Jóhanna Björg vann Hjörvar Stein

Óvænt úrslit urðu þegar 3. umferð Meistaramóts Skákskóla Íslands fór fram á föstudagskvöldið en þá sigraði Jóhanna Björg Jóhannsdóttir Hjörvar Stein Grétarsson. Stalla hennar Hallgerður Helga Þorsteinsdóttir vann Mikael J. Karlsson eftir mikið tímahrak og erfiða stöðu og eru þær báðar í fylkingarbrjósi en efstir með Jóhönnu eru þeir Sverir Þorgeirsson og Daði Ómarsson með 3 vinninga.

Hallgerður kemur næst með 2 1/2 vinning og teflir við Jóhönnu í næstu umferð. Þá eigast þeir við Sverrir og Daði. 

Á föstudagskvöldið fóru fram atskák-hluti mótsins en teflt var eftir tímakerfinu 25 10 - Bronstein. Fjórða umferð hefst kl. 10 á laugardagsmorguninn en þá hefst kappskák-hlutinn, 90 30, og lýkur mótinu á sunnudaginn en alls verða tefldar sjö umferðir.