Nokkrar línur frá Kaunas: Pistill frá Gunnari Finnlaugssyni

Gunnar Finnlaugsson (2062) hefur skrifað stuttan pistil frá EM öðlinga (60+) sem fram fer þessa dagana í Kaunas í Litháen.  Annars pistill kemur frá Gunnari eftir mót.

Hér koma nokkrar línur frá Kaunas, sem er viðkunnanleg borg með uþb 350 000 íbúum. Mótið fer fram í skemmtilegum sal þar sem hátt er til lofts og vítt til veggja. Ísraelsmaðurinn Almog Blustein tók fyrir nokkrum árum við sem "seniorgeneral" af Per Ofstad innan Evrópusambandsins. Hann átti að vera innstur koppur í búri hér. En stuttu fyrir mót fékk Ofstad tölvupóst frá Blustein að hann myndi ekki koma og yrði mótstjóri í Dresden í staðinn! Ofstad sem nálgast áttrætt, hætti því við þátttöku sjálfur og er bakhjarl mótshaldara. Mótið fer vel fram og er teflt eftir "öldungastaðli", þeas níu umferðir, ein á dag frá laugardegi til sunnudags.
 
Umferðirnar byrja klukkan 10, sem sumum okkar finnst of snemmt. Á þeim fundum sem ég hef verið á í öldunganefndum hefur aðal umræðuefnið verið hvenær umferðir skuli hefjast. Mér og fleirum tókst að afstýra morgunbyrjun á Norðurlandamótinu í Reykjavík í fyrra.  En eftir sex umferðir er ég að verða búinn að aðlaga mig. Þó er kaffidrykkjan meiri en góðu hófi gegnir á morgnana.
 
Lars Grahn skrifar um mótið (INTE BARA SCHACK) og hefur birt myndir. Með mér eru tveir sænskir vinir mínir Malmdin og Wahlbom. Hins vegar eru norðmennirnir 15 og margir þeirra komir niður á neðstu borð. Ofstad kallar þann hluta salarins "Little Norway".

Ég og sænsku vinir mínir erum hins vegar allir fyrir ofan miðju þegar þetta er skrifað. Taflmennska mín hefur verið nokkuð brokkgeng eins og sjá má hjá Lars Grahn. En í dag tefldi ég heilsteypta skák við formann Skáksamband Lettlands Janis Lelis.  Takið eftir "reitafári" hvíta riddarans á d2.

Ég bý á ágætu hóteli og er það aðallega norska og rússneska sem maður heyrir við morgunverðarborðið. Allar upplýsingar eru á ensku og rússnesku.
 
Í dag ofkeyrði Balashov sig með hvítu og færir það spennu í mótið nú þegar þrjár umferðir eru eftir.
 

• Heimasíða mótsins
• Chess-Results

[Event "12th European Senior Chess Championship "] [Site "Kaunas"] [Date "2012.08.23"] [Round "6.32"] [White "Lelis, Janis"] [Black "Finnlaugsson, Gunnar"] [Result "0-1"] [ECO "A57"] [WhiteElo "1783"] [BlackElo "2062"] [PlyCount "80"] [EventDate "2012.08.18"] 1. d4 Nf6 2. c4 c5 3. d5 b5 4. Nc3 b4 5. Nb1 g6 6. b3 Bg7 7. Bb2 O-O 8. Nd2 e6 9. dxe6 fxe6 10. Ngf3 Bb7 11. e3 Qe7 12. Be2 d6 13. O-O Nbd7 14. Qc2 Bh6 15. h3 a5 16. Rad1 e5 17. Nh2 Rae8 18. Ng4 Nxg4 19. Bxg4 Nf6 20. Bf3 e4 21. Be2 Nd7 22. Bg4 Ne5 23. Bxe5 Qxe5 24. Nb1 Ra8 25. Bd7 Rfd8 26. Bb5 Bg7 27. Qe2 h5 28. Rd2 Qg5 29. Rfd1 Be5 30. Kh1 Kg7 31. Qe1 Ra7 32. Qg1 Ba8 33. Rc2 Rf7 34. Rcd2 Rf6 35. Rc1 Bb7 36. Rcd1 Rdf8 37. Rc1 Qh4 38. Rcc2 Bc8 39. Qf1 Rf3 40. g3 Rxg3 0-1