Shirov efstur í Sofíu

Spánverjinn Alexei Shirov (2745) sigraði Vassily Ivanchuk (2746) í sjöttu umferð Mtel Masters-mótsins sem fram fór í dag í Sofíu í Búlgaríu.  Öðrum skákum lauk með jafntefli.  Shirov er þar með orðinn efstur, hefur ½ vinnings forskot á Carlsen (2770) og Topalov (2812).  Ivanchuk er hins vegar alveg heillum horfinn og er langneðstur með 1 vinning.   

Úrslit 6. umferðar:

 

Shirov, Alexei	- Ivanchuk, Vassily	1-0	49
Topalov, Veselin	- Carlsen, Magnus	½-½	45
Dominguez Perez, Leinier	- Wang Yue	½-½	40

 

Staðan:

1.	Shirov, Alexei	g	ESP	2745	*	*	½	.	½	.	½	.	½	.	1	1	4	2879
2.	Carlsen, Magnus	g	NOR	2770	½	.	*	*	1	½	½	.	½	.	½	.	3½	2818
3.	Topalov, Veselin	g	BUL	2812	½	.	0	½	*	*	½	.	1	.	1	.	3½	2804
4.	Dominguez Perez, Leinier	g	CUB	2717	½	.	½	.	½	.	*	*	½	½	½	.	3	2758
5.	Wang Yue	g	CHN	2738	½	.	½	.	0	.	½	½	*	*	1	.	3	2751
6.	Ivanchuk, Vassily	g	UKR	2746	0	0	½	.	0	.	½	.	0	.	*	*	1	2481

 

Sex skákmenn taka þátt í þessa sterka móti sem er í 21. styrkleikaflokki.  Tefld er tvöföld umferð og teflt er í sérstöku glertjaldi.   Eins og venjulega gilda svokallaðar "Sofíu-reglur", þ.e. ekki er hægt að bjóða jafntefli á hefðbundin hátt heldur þarf að koma jafnteflisboðum í gegnum skákdómara og má aðeins þegar um er að ræða þrátefli, teórískt jafntefli, eða staðan býður ekki upp á neitt annað.  Skákdómari fær ráðgjöf frá hinum viðkunnanlega georgíska stórmeistara Zurab Azmaiparashvili.

Heimasíða mótsins (ritstjóri mælir með því að síðan sé ekki opnuð þar sem hún kunna að innihalda vírus eða trjóuhest.  A.m.k. er síðan ekki talin örugg á vinnustað ritstjóra en þar kemur upp meldingin: "The Websense category "Potentially Damaging Content" is filtered."