Jafntefli gegn Færeyjum - tap gegn Ísrael

 

Íslenska liðið í opnum flokki gerði 2-2 jafntefli gegn Færeyingum í sjöttu umferð Ólympíuskákmótsins. Kvennaliðið tapaði hins vegar ½-3½  gegn Ísrael.

 

Hannes Hlífar Stefánsson vann glæsilegan og öruggan sigur á Helga Dam Ziska á fyrsta borði.  Hjörvar Steinn Grétarsson og Helgi Ólafsson gerðu jafntefli á 2. og 4. borði með svörtu og því var allt undir í skák Guðmundar Kjartanssonar og Olafs Bergs á þriðja borði. Þar var Guðmundur í vörn.

Færeyingurinn leikur hins vegar af sér drottningunni í 30. leik. Skyldi hana einfaldlega eftir oní riddara Guðmundar. Guðmundi var hins vegar fyrirmunað að sjá það - afþakkaði drottninguna og þurfti að gefast upp 10 leikjum síðar.

Elsa María gerði jafntefli en aðrar skákir töpuðust.