Luke McShane teflir á MP Reykjavíkurskákmótinu - stefnir í metþátttöku

Enski stórmeistarinn Luke McShane (2664) hefur skráð sig til leika í MP Reykjavíkurskákmótið.   McShane sem fékk flesta vinninga á einu sterkasta skákmóti síðasta árs, London Classic mótsins, ásamt Anand og Carlsen, tekur nú þátt í b-flokki Tata Steel-mótsins í Wijk aan Zee og er efstur með fullt hús eftir 3 umferðir.   Helgi Ólafsson fór yfir glæsilega vinningsskák McShane gegn Carlsen í pistli í Morgunblaðinu.

Það stefnir í algjöra metþátttöku á MP Reykjavíkurskákmótinu en nú tæpum tveimur mánuðum fyrir mót eru 112 skákmenn skráðir til leiks en til samanburðar tóku 104 skákmenn þátt í fyrra en metið var 2009 þegar 110 skákmenn tóku þátt.  

Til leiks eru skráðir 72 erlendir skákmenn frá 25 löndum en til samanburðar tóku 53 erlendir skákmenn þátt í fyrra.  Þjóðverjar og Norðmenn eru fjölmennastir með 12 skráða skákmenn hvort land.

• Heimasíða mótsins
• Chess-Results (keppendalisti)