Skák.is

Bloggfærslur mánaðarins, júlí 2010

23.7.2010 | 18:14

Pono eykur forystuna í Dortmund

Ponomariov (2734) jók forystuna í einn vinning á Dortmund Sparkassen-mótsins með sigri á Naiditsch (2684) í áttundu umferð sem fram fór í dag. Í 2.-3. sæti eru Mamedyarov (2761) og Le Quang Liem (2681).

Úrslit 8. umferðar):

Leko – Kramnik ½-½
Ponomariov – Naiditsch 1-0
Le – Mamedyarov ½-½

Staðan:

1. Ponomariov (2734) 5½ v.
2.-3. Le Quang Liem (2681) og Mamedyarov (2761) 4½ v.
4. Kramnik (2790) v.
5. Naiditsch (2684) 3 v.
6. Leko (2734) 2½ v.

Tefld er tvöföld umferð. Meðalstig eru 2731 skákstig og er mótið í 20. styrkleikaflokki.

Heimasíða mótsins
Skákirnar í beinni (15 mínútna seinkun - útsending hefst kl. 13:15 hvern dag)

Spil og leikir | Slóð | Facebook | Athugasemdir (0)

22.7.2010 | 20:59

Keppendaskrá SÍ tilbúin

Keppendaskrá SÍ er tilbúin og er aðgengileg á heimasíðu SÍ. Upplýsingar á henni er byggðar á félagaskrám félaganna sem sendar voru til SÍ fyrir síðusta Íslandsmót skákfélaga ásamt leiðréttingum.

Samkvæmt reglugerð voru allir erlendir skákmenn sem ekki höfðu teflt með sínum félögum sl. 3 ár á Íslandsmóti skákfélaga ekki settir í Keppendaskránna og þarf endurnýjað umboð frá viðkomandi til að svo sé gert.

Allar upplýsingar um keppendaskránna, skránna sjálfa (sem m.a. er hægt að niðurhala í Excel), félagaskiptaeyðublöð (sem framvegis á nota við við félagaskipti), upplýsingar fyrir erlenda skákmenn og reglugerðina má finna á heimasíðu SÍ.

Ávallt verður leitað samþykkis viðkomandi skákmanns áður en hann er færður inn á keppendaskránna.

Stjórn SÍ leggur áherslu á að félögin fari yfir keppendaskránna og athugi hvort nafn allra sinna félagsmanna séu þar því skráin mun ráða úrslitum um hvort menn teljist löglegir með sínu félagi á næsta Íslandsmóti skákfélaga. Einnig eru skákmenn hvattir til að athuga eigin skráningu. Upplýsingar um leiðréttingar og ábendingar skal senda á netfangið keppendaskra@skaksamband.is.

Heimasíða SÍ

Spil og leikir | Breytt s.d. kl. 22:09 | Slóð | Facebook | Athugasemdir (0)

22.7.2010 | 20:30

Henrik gerði jafntefli við Sammalvuo - efstur ásamt Jones

Stórmeistarinn Henrik Danielsen (2512) gerði jafntefli við finnska alþjóðlega meistarann Tapani Sammalvuo (2481) í fjórðu umferð minningarmótsins um Heini Olsen sem fram fór í Klaksvík í Færeyjum í dag. Henrik er efstur ásamt enska stórmeistaranum enska stórmeistaranum Gawain Jones (2568) með 3 vinninga. Á morgun teflir Henrik við færeyska skákmanninn Carl Eli Nolsöe Samuelsen (2278).

Á Klaksvík Open, sem er opinn flokkur, sem tefldur er samhliða tapaði Róbert Lagerman (2282) fyrir skákkonunni Fiona Seil-Antoni (2193) frá Lúxemborg og er í skiptu þriðja sæti. Stefanía R. Ragnarsdóttir, Þorbjörg Sigfúsdóttir og Saga Kjartansdóttir eru efstar Óskanna með 2 vinninga.

Á minningarmótinu tefla 10 skákmenn og eru meðalstig 2389 skákstig. Henrik er næststigahæstur keppenda en stigahæstur er enski stórmeistarinn Gawain Jones (2568). Róbert er næststigahæstur í Klaksvík Open en auk hans tefla þar átta stúlkur frá Ó.S.K.

Spil og leikir | Breytt s.d. kl. 20:36 | Slóð | Facebook | Athugasemdir (0)

22.7.2010 | 20:17

Pono efstur í Dortmund

Ponomariov (2734) er sem fyrr efstur í Dortmund-Sparkassen-mótsins en hann gerði jafntefli við Kramnik (2790) í sjöundu umferð Dortmund Sparkassen-mótsins sem fram fór í dag. Mamedyarov (2761) var eini sigurvegari dagsins en hann vann Leko (2734). Mamedyarov og Le Quang Liem (2681) eru í 2.-3. sæti hálfum vinningi á eftir Pono.

