Henrik sigraði í fimmtu umferð í Köben

Stórmeistarinn Henrik Danielsen (2495) vann Kristian Hovmöller (2279) í fimmtu umferð í fimmtu umferð ØBRO-nýársmótsins sem fram fór í kvöld.  Henrik hefur 4 vinninga og er í 3.-5. sæti. Á morgun teflir Henrik við David Bekker-Jensen (2407).  Skákin er sýnt beint og hefst útsendingin kl. 12.

Efstir með 4,5 vinning eru sænski stórmeistarinn Jonny Hector (2572) og danski alþjóðlegi meistarinn Thorbjörn Bromann (2404).

Í mótinu taka þátt 64 skákmenn og þar af 2 stórmeistarar (Henrik og Johnny Hector (2572)) og 2 alþjóðlegur meistarar.  Mótið er 7 umferðir og er teflt bratt en mótið tekur aðeins fjóra daga.

• Heimasíða mótsins
• Skákirnar í beinni (hefjast kl. 12 og 18)

Guðmundur sigraði í 2. umferð í Hastings

Alþjóðlegi meistarinn Guðmundur Kjartansson (2391) vann enska skákmanninn Philip Tozer (2106) í 2. umferð Hastings-mótsins sem fram fór í dag.  Guðmundur hefur 1,5 vinning og er í 9.-29. sæti.  Í 3. umferð, sem fram fer á morgun, teflir Guðmundur við bandaríska alþjóðlega meistarann Vladimir Prosviriakov (2391).   

111 skákmenn taka þátt í Masters-flokknum og þar 9 stórmeistarar og  12 alþjóðlegir meistarar.  Guðmundur er 15. stigahæsti keppandinn.

Heimasíða mótsins

 

Sprettur styður Bjarna Jens

Úthlutað hefur verið 900 þúsund krónum úr Spretti, styrktarsjóði Alcoa Fjarðaáls og Ungmenna- og íþróttasambands Austurlands (UÍA), til þrettán umsækjenda. Tveir afreksstyrkir voru veittir til einstaklinga upp á 100.000 krónur. Bjarni Jens Kristinsson, skákmaður, fékk annan þeirra. Að auki var úthlutað iðkendastyrkjum, þjálfarastyrkjum og félagsstyrkjum. Úthlutað var í tvennu lagi. Annars vegar á Egilsstöðum fyrir jól en vegna veðurs komst hluti styrkþega ekki þangað. Því var önnur úthlutun á Reyðarfirði á sunnudag í lok Fjórðungsglímu Austurlands.

Bjarni Jens Kristinsson er 18 ára skákmaður, búsettur á Hallormsstað. Hann varð nýverið Norðurlandameistari framhaldsskóla með sveit Menntaskólans í Reykjavík og náði ágætum árangri á heimsmeistaramóti unglinga í skák sem fram fór í Tyrklandi í nóvember. 

"Það má segja að styrkurinn úr Spretti hafi komið mér til Tyrklands. Við þurftum sjálf að borga stóran hluta ferðarinnar, sem var tvær vikur. Ég lít líka á styrkinn sem hrós og það er gaman að vita að aðrir taki eftir því sem maður er að gera."

Um Sprett:

Í sumar var endurnýjað samkomulag Alcoa Fjarðaáls og UÍA um styrktarsjóðinn Sprett. Gerðar voru ákveðnar breytingar á forsendum sjóðsins. Hann er nú einkum ætlaður til að styrkja íþróttaiðkun barna og unglinga með einkunnarorð Alcoa um afburði (excellence) að leiðarljósi. Alcoa Fjarðaál sér um fjármögnun sjóðsins en UÍA um skipulag og utanumhald. Aðilar skipa sameiginlega úthlutunarnefnd sem fer yfir umsóknir og úthlutar úr sjónum. 

Úr sjóðnum er úthlutað fjórum gerðum styrkja sem nánar er gerð grein fyrir í úthlutunarreglum. Þetta eru afreksstyrkir, iðkendastyrkir, þjálfarastyrkir og félagastyrkir.

Stefnt er að því að til framtíðar verði úthlutað úr sjóðnum tvisvar á ári en í ár var aðeins ein úthlutun.  

