KR-rimma á Meistaravöllum - Viðeyjarundrið sigraði

KR-ingar slá ekki slöku við þessa daganna, nýbúnir að landa Íslandsmeistaratitilinum í knattspyrnu eftir að hafa unnið Bikarkeppnina fyrir stuttu síðan.  Sæl og mikil sigurvíma sveif yfir vötnunum þegar 22 galvaskir skákvíkingar reyndu með sér í gærkvöldi um það hver væri þeirra snjallastur í kappskák.

Tefldar voru hvorki meira né minna en 13 umferðir, sem reynir ekki bara á snilligáfuna heldur öllu meira á úthaldið. Svo fór að Guðfinnur R. Kjartansson bar sigur úr bítum, hlaut 11.5 vinning sem verður að teljast bærilega af sé vikið í þessum hópi. Afar traustur og yfirvegaður skákmaður þar á ferð sem var gefið viðurnefnið "Viðeyjarundrið" í sæmdarskyni í fyrra eftir að hann skaut mörgum valinkunnum meistaranum aftur fyrir sig á öldungamótinu í Viðey.  Nú fékk hann að jafnhenda Íslandsbikarinn sem sigurlaun.  Önnur úrslit skv. meðf. töflu.

Myndir (ESE)