Úrslit 7 . umferðar:

Mamedyarov – Leko 1-0
Naiditsch – Le ½-½
Kramnik – Ponomariov ½-½

Staðan:

1. Ponomariov (2734) 4½ v.
2.-3. Le Quang Liem (2681) og Mamedyarov (2761) 4 v.
4. Kramnik (2790) 3½ v.
5. Naiditsch (2684) 3 v.
6. Leko (2734) 2 v.

Tefld er tvöföld umferð. Meðalstig eru 2731 skákstig og er mótið í 20. styrkleikaflokki.

Heimasíða mótsins
Skákirnar í beinni (15 mínútna seinkun - útsending hefst kl. 13:15 hvern dag)

Spil og leikir | Breytt s.d. kl. 20:38 | Slóð | Facebook | Athugasemdir (0)

22.7.2010 | 12:13

Sumarskákmót Riddarans - skákin lengir lífið, bætir og kætir

Þrátt fyrir sól og sumar er ekkert lát á taflmennsku eldri skákmanna á höfuðborgarasvæðinu hjá RIDDURUNUM í Vonarhöfn að Strandbergi, félagsheimili Hafnarfjarðarkirkju. Reglulega er teflt þar á miðvikudögum kl. 13-17, 11 umferðir, "hvatskákir" með 10 mínútna umhugsunartíma.

Á mótinu 14. júlí sigraði Ingimar Halldórsson, Sigurður Herlufsen varð annar og Sigfús Jónsson þriðji. Á mótinu 21. júlí sigruðu Gunnar Gunnarsson auk Ingimars en Sigurður og Guðfinnur R. Kjartansson urðu í 3.-4. sæti.

Úrslit sl. tveggja móta með þátttöku vel á þriðja tug öldunga, sem segja sína sögu um spennuþrungnar kappskákir í anda gömlu meistaranna og að lengi lifir í gömlum glæðum, enda þótt sumir séu komnir fast að níræðu, flestir þó á áttræðisaldri og sumir nýorðnir að löggildum gamalmennum. Menn sækja í skákina, sem örvar hugsunina og bætir sálarlífið í kreppunni.

Í meðfylgjandi myndaalbúmi frá Einari S. Einarssyni má finna myndir frá mótunum og lokastöðu mótanna.

Spil og leikir | Breytt s.d. kl. 21:33 | Slóð | Facebook | Athugasemdir (0)

21.7.2010 | 22:26

Henrik efstur í Klaksvík

Stórmeistarinn Henrik Danielsen (2512) vann Færeyinginn Rögva Egilstoft Nielsen (2062) í 3. umferð minningarmótsins um Heini Olsen sem fram fór í Klaksvík í dag. Henrik er efstur með 2½ vinning. Í 2.-3. sæti með 2 vinninga eru stórmeistararnir Gawain Jones (2568), Englandi, Miroslaw Grabarczyk (2466), Póllandi.

Á Klaksvík Open, sem er opinn flokkur, sem tefldur er samhliða er Róbert Lagerman (2282) efstur ásamt tveimur öðrum keppendum með fullt hús.

Stefanía R. Ragnarsdóttir er efst Ó.S.K.-anna með 2 vinninga, Saga Kjartansdóttir, Ásrún Bjarnadóttir, Guðný Erla Guðnadóttir, Þorbjörg Sigfúsdóttir hafa 1 vinning en aðrar minna.

Spil og leikir | Breytt s.d. kl. 22:31 | Slóð | Facebook | Athugasemdir (0)

21.7.2010 | 22:18

Ponomariov efstur í Dortmund

Ponomariov (2734) er efstur með 4 vinninga að lokinni sjöttu umferð Dortmund Sparkasen-mótsins sem fram fór í dag. Nadditsch (2684) vann Mamedyarov (2761) en öðrum skákum lauk með jafntefli. Víetnaminn Le Quang Liem (2681) er annar með 3½ vinning.

Úrslit 6 . umferðar:

Leko – Ponomariov ½-½
Le – Kramnik ½-½
Mamedyarov – Naiditsch 0-1

Staðan:

1. Ponomariov (2734) 4 v.

2. Le Quang Liem (2681) 3½ v.
3.-4. Kramnik (2790) og Mamedyarov (2761) 3 v.
5. Naiditsch (2684) 2½ v.
6. Leko (2734) 2 v.

Tefld er tvöföld umferð. Meðalstig eru 2731 skákstig og er mótið í 20. styrkleikaflokki.

