Björn Þorsteinsson skákmeistari Ása fjórða árið í röð

Meistaramót Ása kláraðist í dag. Tefldar voru 13 umferðir á tveimur þriðjudögum. Tuttugu og fjórir tóku þátt í mótinu. Björn Þorsteinsson sigraði fjórða árið í röð,hann fékk 11.5 vinning. Í öðru sæti  varð Jóhann Örn Sigurjónsson með 11 vinninga og þriðja sætinu náði Magnús Sólmundarson með 10.5 vinning.

Venjan hefur verið að verðlauna þrjá efstu sem eru 75 ára og eldri. Nú fengu allir úr þeim aldurshóp einhvern glaðning, samtals níu skákmenn. Það er meiningin að breyta þessu fyrirkomulagi með næsta vetri, þess vegna var þessi háttur hafður á í þetta sinn. Haraldur Axel Sveinbjörnsson varð efstur í þessum hóp með 8.5 vinninga. Í öðru sæti varð Gísli Sigurhansson með 7 v og þriðji Friðrik Sófusson með 6.5 vinning.

Lokastaðan:

• 1            Björn Þorsteinsson                               11.5 vinninga
• 2            Jóhann Þorsteinsson                             11    
• 3            Magnús Sólmundarson                          10.5
• 4            Sigfús Jónsson                                       9
• 5-6         Haraldur Axel Sveinbjörnsson                  8.5
•               Þorsteinn Guðlaugsson                            8.5
• 7-9         Gísli Sigurhansson                                   7
•               Baldur Garðarsson                                   7
•               Bragi G Bjarnason                                    7
• 10-13      Gísli Gunnlaugsson                                  6.5
•                Friðrik Sófusson                                      6.5
•               Finnur Kr Finnsson                                   6.5
•               Hermann Hjartarson                                 6.5
• 14-15      Jónas Ástráðsson                                     6
•                Halldór Skaftason                                    6
•   16          Einar S Einarsson                                 5.5
• 17-20       Magnús V Pétursson                              5
•                Ingi E Árnason                                       5
•                Viðar Arthúrsson                                    5
•                Ásgeir Sigurðsson                                  5
• 21           Óli Árni Vilhjálmsson                                4.5
• 22-23      Hrafnkell Guðjónsson                              3.5
•                Sæmundur Kjartansson                           3.5
• 24           Grímur Jónsson                                        1

 

 

Skákhöfðingi er fallinn frá

Með fráfalli Vasily Vasilyevich Smyslovs, 1921 -2010, fyrrv. heimsmeistara í skák, er genginn einn fremsti skákmeistari allra tíma. Brotthvarf hans af þessum heimi  kom ekki á óvart en er mikill missir fyrir alla þá mörgu sem þekktu hann og dáðu.

Ég átti því láni að fagna að kynnast Smyslov mjög náið  persónulega, fyrst þegar hann kom hér til lands sem aðstoðarmaður Boris Spasskys í áskorendaeinvíginu við Vlastimil Hort 1977. Síðar hitti ég hann á OL í Buenos Aires ári seinna og oft sinnis síðar á slíkum mótum eða Fide-þingum og hér heima.

Skákir hans bera ekki bara merki yfirburða skákstyrkleika hans heldur einnig  tónlistargáfu hans. Þær eru taktfastar og tærar og bera glöggt vitni þess mikla snillings sem hann var. Sagt er hann hafi ævinlega leikið besta leikinn og enginn heimsmeistari hafi náð slíkri fágaðri fullkomnum á skákborðinu sem hann.

Það var gaman af því þegar hann hóf upp raust sína og tók lagið með sinni djúpu barriton rödd, hvort sem það var í lokahófum móta eða í heimahúsum.   Mér hefur ævinlega fundist ég skynja þægilega nærveru hans þegar ég ber teikningu hans augum eftir tékkann Masec Oto, en frummynd hennar prýðir vegginn í vinnustofu minni, fer yfir  125 bestu skákir hans eða hlýði á söng hans af kassettu, sem hann færði mér að gjöf fyrir margt löngu.

Meira um vert er þó að hafa átt vináttu hans og hafa kynnst þeirri einlægu glaðværð og hófsemi sem hann prýddi svo allir hrifust með og leið vel í návist hans.

Sannur Íslandsvinur er genginn en skákin lifir.

Einar S. Einarsson

Sjá einnig myndskreytta grein á ChessBase með mörgum góðum myndum frá Íslandi.

Daði Ómarsson í landsliðsflokk

Enn bætast við ungir og efnilegir skákmenn í landsliðsflokk en Daði Ómarsson tekur sæti Jóns Viktors Gunnarssonar sem forfallaðist í dag vegna veikinda en Sverrir Þorgeirsson hafði fyrr tekið sæti Henrik Danielsen.  Landsliðsflokkur hefst kl. 17 á morgun í íþróttamiðstöðinni í Lágafelli í Mosfellsbæ.   

