"Skák er lífið" - skáksýning í anda Bobby Fischer á Icelandair hótel Reykjavík Natura.

Heimsmeistaraeinvígið mikla í skák árið 1972 milli bandaríska áskorandans BobbyFischer og hins sovéska heimsmeistara Boris Spassky vakti gífurlega athygli um veröld alla og kom Íslandi rækilega á heimskortið. Rætt var um það sem „Einvígi aldarinnar" og síðar sem „Einvígi allra tíma" eftir að BBC valdi það sem einn af 10 fréttnæmustu viðburðum liðinnar aldar.

Í tengslum við þennan merka viðburð hefur verið sett upp fróðleg sýning Icelandair hótel Reykjavík Natura sem tengist einvíginu og skákgoðsögninni BobbyFischer. Á sýningunni má meðal annars sjá skákborð frá einvíginu ásamt öðrum munum og myndum sem tengjastsögu BobbyFischers, skáklistinni  og hótelinu sem sögufrægum skákstað.

Sýningin er sett upp í samvinnu við skákáhugamennina Einar S. Einarsson og Pál G. Jónsson og er staðsett í suðurálmu hótelsins, við hliðina á aðalfundarsalnum Þingsölum. Sýningin er alltaf opin, verið velkomin.