Eljanov sigraði á FIDE Grand-mótinu í Astrakhan

Úkraínski stórmeistarinn Pavel Eljanov (2751) sigraði á FIDE Grand Prix-mótinu sem lauk í Astrakhan í Rússlandi í dag.  Eljanov hlaut 8 vinninga í 13 skákum og var vinningi fyrir ofan næstu menn.

Í 2.-6. sæti urðu Ruslan Ponomariov (2733), Úkraínu, Dmitry Jakovenko (2725) og Evgeny Alekseev (2700), Rússlandi, og Aserarnir Shakhriyar Mamedyarov (2763) og Teimor Radjabov (2740).  

Þetta var loka Grand Prix-mótið í þessari 6 móta lotu.  Aronain og Radjabov áunnu sér rétt til tefla í áskorendakeppni sem mjög líklega fer fram í London 2012 þar sem teflt er um réttinn til að mæta Anand í heimsmeistaraeinvígi.

Auk Arioian og Radjabov hafa eftirtaldir áunnið sér rétt: Gelfand, Topalov, Kamsky, Carlsen og Kramnik.  Auk þess fá mótshaldarar eitt sæti og því er enskur skákmaður líklegur sem áttundi keppandinn.

Lokastaðan:

Rank	Name	Rtg	FED	Pts
1	Eljanov Pavel	2751	UKR	8
2	Ponomariov Ruslan	2733	UKR	7
3	Jakovenko Dmitry	2725	RUS	7
4	Mamedyarov Shakhriyar	2763	AZE	7
5	Alekseev Evgeny	2700	RUS	7
6	Radjabov Teimour	2740	AZE	7
7	Leko Peter	2735	HUN	6,5
8	Gashimov Vugar	2734	AZE	6,5
	Wang Yue	2752	CHN	6,5
10	Gelfand Boris	2741	ISR	6
11	Svidler Peter	2735	RUS	6
12	Ivanchuk Vassily	2741	UKR	5,5
13	Inarkiev Ernesto	2669	RUS	5,5
14	Akopian Vladimir	2694	ARM	5,5

• Heimasíða mótsins
• Beinar útsendingar (hefjast kl. 12)

 

 

Sverrir með jafntefli við stórmeistara

Sverrir Þorgeirsson (2218) gerði jafntefli við stórmeistarann Manuel Rivas Pastor (2536) í 3. umferð  35. minningarmótsins um Paul Keres sem nú er í gangi í Vancouver í Kanada.  Í 4. umferð tapaði hins vegar Sverrir fyrir Katerina Rohonyan (2329) sem er stórmeistari kvenna.  Sverrir hefur 2½ vinning og er í 7.-14. sæti.  Mótinu lýkur með tveimur umferðum í dag.  

Alls tefla 33 skákmenn í efsta flokki og þar á meðal einn stórmeistari, einn alþjóðlegur meistari og einn stórmeistari kvenna.  Sverrir er áttundi stigahæsti keppandinn.

Heimasíða mótsins

Sverrir byrjar vel í Vancouver

Sverrir Þorgeirsson (2218) byrjar ákaflega vel á 35. minningarmótinu um Paul Keres sem nú er í gangi í Vancouver í Kanada.  Að loknum tveimur umferðum hefur Sverrir fullt hús og hefur m.a. sigrað stigahæsta keppendann, alþjóðlega meistarann, Georgi Orlov (2516) en í fyrstu umferð vann Sverrir stigalágan andstæðing.  Sverrir er efstur ásamt þremur öðrum.

Alls tefla 33 skákmenn í efsta flokki og þar á meðal einn stórmeistari, einn alþjóðlegur meistari og einn stórmeistari kvenna.  Sverrir er áttundi stigahæsti keppandinn.

Heimasíða mótsins

Skákþáttur Morgunblaðsins: Anand vann úrslitaskákina og er verðugur heimsmeistari

Þrátt yfir ýmsar hrakspár og viðvaranir, m.a. vegna þess að hann lét sig hafa það að tefla á heimavelli andstæðings, tókst heimsmeistaranum Wisvanathan Anand að leggja Venselin Topalov að velli, 6 ½ : 5 ½. Hann vann tólftu og síðustu skákina með svörtu eftir æsispennandi viðureign sem var sjónvarpað beint í Indlandi og Búlgaríu. Topalov virtist vera að bæta sig á lokakafla einvígisins en í úrslitaskákinni ætlaði hann sér um of. Hann var með hvítt og gat sennilega fengið jafntefli snemma tafls, hafnaði því en tók stuttu síðar þá furðulega áhættu að opna upp á gátt fyrir sameinaða atlögu biskups og drottningar Anands eftir hornalínunni h1-a8. Honum tókst aldrei að koma skipulagi á varnir sínar eftir það og mátti játa sig sigraðan eftir 56 leiki.