Heimasíða mótsins
Skákirnar í beinni (15 mínútna seinkun - útsending hefst kl. 13:15 hvern dag)

Spil og leikir | Slóð | Facebook | Athugasemdir (0)

21.7.2010 | 13:13

Henrik með stutt jafntefli gegn Ziska

Stórmeistarinn Henrik Danielsen (2512) gerði stutt jafntefli við sterkasta skákmann Færeyja, alþjóðlega meistarann Helga Dam Ziska (2426) í 2. umferð minningarmóti um Heini Olsen sem fram fór í Klaksvík í morgun. Henrik hefur 1½ vinning og er efstur ásamt þremur öðrum.

Þriðja umferð, fer einnig fram í dag. Þá teflir Henrik við stigalægsta keppanda mótsins, Færeyinginn Rögva Egilstoft Nielsen (2062).

Rétt er að benda á skák Henrik frá fyrstu umferð en um hana er fjallað á Skákhorninu.

Efstir ásamt Henrik eru stórmeistararnir Gawain Jones (2568), Englandi, Miroslaw Grabarczyk (2466), Póllandi, og áðurnefndur Rögvi.

Á Klaksvík Open, sem er opinn flokkur, sem tefldur er samhliða sigraði Róbert Lagerman færeysku skákkonuna Herborgu Hansen (1868) og er efstur ásamt 4 öðrum skákmönnum.

ÓSK-irnar átta tefldu allar innbyrðis og höfðu Saga Kjartansdóttir, Guðný Erla Guðnadóttir, Þorbjörg Sigfúsdóttir og Stefanía R. Ragnarsdóttir allar sigur á stallsystrum sínum.

Spil og leikir | Breytt s.d. kl. 13:36 | Slóð | Facebook | Athugasemdir (0)

20.7.2010 | 19:39

Henrik byrjar vel á minningarmóti Heini Olsen

Stórmeistarinn Henrik Danielsen (2512) byrjar vel á minningarmótinu um Heini Olsen sem hófst í Klaksvík í Færeyjum í dag. Í fyrstu umferð sigraði hann danska alþjóðlega meistarann Simon Bekker-Jesen (2425). Í 2. umferð, sem fram í fyrramálið teflir Henrik við sterkasta skákmann Færeyja, alþjóðlega meistarann Helga Dam Ziska (2426) en tvær umferðir eru tefldar á morgun.

Samhliða minningarmótinu fer fram Klaksvík Open. Þar tefla 18 skákmenn og þar af 9 íslenskir! Róbert Lagerman (2282) er þar næststigahæstur keppenda en auk hans tefla þar 8 stúlkur úr Ó.S.K. Róbert vann Ásrúnu Bjarnadóttur en allar ÓSK-irnar töpuðu í dag.

Spil og leikir | Breytt 21.7.2010 kl. 09:07 | Slóð | Facebook | Athugasemdir (0)

20.7.2010 | 11:15

Frábært afmælismót - og Þorvarður vann

Tuttugu og sex þátttakendur skráðu sig til leiks í sólarblíðunni við Hverfisgötuna í gær, mánudag, þegar skákmót var haldið til heiðurs afmælisbarni mánaðarins, Magnúsi Matthíassyni, fráfarandi varaforseta.

Næst fjölmennasta mót í sögu skákfélags Vinjar, sem haldið er í Vin var staðreynd og var líflegt við borðin, enda teflt bæði inni og úti.

Eftir að Vinjarliðið hafði fært Magnúsi afmælisgjöf og þakkað honum samstarf og hlýjan hug til félagsins, og afmælisbarnið sagt nokkur orð, fór Hrannar Jónsson, fyrirliði, yfir skákreglur og dró í fyrstu umferð. Gunnar Björnsson, forsetinn sjálfur, sagði nokkur orð, falleg orð um fráfarandi varaforsetann og setti mótið formlega. Lék svo fyrsta leik í viðureign Magnúsar við Einar Valdimarsson.

Bornar voru fram suðrænar veitingar eftir þriðju umferð af sex, sem tefldar voru eftir Monradkerfi og var umhugsunartími 7 mínútur á mann. Eftir bráðskemmtilegt mót stóð annað afmælisbarn mánaðarins, Þorvarður Fannar Ólafsson uppi sem öruggur sigurvegari með fullt hús. Hann sigraði einnig seinast er hann kíkti í Vin og virðist kunna vel við sig í hundraðogeinum.

Þess ber að geta að Björn Þorfinnsson kom inn eftir tvær umferðir og Jón Gauti þurfti að hætta í miðju móti, sem og Guðný Erla sem dreif sig beint til Færeyja á annað skákmót. Þess ber einnig að geta að Magnús stefndi að sjálfsögðu á pall en lenti í hákörlum sem sýndu pilti litla virðingu á deginum hans.

Myndaalbúm mótsins

Úrslit: