Henrik með tvö jafntefli í dag

Stórmeistarinn Henrik Danielsen (2542) gerði tvö jafntefli í 4. og 5. umferð alþjóðlegs móts í Vizag í Indlandi sem fram fóru í dag.  Annars vegar við FIDE-meistarann Ahmed Minhazuddin (2388) frá Bangladesh og hins vegar við indverska alþjóðlega meistarann D P Singh (2329).  Henrik hefur 3,5 vinning og er í 26.-57. sæti.  

Í sjöttu umferð, sem fram fer á morgun, teflir Henrik við Indverjann Krishnan Ram (2344).   Skákin hefst kl. 9 og er sýnd beint. 

Rússneski stórmeistarinn Evgeny Gleizerov (2566) er efstur með fullt hús.

236 skákmenn taka þátt í mótinu og þar af eru 14 stórmeistarar.  Henrik er sjöundi í stigaröð keppenda.

• Heimasíða mótsins
• Chess-Results
• Beinar útsendingar

TORG-skákmót Fjölnis verður í Hlöðunni Gufunesbæ í dag

Skákdeild Fjölnis stendur fyrir sínu árlega TORG-skákmóti laugardaginn 26. nóvember frá kl. 11.00 -13:00.

Tefldar verða sex umferðir og umhugsunartíminn er sjö mínútur. Allir grunnskólanemendur landsins eiga þátttökurétt á mótinu.

Fjöldi verðlauna og skemmtilegt fyrirkomulag hefur gert þetta skákmót mjög vinsælt og hafa jafnt bestu skákkrakkar landsins sem yngstu byrjendur sóst eftir því að vera með. Mótið fer fram á nýjum stað í Grafarvogi sem er Hlaðan við Gufunesbæ rétt við Skemmtigarðinn í Grafarvogi. Þar er frábær aðstaða fyrir taflmót. Fyrirtækin í verslunarmiðstöðinni Torginu í Foldahverfi gefa öll verðlaun á mótið en auk þess mun ÍTR gefa vinninga sem eru sundkort og gjafakort í Fjölskyldu-og húsdýragarðinn í Laugardal. Líkt og í fyrra verða verðlaunin um eða yfir 30 talsins. NETTÓ - Hverafold gefur þrjá glæsilega eignabikara til mótsins auk þess sem NETTÓ býður öllum þátttakendum upp á ókeypis veitingar í skákhléi.

Skráning á staðnum og væntir Skákdeild Fjölnis þess að sjá alla okkar fremstu skákkrakka í Hlöðunni við Gufunesbæ.

Hjörvar efstur á Íslandsmótinu í atskák

Alþjóðlegi meistarinn Hjörvar Steinn Grétarsson (2452) er efstur með fullt hús að loknum þremur umferðum á Íslandsmótinu í atskák sem nú er í fullum gangi.  Einar Hjalti Jensson (2236) og Björn Þorfinnsson (2402) eru næstir með 2,5 vinning en fjórir efstu menn ávinna sér rétt til að keppa í úrslitakeppni.  Mótinu verður framhaldið á morgun með umferðum 4-7.   

Aðeins 17 keppendur taka þátt í mótinu.

Úrslit, stöðu og pörun 4. umferðar má finna á Chess-Results.

Tal Memorial: Carlsen og Aronian urðu efstir og jafnir

Magnus Carlsen (2826) og Levon Aronian (2802) urðu eftir og jafnir með 5,5 vinning á Tal Memorial sem lauk í Moskvu í dag.  Carlsen vann Nakamura (2753) í lokaumferðinni og Svidler (2755) lagði Kramnik (2800) en öðrum skákum lauk með jafntefli.  Þar með náði Carlsen Aronian að vinningi og hafði betur eftir stigaútreikning.  Anand gerði jafntefli í öllum sínum 9 skákum.

Lokastaðan:

• 1.-2. Carlsen (2826) og Aronian (2802) 5½ v.
• 3.-5. Karjakin (2763), Nepo (2730), og Ivanchuk (2775) 5 v.
• 6.-7. Svidler (2755) og Anand (2817) 4½ v.
• 8.-9. Gelfand (2746) og Kramnik (2800) 3½ v.
• 10. Nakamura (2753) 3 v.

Meðalstigin voru 2776 skákstig og telst það sterkasta skákmót ársins. 

