Heimsbikarmótið hefst kl. 11 - Jóhann með hvítt gegn David Navara

Heimsbikarmótið í skák hefst í dag í Tbilisi í Georgíu kl. 11. Jóhann Hjartarson mætir David Navara í fyrstu umferð (128 manna úrslitum). Íslendingur hefur ekki áunnið sér rétt til að tefla á Heimsbikarmótinu síðan 2000. Á Heimsbikarmótinu er teflt eftir útsláttarfyrirkomulagi. Tefldar eru tvær skákir. Sé jafnt er teflt til þrautar með styttri umhugsunartíma þar til úrslit fást. 

Mótið var sett í gær í Tbilisi og dró heimsmeistarinn Carlsen hvítu mennina. Jóhann fær hvítt Navara. Nánast allir sterkustu skákmenn heims taka þátt og þar á meðal heimsmeistarinn Magnus Carlsen. Fara þarf alla leið niður í sextánda sæti stigalistans, en þar má finna Veselin Topalov fyrrum heimsmeistara, til að finna einhvern sem ekki teflir í Tbilisi

Það vekur nokkra athygli að Jóhann er elsti keppandi mótsins aðeins 54 ára gamall.

Taflmennskan hefst á sunnudaginn kl. 11 með fyrri skák þeirra. Þá hefur Jóhann hvítt. Síðari skákina verður tefld á mánudaginn á sama tíma. Verði jafnt, 1-1, tefla þeir til þrautar á þriðjudaginn.

Ýmsar leiðir eru til að fylgjast með heimsbikarmótinu. Hér má finna nokkrar þeirra.

• Heimasíða mótsins (Ivan Sokolov og Evgeny Miroshnichenko skákskýrendur)
• Chess24 (beinn hlekkur á skák Jóhanns)
• Chess.com

Skák.is mun fylgjast afar vel með gangi mála frá Heimsbikarmótinu.