Magnus Carlsen efstur á Corus-mótinu - Anand vann Topalov

Magnus Carlsen (2733) gerði jafntefli við Ísraelann Boris Gelfand (2737) í áttundu umferð Corus-mótsins, sem fram fór í dag.   Indverski heimsmeistarinn Anand (2799) sigraði Búlgarann Topalov (2780) en öðrum skákum lauk með jafntefli.    Carlsen er efstur með 5,5 vinning en Kramnik (2799) og Aronian (2739) eru í 2.-3. sæti með 5 vinninga.  Anand er kominn í 4.-5. sæti eftir tvær sigurskákir í röð, hefur 4,5 vinning ásamt Radjabov (2735). 

Úrslit 8. umferðar:

L. van Wely - P. Leko	½-½
M. Carlsen - B. Gelfand	½-½
V. Anand - V. Topalov	1-0
V. Kramnik - J. Polgar	½-½
T. Radjabov - V. Ivanchuk	½-½
S. Mamedyarov - L. Aronian	½-½
P. Eljanov - M. Adams	½-½

Staðan:

1.	M. Carlsen	5½
2.	V. Kramnik L. Aronian	5
4.	T. Radjabov V. Anand	4½
6.	S. Mamedyarov M. Adams V. Ivanchuk L. van Wely	4
10.	J. Polgar V. Topalov P. Leko	3½
13.	P. Eljanov B. Gelfand	2½

Í b-flokki er Slóvakinn Sergei Movsesian (2677) efstur með 6 vinninga en Bacrot (2700) getur náð honum en hann situr enn að tafli. 

Í c-flokki er Ítalinn ungi Fabiano Caruana (2598) efstur með 6 vinninga en hann verður meðal keppenda á Reykjavíkurskákmótinu.  

Í heiðursflokki eru Korchnoi (2605) og Timman (2561) efstir með 1,5 vinning að loknum tveimur umferðum. 

Níunda umferð fer fram á þriðjudag og þá mætast m.a.: Leko-Carlsen, Topalov-Kramnik, Aronian-Eljanov og Gelfand-Anand.  

Corus-mótið er án efa sterkasta skákmót ársins en meðal keppenda eru 10 af 13 sterkustu skákmönnum heims og eru meðalstig 2742 skákstig.  B-flokkurinn er einnig mjög sterkur en þar eru meðalstig 2618 skákstig. 

• Heimasíða mótsins
  
• Skákirnar í beinni (hefjast kl. 12:30)
• Skákhornið (íslenskir "spekingar" skýra gang mála)