NM stúlkur 2012 - Pistill fjórðu umferðar - Hrund og Jóhanna efstar í sínum flokkum

Fjórða umferð Norðurlandamóts stúlkna er rétt nýlokið.  Íslensku keppendurnir áttu fremur góðan dag og skiluðu fjórum og hálfum vinningi í hús af sex mögulegum.  Ekki vantaði mikið á að enn fleiri vinningar fengjust.

A-flokkur:
Jóhanna Björg Jóhannsdóttir – Amalie Heiring Lindestrom 1-0
Louise Segerfelt -  Sigríður Björg Helgadóttir 0-1

Andstæðingur Jóhönnu tefldi byrjunina ekki mjög vel og því fékk Jóhanna strax rýmri og þægilegri stöðu.  Eftir að hafa unnið peð kláraði Jóhanna skákina örugglega í endataflinu.  Jóhanna er nú komin í fyrsta til þriðja sæti í þessum flokki.

Sigríður rændi peði fljótlega í byrjuninni og fékk frekar þrönga stöðu í staðinn.  Hún tefldi framhaldið hins vegar mjög vel og uppskar fínan sigur.  Sigur í síðustu umferð skilar henni verðlaunasæti.

Eftir fjórar umferðir er Jóhanna í fyrsta til þriðja sæti og þarf nauðsynlega að vinna í síðustu umferð (þrjár efstu eru allar búnar að tefla saman) til að eiga sigurmöguleika. 

B-flokkur:
Hrund Hauksdóttir – Marte B Kyrkebö 1-0
Alise Haukenes – Veronika Steinunn Magnúsdóttir 0-1

Hrund, afmælisbarn dagsins, heldur áfram að tefla vel.  Eins og hægt var að fylgjast með í beinni útsendingu þá hafði Hrund tögl og haldir í skákinni allan tíman og landaði öruggum sigri.  Hún er nú ein efst í flokknum.

Veronika er einnig að tefla mjög vel í þessum flokki og er eina tap hennar gegn Hrund.  Veronika tefldi mjög vandað í dag sem endaði með því að andstæðingur hennar lék illa af sér manni í stöðu þar sem Veronika stóð mun betur.  Veronika kláraði skákina af öryggi.

Þær stöllur standa mjög vel í þessum flokki.  Hrund er ein efst með þrjá og hálfan vinning af fjórum mögulegum hálfum vinningi á undan næstu stelpu.  Veronika á mjög góðan séns á verðlaunum með sigri í síðustu umferð því hún er í þriðja til sjötta sæti með tvo og hálfan vinning.

C-flokkur:
Sóley Lind Pálsdóttir – Elisa Sjöttem Jacobsen 0-1
Helene Lorem  – Nansý Davíðsdóttir ½-½

Sóley fékk fína stöðu úr byrjuninni eftir að andstæðingurinn fór í frekar illa ígrundaða sókn.  Sóley varð hins vegar á afdrifarík mistök og í stað þess að fá mun betri stöðu tapaði hún manni og fékk ómögulega stöðu og neyddist til að gefast upp.

Nansý teflfdi mjög vel til að byrja með og fékk mun betri stöðu úr byrjuninni en var aðeins óörugg því henni fannst hún ekki kunna teoríuna nægilega vel.  Ástæðan fyrir því var einföld, andstæðingurinn kunni alls ekki teoríuna og því kom upp staða sem Nansý kannaðist ekki við!  Í stað þess að ganga á lagið og leggja beint til atlögu þá gaf Nansý aðeins eftir, taflið jafnaðist og skákin endaði með jafntefli.

Þær stöllur eru báðar í fjórða til níunda sæti með tvo vinninga og þurfa nauðsynlega að vinna í síðustu umferð til að eiga einhvern séns á verðlaunum.

Fimmta og síðasta umferðin er tefld klukkan 14:30 í dag.

