Skákþáttur Morgunblaðsins: Eldgos tefur heimsmeistaraeinvígi

Eldgosið í Eyjafjallajökli varð til þess að skipuleggjendur heimsmeistaraeinvígis Anands og Topalovs í Sofia í Búlgaríu féllust á að fresta einvíginu um einn dag en Anand hafði áður beðið um þriggja daga frestun vegna erfiðleika með að komast frá Spáni þar sem hann býr. Eiginkona Anands, Aruna, greip til þess ráðs að pakka föggum heimsmeistarans í stóran sendiferðabíl og síðan var ekið í gegnum Evrópu. Tók sú ferð 40 klukkutíma. Fyrstu skák einvígisins átti samkvæmt nýrri dagskrá að tefla í gær, laugardag og Topalov með hvítt. Þeir munu tefla 12 skákir.

Anand er af mörgum talin sigurstranglegri vegna meiri reynslu í löngum einvígjum. Þeir hafa teflt 44 kappskákir, Topalov hefur unnið ellefu sinnum, Anand tíu sinnum og þeir hafa gert 23 jafntefli. Topalov lét þess getið í viðtali á dögunum að þeir Anand hefðu sl. fimm ár borið höfuð og herðar yfir aðra skákmenn og einvígi þeirra væri eðlilegt uppgjör bestu skákmanna heims.

Í því einvígi sem framundan er liggur ljóst fyrir að báðir keppendur munu fullnýta þann öfluga hugbúnað sem skákmönnum stendur til boða. Samkeyrsla fjölmargra forrita til að fá niðurstöður í flóknum byrjunum er krafa dagsins. Anand var að þessu leyti mun fremri Vladimir Kramnik í heimsmeistaraeinvíginu í Bonn 2008.

Þó að Anand hafi vakið athygli í skákheiminum þegar árið 1986 einkum þó fyrir hversu fljótur hann var að leika, taldi hann í viðtali sem Riz Khan átti við hann á sjónvarpsstöðinni Aljazeera á dögunum að árið 1987 hafi markað þáttaskil fyrir sig hvað skákferilinn varðaði. Þá varð hann heimsmeistari unglinga og var einnig útnefndur stórmeistari, fyrstur Indverja.

Af mörgu er að taka frá þessum árum en þegar greinarhöfundur sló upp í gagnabanka kom á daginn að þetta ár tefldi hann við Ingvar Ásmundsson á World Open í Bandaríkjunum. Þetta var hörkuskák og Ingvar gaf sig hvergi þó að hann hafi fengið erfiða stöðu eftir byrjunina. Sennilega hefur Anand verið of fljótur á sér að hafna 26. Rxc5 bxc5 27. Hd7 Hc8 því 28. g4! Kf8 29. f5 gefur honum góða vinningsmöguleika. Annar vendipunktur kom í 38. leik, Anand hefði átt að skjóta inn 38. fxg7+. Svo var mikill bægslagangurinn þegar Anand tefldi á þessum árum að hann átti stundum erfitt með að „bremsa sig af“. Í endataflinu sem upp kom gat Ingvar náð jafntefli með 39....Rd6! því 40. a4 standar á 40....Ke7 og riddarinn á b6 á aðeins a8-reitinn. Aftur missir Ingvar af jafntefli í 41. leik með Kc7 í stað 41....c4.

Philadelphia 1987:

Wisvanathan Anand – Ingvar Ásmundsson

Aljékíns vörn

1. e4 Rf6 2. e5 Rd5 3. d4 d6 4. Rf3 Bg4 5. Be2 e6 6. 0-0 Be7 7. c4 Rb6 8. Rc3 O-O 9. Be3 R8d7 10. b3 dxe5 11. Rxe5 Bxe2 12. Dxe2 Rxe5 13. dxe5 Rd7 14. Had1 Dc8 15. f4 Bc5 16. Re4 Bxe3 17. Dxe3 Hd8 18. h4 Rf8 19. h5 h6 20. Dc5 Hd7 21. Db4 b6 22. Da4 Dd8 23. Hxd7 Dxd7 24. Dxd7 Rxd7 25. Hd1 Rc5 26. Rc3 a6 27. b4 Rb7 28. Hd7 Hc8 29. f5 Rd8 30. b5 axb5 31. cxb5 Kf8 32. f6 Rb7 33. Re4 Ra5 34. Hd4 c5 35. Hd7 Rc4 36. Rd6 Rxe5 37. Hxf7 Rxf7 38. Rxc8 gxf6 39. Rxb6 Ke7 40. Ra4 Kd6 41. Rc3 c4 42. a4 Kc5 43. a5 Rd6 44. b6 Kc6 45. g4 Kb7 46. Kf2 Ka6 47. Ke3 f5

48. g5 hxg5 49. h6 e5 50. h7 Rf7 51. Ra4 Kb7 52. Rc5 Kc6 53. b7 Kc7 54. a6

– og svartur gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 25. apríl  2010.

Skákþættir Morgunblaðsins

[Event "Philadelphia op"] [Site "Philadelphia"] [Date "1987.??.??"] [Round "?"] [White "Anand, Viswanathan"] [Black "Asmundsson, Ingvar"] [Result "1-0"] [ECO "B05"] [WhiteElo "2500"] [BlackElo "2375"] [PlyCount "107"] [EventDate "1987.06.??"] [EventType "swiss"] [EventRounds "10"] [EventCountry "USA"] [Source "ChessBase"] [SourceDate "1996.11.15"] 1. e4 Nf6 2. e5 Nd5 3. d4 d6 4. Nf3 Bg4 5. Be2 e6 6. O-O Be7 7. c4 Nb6 8. Nc3 O-O 9. Be3 N8d7 10. b3 dxe5 11. Nxe5 Bxe2 12. Qxe2 Nxe5 13. dxe5 Nd7 14. Rad1 Qc8 15. f4 Bc5 16. Ne4 Bxe3+ 17. Qxe3 Rd8 18. h4 Nf8 19. h5 h6 20. Qc5 Rd7 21. Qb4 b6 22. Qa4 Qd8 23. Rxd7 Qxd7 24. Qxd7 Nxd7 25. Rd1 Nc5 26. Nc3 a6 27. b4 Nb7 28. Rd7 Rc8 29. f5 Nd8 30. b5 axb5 31. cxb5 Kf8 32. f6 Nb7 33. Ne4 Na5 34. Rd4 c5 35. Rd7 Nc4 36. Nd6 Nxe5 37. Rxf7+ Nxf7 38. Nxc8 gxf6 39. Nxb6 Ke7 40. Na4 Kd6 41. Nc3 c4 42. a4 Kc5 43. a5 Nd6 44. b6 Kc6 45. g4 Kb7 46. Kf2 Ka6 47. Ke3 f5 48. g5 hxg5 49. h6 e5 50. h7 Nf7 51. Na4 Kb7 52. Nc5+ Kc6 53. b7 Kc7 54. a6 1-0