Víkingurinn Ólafur B. Þórsson með fullt hús

26 þátttakendur voru mættir í  Vin á til að heiðra minningu meistara Hauks Angantýssonar í dag klukkan 13. Auk þess kíktu margir við sem ekki höfðu tök á því að vera með allan tímann.

Áður en mótið hófst sagði Arnar Valgeirsson stuttlega frá hve gaman það hefði verið fyrir skákfélagið í Vin að fá alþjóðlega meistarann hann Hauk til að leiða liðið sl vetur. Kynnti þá nýjsta meðlim Skákfélags Vinjar, náfrænda og stórvin Hauks, alþjóðlega meistarann Sævar Bjarnason. Þá steig stórmeistarinn Helgi Ólafsson á stokk og rifjaði upp sögur af Hauki og eftirminnilegum viðureignum á Íslandsmótinu á áttunda áratugnum þar sem þeir voru í baráttunni margsinnis. Helgi gat því miður ekki tekið þátt í mótinu en það var magnað að hlusta á hann rifja upp viðureignir eins og þær hefðu farið fram í síðustu viku!

Það var sérlega gaman að þær systur Hauks, Bára og Guðrún, skyldu vera viðstaddar og voru þær sammála um að Haukur hefði greinilega notið þess að koma aftur í skákina eftir langt hlé og tefla í Vin og með heldri skákmönnum í Ásgarði sl vetur.

Þau Ingibjörg Edda Birgisdóttir og Gunnar Björnsson sáu um skákstjórn og þurftu ekki að láta að sér kveða enda fór baráttan prúðmannlega fram.

Ólafur B. Þórsson vann alla sína sex andstæðinga og tróndi efstur á palli. Að launum fékk hann forláta bikar auk bókar úr safni Hauks um heimsmeistaraeinvígið 1972. Gunnar Freyr Rúnarsson, yfirvíkingur varð annar með 4,5 vinninga og næstir með fjóra voru þeir forseti Gunnar Björnsson,  Sævar Bjarnason,  enn einn víkingurinn hann Stefán Þór Sigurjónsson og TR-ingurinn  Benedikt Jónasson.

Kaffi og kökum voru gerð góð skil og veitt voru verðlaun í nokkrum flokkum.

Úrslit:

 

Rank		Name	Rtg	Club	Pts
1		Ólafur B Þórsson	2202	Víkingar	6
2		Gunnar Freyr Rúnarsson	2079	Víkingar	4½
3		Gunnar Björnsson	2110	Hellir	4
4		Stefán Þór Sigurjónsson	2103	Víkingar	4
5	IM	Sævar Jóhann Bjarnason	2090	SFÍ	4
6	FM	Benedikt Jónasson	2240	TR	4
7		Oliver Aron Jóhannesson	2047	Fjölnir	3½
8		Jón Trausti Harðarson	1813	Fjölnir	3½
9		Vigfús Óðinn Vigfússon	1988	Hellir	3½
10		Gylfi Þór Þórhallsson	2156	SA	3½
11		Hjálmar Sigurvaldason	1381	Vinjar	3½
12		Elsa María Krístinardóttir	1737	Hellir	3
13		Sveinbjörn Jónsson	1639	Fjölnir	3
14		Aron Ingi Óskarsson	1862	Vinjar	3
15		Jón Úlfljotsson	1818	Víkingar	3
16		Haukur Halldórsson	1540	Vinjar	3
17		Aðalsteinn Thorarensen	1710	Vinjar	3
18		Ásgeir Sigurðsson	0	Æsir	2½
19		Jorge Fonseca	1997	Vinjar	2½
20		Björgvin Kristbergsson	1229	TR	2
21		Arnljótur Sigurðsson	1460	Vinjar	2
22		Einar Leó Erlingsson	0		2
23		Arnar Valgeirsson	0	Vinjar	2
24		Finnur Kristján Finnsson	0	Æsir	2
25		Ólafur Valdimarsson	0		1
26		Jón Gauti Magnússon	1142	Vinjar	0

 
Myndaaalbúm (IIB)