Skákir íslensku stelpnanna í fimmtu umferð:

A-flokkur:
Emilie Ellegaard Christiansen (Danmörk) - Jóhanna Björg Jóhannsdóttir
Sigríður Björg Helgadóttir – Erle Andrea Marki Hansen (Noregur) (í beinni útsendingu)

B-flokkur:
Ina Kraemer (Svíþjóð) - Hrund Hauksdóttir (í beinni útsendingu)
Veronika Steinunn Magnúsdóttir – Rina Weinman (Svíþjóð)

C-flokkur:
Lisa Fredholm (Svíþjóð) - Sóley Lind Pálsdóttir
Nansý Davíðsdóttir – Brandy Paltzer (Svíþjóð)

Mótstöflur, skákir og bein útsending:

Töflur
Bein útsending
Skákir
Umfjöllun skákstjóra (pistlar)

 Davíð Ólafsson

Barna-og unglingameistaramót Reykjavíkur sem og Stúlknameistaramót Reykjavíkur

Barna- og unglingameistaramót Reykjavíkur, sem og Stúlknameistaramót Reykjavíkur, fer fram sunnudaginn 29. apríl  í félagsheimili T.R. Faxafeni 12.

Taflið hefst kl.14 og stendur til ca. kl. 18. Tefldar verða 7 umferðir eftir Monrad-kerfi með umhugsunartímanum 15 mín. á skák. Teflt verður í einum flokki.
Verðlaun verða veitt fyrir þrjú efstu sætin í mótinu og þar fyrir utan hlýtur sigurvegarinn titilinn Unglingameistari Reykjavíkur 2012, sé hann búsettur í Reykjavík eða félagi í reykvísku taflfélagi.

Einnig verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan titilinn Stúlknameistari Reykjavíkur 2012, sé hún búsett í Reykjavík eða félagi í reykvísku taflfélag. Til viðbótar verða veitt verðlaun fyrir þrjú efstu sætin í aldursflokknum 12 ára og yngri (fædd 1999 og síðar).

Mótið er opið öllum krökkum 15 ára og yngri (fædd 1996 og síðar).

Skráning fer fram á [e-mail] (vinsamlegast gefið upp nafn, fæðingarár, símanúmer, skóla og taflfélag (ef við á)) og einnig er hægt að skrá sig á mótsstað sunnudaginn 29. apríl. frá kl. 13.30- 13.45. Skákmótið hefst kl. 14.

Aðgangur á mótið er ókeypis.

Gísli Geir og Hilmar Logi kjördæmismeistarar Norðurlands vestra

Kjördæmismót á Norðurlandi vestra var haldið, í Höfðaskóla á Skagaströnd, laugardaginn 21. apríl.  Keppendur voru 10, 3 í eldri flokki og 7 í þeim yngri. 

Sigurvegari í eldri flokki varð Gísli Geir Gíslason Húnavallaskóla, eftir bráðabanaskák við Guðmar Magna Óskarsson Húnavallaskóla, en þeir urðu jafnir í mótinu með 3 vinninga af 4. 

Yngri flokkinn vann Hilmar Logi Óskarsson Húnavallaskóla með fullu húsi, 6 vinningum.  Annar varð Halldór Broddi Þorsteinsson Árskóla með 5 vinninga og þriðji Gunnar Ásgrímsson Árskóla með 4. 

Skákstjóri var Jón Arnljótsson.

NM stúlkur 2012 - 4 umferð - Afmælisbarnið í beinni

Fjórða umferð Norðurlandamóts stúlkna er hafin. Afmælisbarnið, Hrund Hauksdóttir, er í beinni útsendingu (bein útsending).

