátttöku íslenska liðsins.  Í Dresden verða margar kunnar keppur og má þar nefna Korchnoi, Uhlmann, Jansa og Westerinen.

Heimasíða mótsins

Jólamót TV fer fram í dag

Í dag Jóladag, er eina skákmótið sem haldið er á landinu í Vestmannaeyjum, nefnilega Jólamót Taflfélags Vestmanneyja og hefst mótið kl. 13:00 og eru allir velkomnir.  Reiknað er með að tefla 5-7 mínútna skákir, umferðarfjöldi eftir þátttöku, en mótinu lýkur á 1,5-2 tímum.

Heimasíða TV

 

Gleðileg jól!

 

Ritstjóraforsetinn minnir á öfluga jólastarfsemi félaganna en eftirfarandi skákmót fara fram á milli jóla og nýárs:

 

• 25. desember - Jólamót TV, hefst kl. 13
• 27. desember - Íslandsmótið í atskák - úrslitaeinvígið - í beinni á RÚV kl. 14
• 27. desember - Jólahraðskákmót TR, hefst kl. 14
• 27. desember - Jólahraðskákmót SA, hefst kl. 14
• 27. desember - Jólaatskákmót TV, hefst kl. 19:30
• 27. desember - Íslandsmótið í netskák, hefst kl. 20:00 á ICC
• 28. desember - Hraðskákmót Goðans, hefst kl. 13:00 á Húsavík
• 30. desember - Hverfakeppni SA
• 31. desember - Volcano Open, hefst kl. 13:30

Gleðileg jól!