EM landsliða: Mónakó í fjórðu umferð

Íslenska liðið mætir liði Mónakó í fjórðu umferð EM landsliða sem fram fer í Novi Sad í Serbíu á morgun.  Loks teflir íslenska liðið við lið sem hefur lægri meðalstig en íslenska liðið en meðalstig Mónakómanna eru 2218 skákstig.   Íslenska sveitin er í 37. sæti með 0 stig og 3 vinninga.  Fjögur lið hafa fullt hús stiga.  Serbar eru efstir með 9 vinninga, Aserar aðrir með 8 vinninga og Georgíumenn og Ísraelar eru í 3.-4. sæti með 7,5 vinning.  Danir eru efstir norðurlandaþjóðanna, eru í 15. sæti með 4 stig og 6,5 vinning.  Georgía er efst í kvennaflokki.

Skáksveit Mónakó:

Bo.		Name	Rtg
1	GM	Efimov Igor	2433
2	FM	Van Hoolandt Patrick	2229
3		Ribbegren Karl Johan	2158
4		Iclicki Willy	2052

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results