Menn eru almennt sammála um að einvígið hafi verið vel teflt og spennandi. Hver einasta skák var tefld í botn og ber ekki síst að þakka það hinum annálaða baráttukrafti Topalovs.

Ef litið er til skáksögunnar má hiklaust telja viðureign þeirra meðal fimm mögnuðustu heimsmeistaraeinvígjanna í flokki með Tal og Botvinnik í Moskvu 1960, Fischer og Spasskí í Reykjavík 1972, Karpov og Kortsnoj í Baguio 1978 og Kasparov og Karpov í New York og Lyon 1990 -´91. Kannski mætti fjölga skákum í slíku einvígi en tímarnir eru breyttir. Það er þó athyglisvert að aðeins einu sinni hefur sigurvegari heimsmeistaraeinvígis verið undir eftir 12 skákir allt frá því að Steinitz og Zukertort tefldu fyrst um titilinn árið 1886.

Anands beið snúin prófraun þegar hann gekk til tafls sl. þriðjudag. Val á byrjun undir þessum kringumstæðum er eins og hvert annað lotterí og hann kaus að fara leið sem Emanuel Lasker, heimsmeistari 1896-1921, beitti stundum og hefst með leiknum 7. ... Re4. Síðar lumaði hann á tiltölulega nýjum snúningi, 16. ... Rf6.

Sofia 2010; 12. einvígisskák:

Venselin Topalov - Wisvanathan Anand

Drottningarbragð

1. d4 d5 2. c4 e6 3. Rf3 Rf6 4. Rc3 Be7 5. Bg5 h6 6. Bh4 0-0 7. e3 Re4 8. Bxe7 Dxe7 9. Hc1 c6 10. Be2 Rxc3 11. Hxc3 dxc4 12. Bxc4 Rd7 13. 0-0 b6 14. Bd3 c5 15. Be4 Hb8 16. Dc2 Rf6 17. dxc5 Rxe4 18. Dxe4 bxc5 19. Dc2 Bb7 20. Rd2 Hfd8 21. f3 Ba6 22. Hf2 Hd7 23. g3 Hbd8 24. Kg2 Bd3 25. Dc1 Ba6 26. Ha3 Bb7 27. Rb3

Topalov vill ekki þrátefla

27. ... Hc7 28. Ra5 Ba8 29. Rc4 e5 30. e4 f5 31. exf5??

Ótrúleg fífldirfska miðað við hvað mikið var undir. Hvítur heldur jafnvæginu með 27. Rd2.

27. ...e4! 32. fxe4 Dxe4+ 33. Kh3 Hd4 34. Re3 De8! 35. g4 h5 36. h4 g5+ 37. fxg6

Hann gat einnig reynt 37. Kxg5 en svartur vinnur með 37. ... Hg7+ 38. Kh4 hxg4 sem hótar m.a. 39. .... g3+.

37. ... Dxg6 38. Df1 Hxg4+ 39. Kh3 He7

Hótar 40. ... Hxe3+! 41. Hxe3 Hh4+! 42. Kxh4 Dg4 mát.

( Sjá stöðumynd)

40. Hf8+ Kg7 41. Rf5+ Kh7 42. Hg3 Hxg3+ 43. hxg3 Dg4+ 44. Kh2 He2+ 45. Kg1 Hg2+ 46. Dxg2 Bxg2 47. Kxg2

Þetta er alveg vonlaust en hinn kosturinn var tapað peðsendatafl: 47. Hf7+ Kg6 48. Hg7+ Kxf5 49. Hxg4 hxg4! 49. Kxg2 Ke4 og svartur vinnur g3-peðið á leikþvingun, t.d. 50. Kf2 Kd3 51. b3 Kd2 52. Kf1 Ke3 53. Kg2 Ke2 54. Kg1 Kf3 55. Kh2 Kf2 o.s.frv.

47. ... De2+ 48. Kh3 c4 49. a4 a5 50. Hf6 Kg8 51. Rh6+ Kg7 52. Hb6 De4 53. Kh2 Kh7 54. Hd6 De5 55. Rf7 Dxb2+ 56. Kh3 Dg7!

- og Topalov gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 16. maí  2010.

