Að flytja þekkingu og reynslu milli kynslóða

Skákskóli Íslands mun senn fara af stað með svokölluð Skákkvöld. Skákkvöldin eru ætluð úrvalsnemendum skólans, kvennalandsliðinu og sterkum skákmönnum. Skákkvöldin eru opin sterkum skákmönnum með að lágmarki 2000 stig - auk þess sem sérstakir gestir mæta á hvert skákkvöld. Til að mynda fyrrverandi atvinnumenn í skák og gamlir úrvalsnemendur skólans.

Tilætlan með þessum skákkvöldum er að gefa úrvalsnemendum skólans tækifæri á að umgangast og tefla við sterka skákmenn. Flytja þannig skákþekkingu og reynslu milli kynslóða, ef svo má að orði komast. Tefldar verða 9-11 umferðir hraðskák með tímamörkunum 3:03. Á einhverjum kvöldanna munu verða tefldar þemuskákir með völdum byrjunum.

Skákkvöldin fara að jafnaði fram á fimmtudögum og hefjast 20:00. Haldin verða 1-2 skákkvöld í mánuði með tilliti til annarra verkefna úrvalsnemenda.

Fyrsta kvöldið verður fimmtudaginn 27. september klukkan 20:00 í sal Skákskólans.