• Heimasíða mótsins
• Beinar útsendingar - (hefjast kl. 11 nema lokaumferðin kl. 9)
• Vefútsending - frábær myndgæði
• ChessBomb (skákskýringar/tölvuskýringar)

Atskákmót Icelandair fer fram í Hótel Natura 10.-11. desember

Þá styttist enn frekar í Atskákmót Icelandair en nú er bara tæp vika þar til að skráningarfrestur rennur út  en skráningu lýkur aðfaranótt laugardagsins 3. desember en glæsileg verðlaun eru í boði.

Verðlaun:*

Sveitakeppni:

1.        Sæti   4 x farmiðar fyrir tvo til Evrópu með Icelandair  ásamt aðgöngupassa í Saga Lounge

2.        Sæti   4 x gjafabréf fyrir tvo í Brunch eða hádegishlaðborð  á VOX

3.        Sæti   4 x gjafabréf fyrir tvo í High Tea á VOX

Borðaverðlaun.

Borðaverðlaunin eru farmiðar innanlands fyrir tvo í boði Flugfélags Íslands   og Vildarklúbbs Icelandair og gisting í  2 nætur fyrir tvo á Icelandair Hótelum  ásamt morgunverðarhlaðborði. Hægt verður að velja um gistingu á Hótel Akureyri eða á Hótel Héraði.

Óvæntasti sigurinn

Sá aðili sem vinnur óvæntasta sigurinn mun fá gjafabréf á veitingastaðnum Satt sem gildir fyrir tvo. Miðað er við stigamun.

Útdráttarverðlaun.

Einnig eru glæsileg útdráttarverðlaun en þau eru hvorki meira né minna en farmiðar fyrir tvo til Evrópu með Icelandair  ásamt aðgöngupassa í Saga Lounge.

* ATH. Sami aðili getur ekki unnið til fleiri  en einna verðlauna, ef slíkt kemur upp mun viðkomandi aðili velja hvaða  vinning hann vill, útfærist nánar á skákstað! Skattar eru ekki innifaldir í flugmiðum.

Það eru margir sterkir skákmenn búnir að skrá sig m.a. stórmeistararnir Helgi Ólafsson og Stefán Kristjánsson. Auk þeirra eru fjórir alþjóðlegir meistarar og tíu Fide meistarar búnir að skrá sig.

Sterkasta sveitin sem er búin að skrá sig er sveitin Hösmagi undir forustu Helga Ólafssonar en hún hefur hvorki fleiri né færri  en 8.489. stig en hámarkið er 8.500 stig.
Meðalstigafjöldi sveitanna utan við varamenn er 8.340 stig en meðalstigafjöldi skákmannanna á fyrstu fjórum borðunum er 2.085 stig.

Það eru komnar 12 sveitir en eins og áður segir er lágmarks þátttökufjöldi 14 sveitir og hámarksfjöldi er 26 sveitir.

Ef menn eru að reyna að koma saman liði er tilvalið að auglýsa sig eða eftir öðrum á Facebook http://www.facebook.com/#!/event.php?eid=294842353859976

Skráning fer fram hér  https://docs.google.com/spreadsheet/viewform?formkey=dDBONWduX1A4RURmdjRDTnFaTWdzOXc6MQ og má sjá skráðar sveitir hér. https://docs.google.com/spreadsheet/ccc?key=0AsfeK_D4TfaCdDBONWduX1A4RURmdjRDTnFaTWdzOXc#gid=0

Nánari upplýsingar má sjá hér.   http://skak.blog.is/blog/skak/entry/1204969/

Henrik með jafntefli í þriðju umferð

Stórmeistarinn Henrik Danielsen (2542) gerði stutt jafntefli við Indverjann Kanna Nuviv (2377) í 3. umferð alþjóðlegs móts í Vizag í Indlandi sem fram fór í morgun.  Henrik hefur 2½ vinning og er í 14.-39. sæti.  

Tvær skákir eru tefldar á morgun.  Sú fyrri hefst kl. 4:30 í nótt og sú síðari kl. 11.  Í fyrri skákinni teflir hann við FIDE-meistarann Ahmed Minhazuddin (2388) frá Bangladesh.  

Skákir Henriks verða væntanlegar báðar sýndar beint.

236 skákmenn taka þátt í mótinu og þar af eru 14 stórmeistarar.  Henrik er sjöundi í stigaröð keppenda.

