Björn Þorfinnsson fyrsti Grand Prix meistarinn

Björn Þorfinnsson sigraði örugglega á 1. Grand Prix móti Taflfélags Reykjavíkur og Skákdeildar Fjölnis, en það fór fram í Skákhöllinni í Faxafeni 12 í kvöld, fimmtudagskvöld. Björn hlaut 6,5 vinning af 7 mögulegum og gerði aðeins jafntefli við Paul Frigge. Í öðru sæti varð Davíð Kjartansson með 5,5 vinning og í 3.-4. sæti urðu Hjörvar Steinn Grétarsson og Jóhann H. Ragnarsson með 5 vinninga, en Hjörvar vann á stigum.

22 keppendur tóku þátt og var unga fólkið í meiri hluta. Óhætt er að segja, að mótaröðin hafi farið vel af stað og er búist við að framhald verði á þessari góðu mætingu.

Röð keppenda var eftirfarandi:

1. Grand-Prix mót T.R. og Fjölnis, 27. sept. 2007

Röð	Nafn	Vinningar
1	Björn Þorfinnsson	6,5
2	Davíð Kjartansson	5,5
3	Hjörvar Steinn Grétarsson	5 (24 stig)
	Jóhann H. Ragnarsson	5 (23 stig)
5	Eggert Ísólfsson	4,5
6	Paul Frigge	4
	Vigfús Óðinn Vigfússon	4
	Helgi Brynjarsson	4
	Jóhanna B. Jóhannsdóttir	4
	Óttar Felix Hauksson	4
11	Sigurlaug R. Friðþjófsdóttir	3,5
	Geirþrúður A. Guðmundsdóttir	3,5
	Dagur Andri Friðgeirsson	3,5
14	Hallgerður Helga Þorsteinsdóttir	3
	Elsa María Þorfinnsdóttir	3
	Jónas H. Jónsson	3
	Bjarni Jens Kristinsson	3
18	Hörður Aron Hauksson	2
	Friðrik Þjálfi Stefánsson	2
	Stefanía B. Stefánsdóttir	2
21	Friðþjófur Max Karlsson	1
	Sören Jensen	1

Björn Þorfinnsson, Davíð Kjartansson og Hjörvar Steinn Grétarsson fengu tónlistarverðlaun frá Óttari í Zonet og Rúnari Júlíussyni í Geimsteini.

Þegar langt var liðið á mót ákvað skákstjóri, í samráði við formann og varaformann T.R. að veita aukaverðlaun frá Taflfélaginu, og þau hlutu:

Í unglingaflokki var Helgi Brynjarsson efstur af þeim sem ekki fengu önnur verðlaun, með fjóra vinninga. Formaður T.R. veitti síðan tvö aukaverðlaun til unglinga.

Í kvennaflokki var Jóhanna Björg Jóhannsdóttir efst, en einnig þar veitti formaður T.R. 2 aukaverðlaun.

Þessir sex skákmenn fengu allir íslenskar skákbækur að eigin vali.

Framvegis verða þó aðeins 1 aukaverðlaun til unglinga og kvenna á hverju kvöldi, en síðan safna unglingar og konur stigum til sérstakra aukaverðlauna.

Skákstjóri: Snorri G. Bergsson.
Þulur:  Óttar Felix Hauksson.

Hin eina sanna Birna sá um veitingar.

Grand Prix mótaröðinni verður framhaldið næsta fimmtudagskvöld kl. 19.30 í Skákhöllinni, Faxafeni 12, Reykjavík.

Heimasíða TR