Skákir íslensku stelpnanna í fjórðu umferð:

A-flokkur:
Jóhanna Björg Jóhannsdóttir – Amalie Heiring Lindestrom (Danmörk)
Louise Segerfelt (Svíþjóð) -  Sigríður Björg Helgadóttir

B-flokkur:
Hrund Hauksdóttir – Marte B Kyrkebö (Noregur)
Alise Haukenes (Noregur) – Veronika Steinunn Magnúsdóttir

C-flokkur:
Sóley Lind Pálsdóttir – Elisa Sjöttem Jacobsen (Noregur)
Helene Lorem (Noregur) – Nansý Davíðsdóttir

Davíð Ólafsson

Þröstur og Bragi efstir á Íslandsmótinu í skák

Spennan á Íslandsmótinu í skák eykst jafnt og þétt en níunda umferð fór fram í kvöld.  Þegar aðeins tveimur umferðum er ólokið eru þeir Þröstur Þórhallsson og Bragi Þorfinnsson efstir með 6,5 vinning.  Bragi vann Stefán Kristjánsson nokkuð örugglega en Þröstur gerði jafntefli við Björn, bróður Braga, sem bjargaðri tapaðri stöðu og er þar með reynast bróður sínum vel í toppbaráttunni!

Henrik Danielsen er þriðji með 6 vinninga eftir tap fyrir Degi Arngrímsson sem er fjórði með 5,5 vinning.  Dagur, sem byrjaði illa á mótinu, er kominn í banastuð og hefur fengið 5 vinninga í síðustu sex skákum og hefur fengið 3,5 vinning gegn stórmeisturunum fjórum.   

 

Úrslit 9. umferðar

• Dagur Arngrímsson (4,5) - Henrik Danielsen (6,0) 1-0
• Þröstur Þórhallsson (6,0) - Björn Þorfinnsson (2,5) 0,5-0,5
• Bragi Þorfinnsson (5,5) - Stefán Kristjánsson (4,0) 1-0
• Sigurbjörn Björnsson (3,5) - Davíð Kjartansson (3,5) 0-1
• Guðmundur Kjartansson (3,5) - Einar Hjalti Jensson (3,0) 1-0
• Hannes H. Stefánsson (3,0) - Guðmundur Gíslason (3,0) 1-0

Staðan:

• 1.-2. Þröstur Þórhallsson og Bragi Þorfinnsson 6,5 v.
• 3. Henrik Danielsen 6 v.
• 4. Dagur Arngrímsson 5,5 v.
• 5.-6. Guðmundur Kjartansson og Davíð Kjartansson 4,5 v.
• 7.-8. Stefán Kristjánsson og Hannes Hlífar Stefánsson 4 v.
• 9. Sigurbjörn Björnsson 3,5 v.
• 10.-12. Guðmundur Gíslason, Björn Þorfinnsson og Einar Hjalti Jensson 3 v. 

Í tíundu og næstsíðustu umferð sem fram fer á morgun í Stúkunni á Kópavogsvelli og hefst kl. 16 mætast:

• Þröstur Þórhallsson (6,5) - Sigurbjörn Björnsson (3,5)
• Guðmundur Gíslason (3,0) - Bragi Þorfinnsson (6,5)
• Henrik Danielsen (6,0) - Hannes Hlífar Stefánsson (4,0)
• Einar Hjalti Jensson (3,0) - Dagur Arngrímsson (5,5)
• Davíð Kjartansson (4,5) - Guðmundur Kjartansson (4,5)
• Björn Þorfinsson (3,0) - Stefán Kristjánsson (4,0)

Vefsíður

• Heimasíða mótsins
• Chess-Results
• Beinar útsendingar
• Myndaalbúm mótsins (HJ)

NM stúlkur 2012 - Pistill þriðju umferðar

Þriðja umferð Norðurlandamóts stúlkna var tefld í dag.  Íslensku keppendurnir gátu í mesta lagi náð fjórum vinningum í umferðinni vegna tveggja innbyrðis viðureigna.  Niðurstaðan var þrír vinningar sem verður að teljast ásættanlegt.

A-flokkur:
Erle Andrea Marki Hansen - Jóhanna Björg Jóhannsdóttir  ½-½
Emilie Ellegaard Christensen - Sigríður Björg Helgadóttir  ½-½

Skák Jóhönnu tók frekar stuttan tíma þar sem staðan leystist fljótlega upp og jafntefli var samið.  Jóhanna verður hins vegar að vinna í fyrramálið til að eiga góða möguleika á sigri.

