Björn Ívar efstur á Skákþingi Vestmannaeyja

Í gærkvöldi fór fram 3 umferð Skákþings Vestmannaeyja, en talsvert var um frestaðar skákir og fóru þrjár í frest.

Lengstu skák kvöldsins áttu Björn Ívar og Sverrir, þar sem Sverrir barðist um á hæl og hnakka, en hann var í lokin lengst af með hrók á móti tveimur léttum mönnum og peði, en Sverrir barðist vel og Björn Ívar þurfti að feta hinn þrönga stíg til vinnings.  Skák Sigurjóns og Nökkva var einnig spennandi, þar sem Nökkvi hafði peð yfir eftir miðtaflið, en lék af sér manni og Sigurjón varð ekki skotaskuld úr því að innbyrða vinninginn eftir það.  Skák Karls Gauta og Þórarins var jöfn og í járnum lengi vel, en formaðurinn beið of lengi með sókn sína og Þórarinn nýtti tækifærið og náði fráskák eftir mikil uppskipti og vann.  Kristófer og Sigurður áttust við í mikilli sviptingaskák og sömdu þeir jafntefli undir lokin.  Hafdís vann sína fyrstu kappskák á móti Tómasi.

Næsta umferð er á sunnudagskvöldið og þarf að ljúka frestuðum skákum í síðasta lagi á laugardag.

Úrslit 3. umferðar.

Bo.	Name	Pts	Res.	Pts	Name
1	Björn Ívar Karlsson	2	1  -  0	2	Sverrir Unnarsson
2	Nökkvi Sverrisson	1	Frestað	2	Stefan Gíslason
3	Einar Guðlaugsson	1	Frestað	2	Sigurjón Þorkelsson
4	Karl Gauti Hjaltason	1	0  -  1	1	Þórarinn I. Ólafsson
5	Kristófer Gautason	1	½  -  ½	1	Sigurður A Magnússon
6	Róbert Aron Eysteinsson	1	0  -  1	1	Daði Steinn Jónsson
7	Jörgen Freyr Ólafsson	0	Frestað	0	Eyþór Daði Kjartansson
8	Tómas Aron Kjartansson	0	0  -  1	0	Hafdís Magnúsdóttir

Staðan.

Rank	Name	Rtg	Pts	BH.
1	Björn Ívar Karlsson	2211	3	6
2	Sverrir Unnarsson	1926	2	5½
3	Þórarinn I Ólafsson	1697	2	4
	Daði Steinn Jónsson	1590	2	4
5	Sigurjón Þorkelsson	2039	2	3
6	Stefán Gíslason	1685	2	2
7	Kristófer Gautason	1679	1½	4½
8	Sigurður A Magnússon	1375	1½	2½
9	Einar Guðlaugsson	1937	1	5½
10	Róbert Aron Eysteinsson	1355	1	5
11	Nökkvi Sverrisson	1787	1	4
	Karl Gauti Hjaltason	1545	1	4
13	Hafdís Magnúsdóttir	0	1	2½
14	Tómas Aron Kjartansson	1010	0	5
15	Jörgen Freyr Ólafsson	1140	0	3½
16	Eyþór Daði Kjartansson	1265	0	2

• Heimasíða TV
• Chess-Results