Undirbúningur fyrir Ólympíumót: Jóga og dráttarvélar

Ólympíumótið í Bakú hefst í byrjun september. Liðsmenn Íslands í sumar hafa verið virkir við æfingar og keppni. Um þessar mundir er Guðmundur Kjartansson að tafli í Abú Dabí, Íslandsmóti kvenna er nýlokið með sigri Lenku og Hjörvar Steinn Grétarsson sigraði á alþjóðlegu skákmóti í Wales svo eitthvað sé nefnt. Ágústmánuður hefur verið notaður til fleiri hluta en skáklegs undirbúnings. Kvennalandsliðið er nýkomið úr æfingarbúðum í Reykhólasveit. Skákfélagið Hrókurinn kom sterklega að æfingarbúðunum og bauð liðsmönnum m.a. í að efla andann með akstri á dráttarvélum. Fyrr í mánuðinum hittust svo liðsmenn beggja liða á jógakynningu frá jógakennaranum Eygló Egilsdóttir. Eygló fór yfir ýmis trix hvernig hægt er að hafa slökun og blóðfæði til heila sem mest þegar setið er lengi og spennustigið hátt. Liðsmenn voru ánægðir með kynninguna og töldu flestir að þeir myndu koma til með að nýta sér það sem Eugló lagði fram.