Sigríður átti lengstu skák umferðarinnar.  Hún tefldi byrjunina vel og eftir að hafa unnið peð var hún líklega komin með unnið.  Endataflið var hins vegar ekki eins vel telft og fyrri hluti skákarinnar.  Á tímabili var ég farinn að óttast að hún myndi tapa skákinni.  Sigga fann hins vegar örugga jafnteflisleið og bjargaði sér fyrir horn.  Stelpan þarf klárlega að stúdera endatöfl þegar hún kemur heim.

Eftir þrjár umferðir er Jóhanna ein í þriðja sæti með tvo vinninga, hálfum vinningi á eftir tveimur efstu stúlkum en þær tefla saman á morgun.  Sigríður er í í fjórða til fimmta sæti með einn og hálfan.

B-flokkur:
Veronika Steinunn Magnúsdóttir  - Hrund Hauksdóttir 0-1

Skák Veroniku og Hrundar var mjög lífleg.  Eftir fjöruga byrjun komst Hrund peði yfir í endatafli og landaði loks sigri eftir langa og stranga skák.

Hrund er í mjög góðum málum í þessum flokki og er ein í öðru sæti með tvo og hálfan vinning hálfum vinningi á eftir hinum Kyrkebö tvíburanum (Hrund vann systurina í fyrstu umferð).  Þær mætast á morgun í skák sem gæti reynst vera hrein úrslitaskák.  Veronika er með einn og hálfan vinning í sjötta til níunda sæti.  Eins og Veronika hefur verið að tefla á mótinu þá efast ég ekki um að hún mun síga upp töfluna.

C-flokkur:
Nansý Davíðsdóttir - Sóley Lind Pálsdóttir ½-½

Það er fátt að segja um skákina hjá þeim stöllum í yngsta flokki.  Staðan varð mjög fljótlega jafnteflisleg og sömdu þær vinkonur fljótlega.

Sóley er með tvo vinninga í þriðja til fimmta sæti og Nansý er í sjötta til áttunda með einn og hálfan vinning.  Þær vinkonur eru ákveðnar í að vinna báðar skákirnar á morgun!



Mótið klárast á morgun með tveimur síðustu umferðunum.  Fjórða umferðin er telfd klukkan átta að morgni að íslenskum tíma og fimmta umferðin er tefld klukkan 14:30.

Skákir íslensku stelpnanna í fjórðu umferð:

A-flokkur:
Jóhanna Björg Jóhannsdóttir – Amalie Heiring Lindestrom (Danmörk)
Louise Segerfelt (Svíþjóð) -  Sigríður Björg Helgadóttir

B-flokkur:
Hrund Hauksdóttir – Marte B Kyrkebö (Noregur)Alise Haukenes (Noregur) – Veronika Steinunn Magnúsdóttir

C-flokkur:
Sóley Lind Pálsdóttir – Elisa Sjöttem Jacobsen (Noregur)

Helene Lorem (Noregur) – Nansý Davíðsdóttir

Mótstöflur, skákir og bein útsending:
A-flokkur
B-flokkur
C-flokkur
Bein útsending
Skákir
Umfjöllun skákstjóra (pistlar)

 Davíð Ólafsson

Oliver Aron efstur á Heimsmeistaramóti áhugamanna

Oliver Aron Jóhannesson (1677) heldur áfram ótrúlegri sigurgöngu á Heimsmeistaramóti áhugamanna.  Í dag vann Þjóðverjann Claus Riemann.  Sá sigur var sérstakur í meira lagi því Þjóðverjinn leið út af í miðri skák og voru sjúkrabílar kallaðir til.   Eftir töluvert hlé var svo klukkan sett á Riemann og Oliver vann á tíma.  Oliver er efstur með 7 vinninga en 4 skákmenn hafa 6,5 vinning.  Í lokaumferðinni sem fram fer í fyrramálið mætir Oliver Grikkjanum Haralambos Tsakiris (1956).  

Úrslit Olivers má nálgast hér.  

Mótið er einungis opið fyrir skákmenn með 2000 skákstig eða minna.  Oliver er nr. 82 í stigaröð keppenda.

