Íslandsmót barnaskólasveita 4.-7. bekkur hefst á laugardaginn - skráningarfrestur rennur út í dag

Tefldar verða níu umferðir eftir svissneska kerfinu. Fimm á laugardegi og fjórar á sunnudegi Umhugsunartími verður 15 mínútur á skák fyrir hvern keppenda. Taflið hefst kl. 13 á laugardeginum en kl. 11 á sunnudeginum. Mótið fer fram í Rimaskóla.

Hver skóli getur sent fleiri en eina sveit. Í hverri sveit eru fjórir skákmenn. Keppendur skulu vera í 4. – 7. bekk. Ef sérstaklega efnilegir skákmenn finnast í 1. – 3. bekk er þeim leyfilegt að tefla með sínum skóla en þá aðeins í a-sveit hans! Í hverri sveit mega vera allt að þrír varamenn.

Þátttökugjöld kr. 7.500.- á sveit.  Þó ekki hærri en kr. 15.000.- fyrir hvern skóla.

Veitt verða verðlaun fyrir efstu b-e sveitir ásamt verðunum fyrir efstu sveitir af landsbyggðinni.

Veitt verða borðaverðlaun fyrir bestan árangur á 1.-4. borði. 

Sigurvegari mótsins hlýtur rétt til þátttöku á Norðurlandamóti barnaskólasveita sem fram fer í september næstkomandi í Noregi.

Skráning fer fram á Skák.is. Upplýsingar um þegar skráðar sveitir má finna hér.

Skráningu skal lokið í í síðasta lagi 8. apríl

Ath. Áríðandi er að sveitirnar séu skráðar fyrirfram.

Skákakademía Reykjavíkur sér um framkvæmd mótsins.

Ný reglugerð um mótið.