Styrkþegar úr Spretti fengu að auki Þórarinspeninginn, minningarpening um Þórarinn Sveinsson, sem var einn af helstu forgöngumönnum um stofnun UÍA.

Guðmundur með jafntefli í fyrstu umferð í Hastings

Alþjóðlegi meistarinn Guðmundur Kjartansson (2391) gerði jafntefli við enska skákmanninn John Sudgen (2219) í fyrstu umferð Hastings-mótsins sem hófst í dag.  Í 2. umferð, sem fram fer á morgun, teflir Guðmundur við annan Englending, Philip Tozer (2106) að nafni.  

111 skákmenn taka þátt í Masters-flokknum og þar 9 stórmeistarar og  12 alþjóðlegir meistarar.  Guðmundur er 15. stigahæsti keppandinn.

Heimasíða mótsins

 

Henrik tapaði í 4. umferð

Stórmeistarinn Henrik Danielsen (2495) tapaði fyrir alþjóðlega meistaranum Thorbjörn Bromann (2434) í fjórðu umferð  ØBRO-nýársmótsins sem fram fór í dag.    Henrik hefur 3 vinninga og er í 6.-13. sæti.  Henrik mætir Kristian Hovmöller (2279) í fimmtu umferð sem fram fer á morgun og verður sýnt beint á vefsíðu mótsins.  Skákin hefst kl. 18.

Bromann er efstur með fullt hús.   

Í mótinu taka þátt 64 skákmenn og þar af 2 stórmeistarar (Henrik og Johnny Hector (2572)), 2 alþjóðlegur meistarar.  Mótið er 7 umferðir og er teflt bratt en mótið tekur aðeins fjóra daga.

• Heimasíða mótsins
• Skákirnar í beinni (hefjast kl. 12 og 18)

Lokastaða og skipting aukaverðlauna Íslandsmótsins í netskák

Búið er að taka saman lokastöðuna á Íslandsmótinu í netskák sem fram fór í gærkveldi og upplýsingar um hverjir vinna til aukaverðlauna. 

Lokastaðan:

 

Nr.	Name	Nafn	Stig	Vinn
1	Morfius	Jón Viktor Gunnarsson	2460	7,5
2	BoYzOnE	Davíð Kjartansson	2295	7
3	Keyzer	Rúnar Sigurpálsson	2130	6,5
4	Lodfillinn	Þorvarður Fannar Ólafsson	2200	6,5
5	HaddiBje	Halldór Brynjar Halldórsson	2195	6,5
6	Elisabetthelma	Róbert Lagerman	2375	6,5
7	Celine	Björn Þorfinnsson	2395	6
8	TheGenius	Björn Ívar Karlsson	2175	6
9	Grettir	Bragi Þorfinnsson	2430	6
10	neskorte	Pálmi R. Pétursson	2085	6
11	Kaupauki	Kristján Örn Elíasson	1955	6
12	Cyberg	Sæberg Sigurðsson	2060	6
13	Vandradur	Gunnar Björnsson	2095	5,5
14	herfa47	Guðmundur S. Gíslason	2345	5,5
15	Kine	Stefán Bergsson	2065	5,5
16	Haust	Sigurður Eiríksson	1840	5,5
17	Gaflarinn	Stefán Þór Sigurjónsson	2025	5,5
18	Smu	Hlíðar Þór Hreinsson	2195	5,5
19	velryba	Lenka Ptácníková	2300	5
20	Cyprus	Ögmundur Kristinsson	2035	5
21	Navi	Hrannar Baldursson	2110	5
22	Njall	Bragi Halldórsson	2195	5
23	agassi69	Andri Áss Grétarsson	2330	5
24	skyttan	Bjarni Jens Kristinsson	2040	5
25	Khomeini	Gunnar Freyr Rúnarsson	1975	5
26	sun	Sverrir Unnarsson	1880	4,5
27	Dragon	Hallgerður Helga Þorsteinsdóttir	1890	4,5
28	Gjemle	Páll Snædal Andrason	1620	4,5
29	Cafe33	Arnar Þorsteinsson	2190	4,5
30	Kolskeggur	Vigfús Ó. Vigfússon	1955	4,5
31	qpr	Kristján Halldórsson	1810	4,5
32	ironman97	Kristófer Gautason	1530	4,5
33	BlitzRunner	Jorge Fonseca	2010	4
34	BluePuffin	Jón Gunnar Jónsson	1670	4
35	hge	Halldór Grétar Einarsson	2230	4
36	gunnigunn	Gunnar Gunnarsson	1890	4
37	Kazama	Ingvar Örn Birgisson	1765	4
38	fholm	Friðgeir Hólm	1650	4
39	statisus	Hrafn Arnarson	1905	4
40	Semtex	Sigurður Ingason	1775	3,5
41	Atli54	Atli Freyr Kristjánsson	2170	3,5
42	LakiTuba	Tómas Veigar Sigurðarson	1845	3,5
43	fiber	Birgir Rafn Þráinsson	1665	3,5
44	mikki1995	Mikael Jóhann Karlsson	1685	3,5
45	ARMINIUS	Magnús Matthíasson	1690	3,5
46	TheProfessional	Daði Steinn Jónsson	1540	3
47	flottskak	Einar Garðar Hjaltason	1655	3
48	nsu	Nökkvi Sverrisson	1750	3
49	magnus123	Magnús Garðarsson	1500	3
50	kingngnabber	Stefán Gíslason	1625	3
51	AphexTwin	Arnar Gunnarsson	2410	2,5
52	Helios	Erlingur Jensson	1660	2
53	lands	Gunnar Þorsteinsson	0	2
54	Vaseline	Birkir Karl Sigurðsson	1420	2
55	grandvar			2
57	Fjalar	Víkingur Fjalar Eiríksson	1725	0