• Heimasíða mótsins
• Chess-Results

Ingvar Örn skákmeistari Suðurlands

Það voru 22 keppendur sem tóku holla og mannbætandi skákiðkun fram yfir sólarsleikjur og aðra óáran í dag.  Flestir keppendur frá Skákfélagi Selfoss og nágrennis og Eyjapeyjar síðan venju samkvæmt með vaskan hóp valinkunnra skákjöfra.  Borgarbörnin áttu einnig sína fulltrúa sem og einstaka Sunnlendingur héðan og þaðan.  Suðurnesin áttu sinn fulltrúa í Sigurði H. Jónssyni sem alltaf hefur tekið þátt frá því að mótið var endurvakið fyrir fjórum árum.

Fyrirfram mátti búast við því að Þeir feðgar Sverrir og Nökkvi ásamt Páli Leó myndu berjast um sigurinn, einnig var ljóst að á eftir þeim kæmi síðan nokkuð mikill fjöldi skákmanna sem gæti vel blandað sér í toppbaráttuna, sú varð einnig niðurstaðan

Fyrir mót spáðu spakir menn því að mótið myndi vinnast á 5,5 vinningum, sú varð einnig niðurstaðan.

Í fyrstu umferð var meðal annars tvöfaldur öfugur feðgaslagur þar sem feðgarnir Sverrir og Nökkvi mættu þeim feðgum Kjartani og Degi, sá yngri á móti þeim eldri, Eyjapeyjarnir höfðu báðir sigur.  Á sama tíma gerði Páll Leó jafntefli við Grantas og Laugvetningurinn Emil vann góðan sigur á sjómanninum síkáta Þórarni Inga.

Í næstu umferð unnu þeir eyjafeðgar sínar skákir og gerðu síðan jafntefli í innbyrðirs viðureign í 3.umferð.  Emil og Páll Leó unnu einnig örugglega í 2. og 3.umferð þar sem Emil vann góðan sigur á Ingvari Erni sem reyndar átti eftir að láta að sér kveða síðar í mótinu, þetta þýddi að Emil var orðinn einn efstur að loknum þremur umferðum.

Fjórða umferðin var spennandi eins og allar sem þar á eftir komu, Sverri og Emil gerðu jafntefli á meðan Páll Leó vann Nökkva, Jón Trausti stimplaði sig inn i baráttu efstu mann með góðum sigri á Erlingi Jenssyni, hið sama gerði Kjartan Másson með sigri á Úlfhéðni.  Á fimmta borði vann Grantas síðan atskákmeistara SSON Ingimund og Ingvar vann hraðskákmeistara sama félags, Magnús Matt.

Staðan að loknum 4 umferðum:

Name	Rtg	Pts
Sigurðarson Emil	1821	3½
Jónsson Páll Leó	2043	3½
Unnarsson Sverrir	1907	3
Jón Trausti Harðarson	1773	3
Kjartan  Másson	1715	3
Sverrisson Nökkvi	1968	2½
Grantas Grigoranas	1729	2½
Ingvar Örn Birgisson	1767	2½
Sigurður H. Jónsson	1746	2½
Úlfhéðinn Sigurmundsson	1770	2
Erlingur Jensson	1750	2
Erlingur Atli Pálmarsson	1405	2
Dagur Kjartansson	1652	2
Ingimundur Sigurmundsson	1791	1½
Ingibjörg Edda Birgisdóttir	1564	1½
Magnús Matthíasson	1616	1½
Birkir Karl Sigurðsson	1810	1½
Gauti Páll  Jónsson	1410	1
Þórainn Ingi Ólafsson	1621	1
Michael Starosta	0	1
Jakob Alexander Petersen	1185	1
Arnar  Erlingsson	0	0

Í 5.umferð vann Páll Leó Emil og Sverrir vann Jón Trausta á meðan Ingvar hafði góðan sigur á Kjartani og Nökkvi vann Kasparovbanann Grantas.

