Lenka í banastuði í Teplice - vann stórmeistara í gær

Lenka Ptácníková (2264) heldur áfram að standa sig frábærlega á opna skákmótinu í Teplice í Tékklandi. Í gær í sjöttu umferð vann hún úkraínska stórmeistarann Eduard Andreev (2492). Lenka hefur 5 vinninga og er í 3.-7. sæti. 

Hannes tapaði í gær fyrir pólskum alþjóðlegum meistara (2418) og hefur 4 vinninga. Guðlaug Þorsteinsdóttir (2005) tapar og vinnur til skiptist og hefur 3 vinninga.

Lenka verður í beinni útsendingu í dag sem hefst kl. 14. Þá teflir hún við hollenska stórmeistarann Dimitry Reinderman (2617).

Alls taka 160 keppendur þátt frá 23 löndum. Þar af eru 16 stórmeistarar og 15 alþjóðlegir meistarar. Hannes er nr. 10 í stigaröð keppenda og Lenka er nr. 39.

• Heimasíða mótsins
• Beinar útsendingar (kl. 14)