• Heimasíða mótsins
• Chess-Results
• Beinar útsendingar

Þorvarður og Jóhann efstir á Skákþingi Garðabæjar

Þorvarður F. Ólafsson (2174) og Jóhann H. Ragnarsson (2068) eru efstir og jafnir með 4 vinninga að lokinni 5. umferð Skákþings Garðabæjar sem fram fór í gærkveldi.  Þorvarður vann Jóhann.  Örn Leó Jóhannsson (1931) og Páll Andrason (1695) eru í 3.-4. sæti með 3½ vinning.  Örn vann Pál Sigurðsson (2008) en Páll Andrason vann Inga Tandra Traustason (1844). 

Sjötta og næstsíðasta umferð fer fram nk. fimmtudagskvöld.  Þá mætast m.a.: Örn Leó - Þorvarður og Jóhann - Páll A.

Gauti Páll Jónsson (1337) og Hilmir Freyr Heimisson (1322) urðu efstir og jafnir í b-flokki með 4,5 vinning í 5 skákum.

• Heimasíða TG
• Chess-Results

Feðgar efstir á Haustmóti TV

Á miðvikudag var tefld lokaumferðin í Haustmóti TV. Óvæntustu úrslit mótsins komu í þessari umferð, þegar formaðurinn, Karl Gauti Hjaltason, lagði Nökkva Sverrisson í snarpri skák. Stefán Gíslason vann Kristófer Gautason eftir að hafa unnið peð í miðtaflinu og unnið síðan örugglega á því í endatafli. Daði Stein Jónsson sigraði síðan Hafdísi Magnúsdóttur. Skák Kristófers og Nökkva er enn ólokið og ekki er ljóst hvenær hún getur farið fram.

Feðgarnir Nökkvi og Sverrir eru efstir og jafnir en Nökkvi á skák til góða á pabba sinn.

Úrslit 7. umferðar:

Kristófer - Stefán 0-1
Nökkvi - Karl Gauti 0-1
Daði Steinn - Hafdís 1-0

 Staðan þegar einni skák er ólokið:

1. Nökkvi Sverrisson 4 vinn (1 skák ólokið)
2. Sverrir Unnarsson 4 vinn
3. Karl Gauti Hjaltason 3,5 vinn
4. Daði Steinn Jónsson 3 vinn (7,75 SB)
5. Stefán Gíslason 3 vinn (7,25 SB)
6. Kristófer Gautason 2,5 vinn (1 skák ólokið)
7. Hafdís Magnúsdótttir 0 vinn

• Heimasíða TV
• Chess-Results

 

Vetrarmót öðlinga: Pörun fimmtu umferðar

Pörun í fimmtu umferð Vetrarmóts öðlinga, sem fram fer á miðvikudagskvöld, liggur nú fyrir.  Pörunina má nálgast á Chess-Results.

• Heimasíða mótsins
• Chess-Results
• Myndaalbúm (GB)

Íslandsmótið í atskák hefst í kvöld

Íslandsmót í atskák 2011 fer fram dagana 25. - 27. nóvember nk.  í húsnæði Taflfélags Reykjavíkur Faxafeni 12.

Öllum er heimil þátttaka!

Fyrirkomulag:  Tefldar 7 skákir eftir svissneska kerfinu á laugardag og sunnudag.  Fjórir efstu komast í úrslitakeppni (séu menn jafnir gilda Buchols-stig).  Í úrslitakeppni mætast 1-4 og 2-3.

Dagskrá mótsins:

• Föstudagur 25. nóvember                  kl. 20.00          1. umferð
•        „                                                  kl. 21.00          2. umferð
•        „                                                  kl. 22.00          3. umferð
• Laugardagur 26. nóvember                kl. 14.00          4. umferð
•        „                                                  kl. 15.00          5. umferð
•        „                                                  kl. 16.00          6. umferð
•        „                                                  kl. 17.00          7. umferð

 

Sunnudagur 27. nóvember (aðeins fjórir keppendur)   kl. 14.00          Úrslitakeppni (SÍ salur)

Úrslitaeinvígið gæti farið fram síðar.  

 

Verðlaun:       

1. verðlaun      kr. 100.000.-

 

Þátttökugjöld:           

kr. 2.000.- fyrir fullorðna

kr. 1.000.- fyrir 15 ára og yngri.

 

Skráning fer fram á Skák.is.  Skráningarfrestur er til kl. 19:30 á föstudag. Upplýsingar um skráða keppendur má nálgast hér.