Hellir og TR mætast í úrslitum í kvöld!

Hellir og TR mætast í úrslitum Hraðskákkeppni taflfélaga í kvöld.   Í fyrra unnu TR-ingar öruggan sigur á Hellismönnum sem hafa verið sigursælir í keppninni og unnið hana oftar sex sinnum alls.  TR-ingar eru fjórfaldir meistarar.  

Félögin hafa ávallt mæst í keppninni að árinu 2003 undanskyldu  Það heyrir til undantekninga að félögin falli út fyrir öðrum liði en hvoru öðru.  Á því má bara finna þrjár undantekningar en bæði liðin töpuðu fyrir Hróknum árið 2003 og þess fyrir utan tapaði TR fyrir Skákfélagi Hafnarfjarðar mjög óvænt í úrslitum 1999 eftir að hafa lagt Helli í undanúrslitum.    

Teflt er í félagsheimili TR, Faxafeni 12 og eru áhorfendur velkomnir.   Það er Taflfélagið Hellir sem standur fyrir keppninni og hefur gert frá upphafi.  

Rétt er að benda á færsluflokk á vinstri hluta síðunnar sem tileignaður er Hraðskákkeppninni.

 

Áhorfendur er boðnir velkomnir! 

 

Sigurvegarar frá upphafi:

 

• 1995: Taflfélag Reykjavíkur
• 1996: Taflfélagið Hellir
• 1997: Taflfélag Reykjavíkur
• 1998: Taflfélagið Hellir
• 1999: Skákfélag Hafnarfjarðar
• 2000: Taflfélagið Hellir
• 2001: Taflfélagið Hellir
• 2002: Taflfélagið Hellir
• 2003: Skákfélagið Hrókurinn
• 2004: Taflfélag Reykjavíkur
• 2005: Taflfélagið Hellir
• 2006: Taflfélag Reykjavíkur