 
Aukaverðlaun:

U-2100:

1. Pálmi R. Pétursson (2085) 6 v.
2. Kristján Örn Elíasson (1955) 6 v.

U-1800:

1. Páll Snædal Andrason (1620) 4,5 v.
2. Kristófer Gautason (1530) 4,5 v.

Stigalausir:

1. Gunnar Þorsteinsson

Unglingaverðalun:

1. Páll Snædal Andrason 4,5 v.
2. Kristófer Gautason 4,5 v.

Kvennaverðlaun:

1. Lenka Ptácníková 5 v.
2. Hallgerður Helga Þorsteinsdóttir 4,5 v.

Öldungaverðlaun:

1. Kristján Örn Elíasson 6 v.
2. Sigurður Eiríksson 5,5 v.

Það var Taflfélagið Hellir sem hélt mótið og mótsstjóri var Omar Salama. 

Alþjóðlegt unglingamót Hellis fer fram 7.-10. janúar

Taflfélagið Hellir stendur fyrir alþjóðlegu unglingamóti dagana 7.-10. janúar 2010. Teflt verður í Nýju stúkunni á Kópavogsvelli. Áætlað er að um 22-26 skákmenn taki þátt og þar af koma 6 sænskir unglingar og börn og taka þátt í mótinu.  Rétt til þátttöku í mótinu eiga þeir sem fæddir eru 1992 og síðar og eru með alþjóðleg skákstig. Einnig verður heimilaður takmarkaður fjöldi stigalausra skákmanna og er þátttaka þeirra háð samþykki mótsstjórnar.

Verðlaun í mótinu eru:

• 1. verðlaun: 30.000 ISK
• 2^. verðlaun: 20.000 ISK
• 3. verðlaun: 10.000 ISK
• 4. verðlaun:   5.000 ISK
• 5. verðlaun:   5.000 ISK

Þátttökugjöld:

Félagsmenn í Helli:

• Með alþjóðleg eða íslensk skákstig yfir 1500:  2.000 kr.
• Með alþjóðleg eða íslensk skákstig undir 1500: 3.000

Aðrir:

• Með alþjóðleg eða íslensk skákstig yfir 1500:  3.000 kr. 
• Með alþjóðleg eða íslensk skákstig undir 1500: 5.000 kr.