Sjötta umferðin og sú næstsíðasta, óhætt að segja að taugar hafi verið þandar til hins ítrasta, á efstu þremur borðum unnust sigrar með svörtu mönnunum, Sverrir, Nökkvi og Ingvar Örn unnu Pál Leó, Emil og Sigurð.  Á fjórða og fimmta borði gerðu borgarfeðgar úti um vonir Jóns Trausta og Erlings Atla. Línur farnar að skýrast fyrir síðustu umferð.

Staðan fyrir síðustu umferð:

Rank	Name	Rtg	Pts
1	Unnarsson Sverrir	1907	5
2	Sverrisson Nökkvi	1968	4½
3	Jónsson Páll Leó	2043	4½
4	Ingvar Örn Birgisson	1767	4½
5	Kjartan  Másson	1715	4
6	Dagur Kjartansson	1652	4
7	Sigurðarson Emil	1821	3½
8	Sigurður H. Jónsson	1746	3½
9	Ingimundur Sigurmundsson	1791	3½
10	Jón Trausti Harðarson	1773	3
11	Ingibjörg Edda Birgisdóttir	1564	3
12	Erlingur Atli Pálmarsson	1405	3
13	Michael Starosta	0	3
14	Grantas Grigoranas	1729	2½
15	Birkir Karl Sigurðsson	1810	2½
16	Magnús Matthíasson	1616	2½
17	Erlingur Jensson	1750	2
18	Úlfhéðinn Sigurmundsson	1770	2
19	Þórainn Ingi Ólafsson	1621	2
20	Jakob Alexander Petersen	1185	2
21	Gauti Páll  Jónsson	1410	1½
22	Arnar  Erlingsson	0	0

Í síðustu umferð mættust Sverrir og Ingvar Örn þar sem Ingvar tefldi gríðarlega vel og uppskar öruggan sigur, Páll Leó vann Kjartan og Nökkvi vann Dag, á fjórða borði gerðu Ingimundur og Emil jafntefli.

Því var staðan sú að þrír voru efstir og jafnir með 5,5 vinninga, Nökkvi, Páll Leó og Ingvar Örn.  Hraðskák átti að skera úr um Suðurlandsmeistaratitilinn!

Dregið um töfluröð, tefld skildi tvöföld umferð um titilinn, til að gera langa sögu stutta var það Ingvar Örn sem tefldi hraðskákina af feiknaröryggi, hann vann fyrstu 3 skákirnar, þar með gaf Páll Leó sínar tvær síðustu þannig að Ingvar fékk 4 vinninga, Nökkvi 2 og Páll Leó engan.

Ingvar Örn svo sannarlega verðugur Suðurlandsmeistari, tefldi af ótrúlegri yfirvegun, stáltaugar í bland við mikla skákkunnáttu, banvæn blanda, til hamingju Ingvar Örn!

Heimasíða SSON

Íslandsmótið í skák: Níunda umferð hefst kl. 16 - rafmögnuð spenna

Skemmtilegasta og mest spennandi Íslandsmót í skák í mörg herrans er að ná hámarki.   Í dag kl. 16 hefst níunda og þriðja síðasta umferðin.   Stórmeistararnir Þröstur Þórhallsson og Henrik Danielsen eru efstir og jafnir með 6 vinninga en alþjóðlegi meistarinn Bragi Þorfinnsson fylgir þeim eins og skugginn með 5,5 vinning.   Aðrir hafa ekki raunhæfa möguleika á Íslandsmeistaratitlinum. 

Henrik mætir Degi Arngrímsson í dag, Þröstur mætir Birni Þorfinnssyn og Bragi mætir Stefáni Kristjánssyni. 