Skákþættir Morgunblaðsins

[Event "Sofia BUL, WCC 2010 Game_12"] [Site "Sofia BUL"] [Date "2010.05.11"] [Round "12"] [White "Topalov, V."] [Black "Anand, V."] [Result "0-1"] [ECO "D56"] [WhiteElo "2805"] [BlackElo "2787"] [PlyCount "112"] [EventDate "2010.04.24"] [EventType "match"] [EventRounds "12"] [EventCountry "BUL"] 1. d4 d5 2. c4 e6 3. Nf3 Nf6 4. Nc3 Be7 5. Bg5 h6 6. Bh4 O-O 7. e3 Ne4 8. Bxe7 Qxe7 9. Rc1 c6 10. Be2 Nxc3 11. Rxc3 dxc4 12. Bxc4 Nd7 13. O-O b6 14. Bd3 c5 15. Be4 Rb8 16. Qc2 Nf6 17. dxc5 Nxe4 18. Qxe4 bxc5 19. Qc2 Bb7 20. Nd2 Rfd8 21. f3 Ba6 22. Rf2 Rd7 23. g3 Rbd8 24. Kg2 Bd3 25. Qc1 Ba6 26. Ra3 Bb7 27. Nb3 Rc7 28. Na5 Ba8 29. Nc4 e5 30. e4 f5 31. exf5 e4 32. fxe4 Qxe4+ 33. Kh3 Rd4 34. Ne3 Qe8 35. g4 h5 36. Kh4 g5+ 37. fxg6 Qxg6 38. Qf1 Rxg4+ 39. Kh3 Re7 40. Rf8+ Kg7 41. Nf5+ Kh7 42. Rg3 Rxg3+ 43. hxg3 Qg4+ 44. Kh2 Re2+ 45. Kg1 Rg2+ 46. Qxg2 Bxg2 47. Kxg2 Qe2+ 48. Kh3 c4 49. a4 a5 50. Rf6 Kg8 51. Nh6+ Kg7 52. Rb6 Qe4 53. Kh2 Kh7 54. Rd6 Qe5 55. Nf7 Qxb2+ 56. Kh3 Qg7 0-1

Aðalfundur SÍ fer fram 29. maí

Aðalfundur Skáksambands Íslands 2010 fer fram 29. maí nk. í Faxafeni 12.  Fundurinn hefst kl. 10.    Forseti SÍ, Gunnar Björnsson, gefur kost á sér til endurkjörs.  Tveir stjórnarmenn, Magnús Matthíasson, núverandi varaforseti, og Stefán Freyr Guðmundsson, varastjórnarmaður, gefa ekki kost á sér til áframhaldandi stjórnarmennsku.

Fjölda lagabreytingatillaga liggur fyrir og fylgja með sem viðhengi.  Tillögurnar verða auk þess betur kynntar á Skákhorninu um helgina.

 

Skrár tengdar þessari bloggfærslu:

• 13_grein1.doc
• 14_grein1.doc
• 16_grein1.doc
• 16_grein_hermann.doc
• 17_grein1.doc
• 20_grein1.doc
• keppendaskra_skaksambandsins1.doc
• skaklog_s_-_breytingar_tv.doc

Meistaramót Skákskóla Íslands

Meistaramót Skákskóla Íslands fyrir starfsárið 2009/2010 hefst föstudaginn 28. maí. Tefldar verða sjö umferðir eftir svissneska kerfinu. Þátttökurétt hafa allir nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskólans er Sverrir Þorgeirsson. 

Þátttökuréttur:

• Allir nemendur skólans og þeir sem tekið hafa þátt í námskeiðum á vegum skólans.
• Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

 

Tímamörk: Atskákir 25 10  þ.e 25 mínútur að viðættum 10 sekúndum fyrir hvern leik. 

Kappskákir: 1 ½ klst. á 30 leiki fyrir hvorn keppenda og síðan 15 10 til að ljúka skákinni þ.e. 15 mínútur og 10 sekúndur í viðbót á hvorn leik

Fyrirkomulag: Svissneska kerfið.

Skákstig: Mótið verður reiknað til skákstiga, en þrjár fyrstu umferðirnar til At-skákstiga.

Verðlaun:

A:

1. verðlaun:

Meistaratitill Skákskóla Íslands 2009/2010 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

 

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

 

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

 

B:

 

Dagskrá:

• 1. umferð: Föstudagurinn 28.maí kl. 18  
• 2. umferð: Föstudagurinn 28.maí kl. 19
• 3. umferð. Föstudagurinn 28.maí kl. 20.
•  
• 4. umferð: Laugardagurinn 29. maí kl. 10-14  
• 5. umferð: Laugardagurinn 29. maí 15 - 19
•  
• 6. umferð: Sunnudagurinn 30. maí kl. 10.-14.
• 7. umferð: Sunnudagurinn 30. maí kl. 15-19.

 

^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

 

Verðlaunaafhending fer fram strax að móti loknu.

Þátttöku skal tilkynna í síma SÍ 5689141 eða á netfangið [e-mail] eða [e-mail]

Mótsnefnd áskilur rétt til að gera breytingar á fyrirfram boðaðri dagskrá.