Þátttöku þarf að tilkynna fyrir 31. desember nk.  í síma 866 0116 (Vigfús) eða með tölvupósti: [e-mail]. Fyrir sama tíma þarf að standa skil á þátttökugjöldum með greiðslu inn á bankareikning 0319-26-845, kt. 470792-2489. Taka fram í skýringum fyrir hvern er verið að greiða og senda kvittun á [e-mail] 

Mótið verður 6 umferðir með tímamörkin 90 mínútur á skákina + 30 sekúndur á hvern leik. Dagskráin er sem hér segir:

Dagskrá:

• Fimmtudagur  7/1   Umferð 1: 19.30-24
• Föstudagur 8/1:      Umferð 2: 10-15
• Föstudagur 8/1:      Umferð 3: 17-22
• Laugardagur 9/1:    Umferð 4: 10-15
• Laugardagur 9/1:    Umferð 5: 17-22
• Sunnudagur 10/1:    Umferð 6: 9.30-14

Dagskráin getur tekið smávægilegum breytingum. Mótið verður nánar kynnt þegar nær dregur.

Styrktaraðilar mótsins eru Skákstyrktarsjóður Kópavogs og Skáksamband Íslands.

Henrik sigrar enn í Köben og er í 1.-4. sæti

Stórmeistarinn Henrik Danielsen (2495) sigraði FIDE-meistarann Jacob Karstensen (2317) í þriðju umferð ØBRO-nýársmótsins sem fram fór í Kaupmannahöfn í dag.  Henrik er með fullt hús og er í 1.-4. sæti.  Í 4. umferð, sem fram fer í kvöld og verður sýnd beint á vefnum og hefst kl. 18, teflir Henrik við FIDE-meistarann Thorbjörn Bromann (2434).

Broman, Hector (2572) og alþjóðlegi meistarinn Simon Bekker-Jensen (2407) eru efstir ásamt Henrik.  

Í mótinu taka þátt 64 skákmenn og þar af 2 stórmeistarar (Henrik og Johnny Hector (2572)), 1 alþjóðlegur meistari og 2 FIDE-meistarar.  Mótið er 7 umferðir og er teflt bratt en mótið tekur aðeins fjóra daga.

• Heimasíða mótsins
• Skákirnar í beinni (hefjast kl. 12 og 18)

Jakob Sævar hraðskákmeistari Goðans

Jakob Sævar Sigurðsson varð í dag hraðskákmeistari Goðans 2009 er hann vann hraðskákmótið með glæsibrag. Jakob fékk 10,5 vinningum af 11 mögulegum og leyfði aðeins eitt jafntefli, gegn Rúnari Ísleifssyni en Rúnar hafnaði í öðru sæti. Smári Sigurðsson meistari síðasta árs varð í þriðja sæti.  Benedikt Þór Jóhannsson varð efstur í yngri flokki með 6,5 vinninga og varð í 5. sæti í heildarkeppninni. Alls tóku 16 keppendur þátt í mótinu, en tefldar voru 11 umferðir og voru tímamörkin 5 mín á mann.

Lokastaðan:

1. Jakob Sævar Sigurđsson, 10.5 af 11 mögul.
2.      Rúnar Ísleifsson,                            10      
3. Smári Sigurđsson, 8,5
4.      Pétur Gíslason,                               7       
5.      Benedikt Þ Jóhannsson,                  6.5      1. sæti yngri fl.
6.      Ármann Olgeirsson,                         6       
7.      Sigurbjörn Ásmundsson,                  5.5      52,0      
8.      Hermann Aðalsteinsson,                  5.5      51,0
9.      Sigurjón Benediktsson,                   5.5      47.0 
10. Hlynur Snær Viđarsson, 4,5
11. Sæþór Örn Þórđarson, 4
12.    Jón Hafsteinn Jóhannsson,             4        48.0 
13.    Heimir Bessason,                           4        47.0 
14.    Sighvatur Karlsson,                        3.5     
15. Valur Heiđar Einarsson, 2    
16.    Snorri Hallgrímsson,                       1     

Hlynur Snær Viðarsson varð í öðru sæti í yngri flokki og Valur Heiðar Einarsson varð þriðji.

Sigurður Daði sigraði á jólahraðskákmóti TR

Jólahraðskákmót Taflfélags Reykjavíkur 2009 fór fram í gær í húsnæði félagsins að Faxafeni.  Mótið var firmamót að þessu sinni en yfir 50 fyrirtæki og einstaklingar styrktu félagið.  Þátttaka var góð en 34 keppendur mættu til leiks og öttu kappi í skemmtilegu móti þar sem jólaandinn réð ríkjum.  Á milli skáka fylgdust keppendur með úrslitaeinvíginu í Íslandsmótinu í atskák í beinni útsendingu Sjónvarps á stóru tjaldi ásamt því að gæða sér á veitingum frá Birnu-Kaffi.

