Vellukkað Jólaskákmót KR - Dagur Ragnarsson sigraði

Það var mikið um dýrðir í Frostaskjólinu í gærkvöldi þegar JÓLAKAPP&HAPP KR fór þar fram. Þröng var á þingi og viðburðurinn afar vellukkaður að mati Krisjáns Stefánssonar formanns. 

Yfir 30 keppendur á öllum aldri öttu kappi í mótinu og telfdu 13 umferðir til þrautar um vinninga og verðlaun. Hart var barist og varist, enda ekki heiglum hent að sitja sem fastast og freista þess að snúa á andstæðinginn með huglægum og hlutlægum hætti í tæpa 4 tíma í striklotu.

 

Sumir voru fengsælli og sigursælli en aðrir eins og sjá má á meðf. mótstöflu. Bar þar hæst þá Dag Ragnarsson, Braga Halldórsson og Björgvin Víglundsson en aðrir fylgdu þeim fast á hæla en svo fór að teygast úr lestinni og uppskera sumra rýrari en vonir stóðu til eins og gengur. En gamanið og spennan er fyrir öllu. /ESE  

Klikka á myndirnr til að skerpa þær og stækka.