Íslandsmót kvenna - a-flokkur

Íslandsmót kvenna 2010 - A flokkur fer fram dagana 10. - 16. júní n.k. og verður teflt í Faxafeni 12, Reykjavík.  Gert er ráð fyrir 8 - 10 manna lokuðum flokki.  Valið verður eftir alþjóðlegum stigum ef fleiri en 10 gefa kost á sér.  Tvær hafa þegar unnið sér þátttökurétt: Lenka Ptacnikova sem Íslandsmeistari 2009 og Hrund Hauksdóttir sem sigurvegari B-flokks 2009.

Tímamörk:   90 mín. á fyrstu 40 leiki + 15 mín. til að ljúka skákinni + 30 sek. á leik.

Dagskrá:        

• Fimmtud. 10. júní       kl. 18.00          1. umferð
• Föstud. 11. júní          kl. 18.00          2. umferð
• Laugard. 12. júní        kl. 11.00          3. umferð
• Laugard. 12. júní        kl. 17.00          4. umferð
• Sunnud. 13. júní         kl. 11.00          5. umferð
• Sunnud. 13. júní         kl. 17.00          6. umferð
• Mánud. 14. júní          kl. 18.00          7. umferð
• Þriðjud. 15. júní          kl. 18.00          8. umferð
• Miðvikud. 16. júní      kl. 18.00          9. umferð

Dagskrá breytist verði keppendur færri en 9.

Verðlaun:       

• 1. 40.000.-
• 2. 25.000.-
• 3. 15.000.-

Tilkynna skal þátttöku til Skáksambands Íslands í síma 568 9141 eða email: [e-mail] fyrir 1. júní nk.

Íslandsmót kvenna - b-flokkur

Íslandsmót kvenna 2010 - B flokkur mun fara fram dagana 11. - 14. júní nk.  Teflt verður í Faxafeni 12, Reykjavík og 1. umferð hefst föstudaginn 11. júní kl. 18.00. 

Fyrirkomulag:  Tefldar verða 7 umferðir (gæti breyst eftir fjölda þátttakenda), 45 mín. + 30 sek. á leik.

Öllum stúlkum/konum er heimil þátttaka.  Sigurvegari mótsins vinnur sér rétt til setu í A-flokki að ári.  Þátttaka tilkynnist fyrir 5. júní í síma 568 9141 eða með tölvupósti- [e-mail]

Heimsókn á Bitru

Þeir Gunnar Björnsson, Magnús Matthíasson og Arnar Valgeirsson skruppu austur að Bitru á miðvikudaginn og færðu fyrirmyndarföngunum þar þrjú skáksett og klukkur auk nokkurra skákbóka.

Hrókurinn og Skáksamband Íslands færðu gjöfina í sameiningu.

Bitra er fyrir austan Selfoss og þar eru tólf manns í afplánun, en verða væntanlega átján innan skamms, þar sem tiltölulega stutt er síðan staðurinn var tekinn í gagnið sem fangelsi. Þar dvelja nú fyrirmyndarfangar enda engar girðingar, nema andlegar þar sem ekki þykir borga sig að fara í burtu í óleyfi.

 

Piltunum þremur var tekið með kostum og kynjum, boðið í kaffi og köku og svo var skellt í fjögurra umferða mót þar sem mönnum gekk misvel eins og gengur.

Tekið var loforð af þremenningunum um að koma aftur við fyrsta tækifæri og endurtaka leikinn, enda nokkrir vaskir skákmenn að Bitru.

En allir voru sáttir og glaðir, þó kannski ekki allir því er forsetinn og varaforsetinn óku til Reykjavíkur til að ná á hraðskákmót öðlinga var svolítið dimmt yfir VP Magnúsi sem hugði á grimmilegar hefndir það kvöldið....

Jóhann í framboði til stjórnar Evróska skáksambandsins

Stórmeistarinn Jóhann Hjartarson er í framboði til stjórnar Evrópska skáksambandsins.    Jóhann er í  framboðsliði forseta Þýska skáksambandsins, Pr. Robert von Weizsäcker (sem er sonur fyrrverandi forseta Þýskalands).  Aðrir í framboðsliði Weizsäcker eru Nigel Short, Ivan Sokolov og Úkraínumaður (nafn óstaðfest).  

Á blaðamannafundi í Berlín í morgun, þar sem þessi tíðindi voru tilkynnt, voru m.a. Kasparov og Karpov viðstaddir.

Aðrir sem hafa lýst yfir framboði í forsetastól ECU eru Boris Kutin, Slóveníu, núverandi forseti, Ali Nihat, forseti tyrkneska sambandsins og Silvio Danilov, varaforseti búlgarska skáksambandsins. 

Fréttin verður uppfærð síðar í dag og myndir birtar.