Tefldar voru 2x7 umferðir og svo fór að TR-ingurinn, Sigurður Daði Sigfússon sem tefldi fyrir Jón Víglundsson, sigraði með 12 vinninga.  Annar með 11,5 vinning varð Björn Þorfinnsson sem tefldi fyrir Frumherja hf og þriðji með 10,5 vinning varð Gunnar Freyr Rúnarsson en hann tefldi fyrir Orkuveitu Reykjavíkur.

Heildarúrslit:

Place Name                                                            

  1   Sigurður Daði Sigfússson, Jón Víglundsson        12       
  2   Björn Þorfinnsson, Frumherji hf.                 11.5     
  3   Gunnar Freyr Rúnarsson, Orkuveita Reykjavíkur    10.5   
  4   Jón Þorvaldsson, Litla Kaffistofan                9.5      
 5-9  Jón Úlfljótsson, Efla Verkfræðistofa ehf.         8.5     
      Jóhann Ingvason, Henson Sport                     8.5      
      Vigfús Ó. Vigfússon, Kópavogsbær                  8.5     
      Skúli Torfason, Sjóvá                             8.5      
      Páll Andrason, Skáksamband Íslands                8.5      
10-13 Jóhann H. Ragnarsson, Herrafataverslun Kormáks    8       
      Stefán Þór Sigurjónsson, Endurvinnslan hf.        8        
      Kristján Örn Elíasson, Bónus                      8        
      Stefán Már Pétursson, Lögmál                      8        
14-18 Eiríkur K. Björnsson, Hlaðbær - Colas             7.5      
      Jón Olav Fivelstadt, Innes hf.                    7.5      
      Friðrik Þ. Stefánsson, Borgarplast                7.5      
      Örn Leo Jóhannsson, Hitaveita Suðurnesja          7.5      
      Oliver Aron Jóhannesson, Saga Capital             7.5     
19-20 Jón Gunnar Jónsson, Bakarameistarinn              7       
      Guðmundur Guðmundsson, Hreyfill-Bæjarleiðir       7        
21-22 Júlíus L. Friðjónsson, Íslandspóstur ehf          6.5      
      Birkir Karl Sigurðsson, Arion banki               6.5      
23-25 Magnús Kristinsson, BYKO                          6        
      Guðmundur K. Lee, Seðlabanki Íslands              6        
      Finnur Kr. Finnsson, MP banki                     6        
 26   Gunnar Ingibergsson, Útfarastofa Íslands          5.5      
27-29 Elsa María Kristínardótti, Hvalur hf              5        
      Björgvin Kristbergsson, Útflutningsráð Íslands    5        
      Pétur Jóhannesson, Gámaþjónustan                  5        
30-31 Þórður Valtýr Björnsson, Sorpa                    4.5      
      Vignir Vatnar Stefánsson, Ísaga hf.               4.5      
32-33 Kristófer Jóel Jóhannesso, Valitor Visa           4        
      Kristinn Andri Kristinsso, Hagkaup                4        
 34   Veronica S. Magnúsdóttir, Menntaskólinn í Hamrahlíð 0

Jafnframt styrktu eftirfarandi aðilar félagið:

• Argentína steikhús

• Baltik ehf

• BSRB

• Dynjandi ehf

• Garðabær

• Grand hótel Reykjavík

• Guðmundur Arason ehf/GA smíðajárn

• Gæðabakstur ehf

• Hamborgarabúlla Tómasar ehf

• Íslandsbanki hf

• Ís-spor

• Landsbanki Íslands

• Mannvit hf verkfræðistofa

• Marel

• Reykjavíkurborg

• Suzuki-bílar hf

• Útfararstofa Kirkjugarðanna ehf

• Verkís hf

Stjórn Taflfélags Reykjavíkur vill koma á framfæri þakklæti til allra þeirra fyrirtækja, stofnanna og aðila sem styrktu félagið af þessu tilefni.  Sömuleiðis fá keppendur bestu þakkir fyrir þátttökuna.