9. umferð hefst klukkan 16 í Stúkunni á Kópavogsvelli og þá mætast:

• Dagur Arngrímsson (4,5) - Henrik Danielsen (6,0)
• Þröstur Þórhallsson (6,0) - Björn Þorfinnsson (2,5)
• Bragi Þorfinnsson (5,5) - Stefán Kristjánsson (4,0)
• Sigurbjörn Björnsson (3,5) - Davíð Kjartansson (3,5)
• Guðmundur Kjartansson (3,5) - Einar Hjalti Jensson (3,0)
• Hannes H. Stefánsson (3,0) - Guðmundur Gíslason (3,0)

Vefsíður

• Heimasíða mótsins
• Chess-Results
• Beinar útsendingar
• Myndaalbúm mótsins (HJ)

NM stúlkur - Pistill annarar umferðar

Önnur umferð Norðurlandamóts stúlkna var tefld í morgun.  Íslensku keppendurnir héldu uppteknum hætti og skiluðu aftur fjórum vinningum af sex mögulegum.

A-flokkur:
Jóhanna Björg Jóhannsdóttir – Jessica Bengtsson  ½-½
Sigríður Björg Helgadóttir – Amalia Heiring Lindestrom 1-0

Skák Jóhönnu gegn hinn Jessicu var ágætlega tefld af beggja hálfu en fjlótlega kom upp staða þar sem önnur hvor þeirra varð að taka talsverða áhættu til að tefla til vinnings.  Það voru þær stöllur ekki tilbúnar í og því varð jafntefli niðurstaðan.

Það var allt annað að sjá til Sigríðar í dag en í gær.  Hún var öryggið uppmálað og vann mjög sannfærandi sigur gegn andstæðingi sínum.  Klárlega besta skák íslendinganna í dag.  Sigga ætti að vera komin á beinu brautina núna.


B-flokkur:
Hrund Hauksdóttir – Edit Machlik ½-½
Sif Tylvad Linde – Veronika Steinunn Magnúsdóttir 0-1

Skák Hrundar í dag var á margan hátt mjög góð.  Hrund tefldi afar vel til að byrja með og var með heldur betri stöðu þegar henni varð það á að tapa peði.  Peðstapið þýddi einfaldlega að staðan leystist upp í dautt jafntelfi mislitra biskupa og jafntefli varð því niðurstaðan.

Veronika er að tefla mjög vel á þessu móti.  Hún tefldi langa og þunga skák í dag sem hún vann eftir að hafa komið andstæðingnum í erfiða leppun sem leiddi að lokum til þess að Veronika vann mann.  Góður sigur hjá Veroniku í lengstu skák umferðarinnar.




C-flokkur:
Elisa Sjöttem Jacobsen – Nansý Davíðsdóttir 1-0
Sóley Lind Pálsdóttir – Linnea Holmboe Bårregård 1-0

Nansý tefldi við hina norsku Elisu sem kann greinilega mikið fyrir sér í skák.  Nansý fékk þrengri og erfiðari stöðu eftir byrjunina.  Að lokum fór svo að andstæðingur hennar kom drottningu Nansýar í vandræði sem leiddi til þess að Nansý varð að gefa drottninguna fyrir hrók.  Úrvinnslan vafðist ekkert fyrir þeirri norsku og tap því staðreynd.

Sóley var klárlega mætt til leiks í morgun.  Minnug gærkvöldsins þá var hún ekkert að sýna andstæðingnum of mikla virðingu og réðst á hana með látum og uppskar góðan sigur.  Sóley er til alls líkleg í þessu móti.

Þriðja umferðin er hefst klukkan 14:30 að íslenskum tíma.  Því miður tefla okkar stelpur saman í tveimur viðureignum þannig að hámarksfjöldi vinninga í þriðju umferð eru aðeins fjórir vinningar. 

Skákir íslensku stelpnanna í þriðju umferð:

A-flokkur:
Erle Andrea Marki Hansen (Noregur) - Jóhanna Björg Jóhannsdóttir
Emilie Ellegaard Christensen (Noregur) - Sigríður Björg Helgadóttir

B-flokkur:
Veronika Steinunn Magnúsdóttir  - Hrund Hauksdóttir

C-flokkur:

Nansý Davíðsdóttir - Sóley Lind Pálsdóttir Mótstöflur, skákir og bein útsending:
A-flokkur
B-flokkur
C-flokkur
Bein útsending
Skákir
Umfjöllun skákstjóra (pistlar)

Davíð Ólafsson