Ól-pistill nr. 1 - Veislan er að hefjast!

Það er nokkuð þreyttur hópur sem skilaði sér á hótelið í Istanbul um átta-leytið í dag eftir um hálfs sólahrings ferðalag frá SÍ þar sem hópurinn mætti um fimm-leytið í nótt.  Lenka hafði komið fyrr um daginn frá Tékklandi og Dagur kemur á morgun frá Búdapest.  Omar kom í gær en hann er meðal skákdómara á mótinu. 

Ferðalagið einkenndist að nokkrum hlaupum í Amsterdam en stutt var á milli fluga og illa gekk að fá Board-ing passa en það gekk þó fyrir rest.  Flugið á milli Amsterdam og Istanbul var á köflum hressilegt og fór um suma. 

Skipulagið á skákstað mætti vera betra, það tók langan tíma að komast á hótelið og það er erfitt að nálgast upplýsingar og enn erfiðara að vita hvar sé hægt að nálgast upplýsingar!

Við misstum af liðsstjórafundinum.  Ég og Þröstur kíktum á opnunarhátíðina og ég tók nokkrar myndir.  Sami glamorinn og venjulega.  Þegar þetta er ritað liggur ekki fyrir pörun í fyrstu umferð en hún hlýtur að fara að detta inn.   íslenska liðið í opnum flokki er raðað nr. 51 og ætti að fá sveitir í kringum 130 sem þýðir að meðalstigin þeirrar sveitar liggja á milli 1900 og 2000 skákstiga.  Það er þegar ljóst að Dagur mun ekki tefla á morgun.

Kvennasveitin rétt hangir í efri hlutanum og ætti að fá eina af slakari sveitunum.  Verði einhverjar breytingar á liðsskipan á öðrum liðum gæti þó sveitin lent á efstu borðunum.

Á meðan mótinu stendur verða fréttir frá mótinu í algjörum forgrunni.

Læt þetta duga í bili, tími kominn á svefn.

Myndaalbúm frá opnuninni

Gunnar Björnsson