Röðun fyrstu umferðar:

 

Name	Result	Name
Johannesson Ingvar Thor		Kristjansson Stefan
Thorhallsson Throstur		Thorgeirsson Sverrir
Thorfinnsson Bragi		Lagerman Robert
Gislason Gudmundur		Olafsson Thorvardur
Omarsson Dadi		Stefansson Hannes
Arngrimsson Dagur		Thorfinnsson Bjorn

Rétt er einnig að benda á að skráning í áskorendaflokk er í fullum gangi en þar eru nú skráðir 39 skákmenn.   

Chess-Results

 

Laust sæti í landsliðsflokki

Vegna veikinda er eitt sæti að losna í landsliðsflokki Íslandsmótsins í skák.  

Það er hér með laust til umsóknar.   Sækja skal um í tölvupósti til [e-mail] fyrir kl. 19 í kvöld.  Landsliðsflokkur hefst svo kl. 17 á morgun.  

Áskorendaflokkur hefst á miðvikudag

Áskorendaflokkur Íslandsmótsins í skák fer fram í íþróttamiðstöðinni, Lágafelli, í Mosfellsbæ dagana 31. mars til 10. apríl nk.  Teflt verður yfir páska og hefst taflmennskan kl. 18 á virkum dögum en kl. 14 um helgar.  Nú þegar eru 34 keppendur skráðir til leiks en upplýsingar um skráningar má nálgast á Chess-Results.

Skráning fer fram á Skák.is.   Þeir keppendur sem eiga erfitt með að komast á skákstað þá daga sem strætó á skákstað þá daga sem vagninn gengur ekki (föstudagurinn langi og páskadagur) eru beðnir um að hafa samband við Gunnar í netfangið [e-mail] en slík mál verða leyst fyrir þá sem það þurfa.   

Góð aðstaða verður á skákstað.   Sýningartölvur verða bæði í skák- sem og í hliðarsal.   

Dagana 6.-9. apríl fer fram skákvika grunnskólunum í Mosfellsbæ í samvinnu bæjarfélagsins og Skákskóla Íslands.  

Tímamörk eru 1½ klst. á skákina auk 30 sekúnda á leik í ákskorendaflokki.

Verðlaun:                   

• 1. 40.000.-
• 2. 25.000.-
• 3. 15.000.-

 

Aukaverðlaun:                       

• U-2000 stigum           8.000.-
• U-1600 stigum           8.000.-
• U-16 ára                   8.000.-
• Kvennaverðlaun        8.000.-
• Fl. stigalausra            8.000.-

 

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.  Stigaverðlaunin miðast við íslensk skákstig.

Þátttökugjöld:           

• 18 ára og eldri            3.000.-
• 17 ára og yngri           2.000.-

 

Dagskrá:

 

Umferðir	Dags.	Vikudagur	Byrjar	Endar
1	31.mar	Miðvikudagur	18:00	23:00
Frídagur	01.apr	Fimmtudagur
2	02.apr	Föstudagur	14:00	19:00
3	03.apr	Laugardagur	14:00	19:00
4	04.apr	Sunnudagur	14:00	19:00
Frídagur	05.apr	Mánudagur
5	06.apr	Þriðjudagur	18:00	23:00
6	07.apr	Miðvikudagur	18:00	23:00
7	08.apr	Fimmtudagur	18:00	23:00
8	09.apr	Föstudagur	18:00	23:00
9	10.apr	Laugardagur	14:00	19:00

 
Keppendalistinn (29. mars kl. 22:00):

 

SNo.		Name	NRtg	IRtg	Club
1	WGM	Ptacnikova Lenka	2305	2317	Hellir
2		Hjartarson Bjarni	2010	2112	Fjölnir
3		Kristinsson Bjarni Jens	2060	2041	Hellir
4		Bjornsson Eirikur K	1975	2013	TR
5		Thorsteinsdottir Hallgerdur	1980	1984	Hellir
6		Magnusson Patrekur Maron	2005	1983	Hellir
7		Fridthjofsdottir Sigurl  Regin	1770	1810	TR
8		Finnbogadottir Tinna Kristin	1910	1785	UMSB
9		Johannsson Orn Leo	1775	1745	TR
10		Antonsson Atli	1720	1720	TR
11		Johannsdottir Johanna Bjorg	1675	1714	Hellir
12		Ulfljotsson Jon	1700	0	Vík
13		Sigurdarson Emil	1615	1641	Hellir
14		Hauksdottir Hrund	1465	1616	Fjölnir
15		Hreinsson Kristjan	1610	0	KR
16		Andrason Pall	1645	1604	TR
17		Karlsson Snorri Sigurdur	1595	0	Haukar
18		Thoroddsen Arni	1555	0
19		Ragnarsson Dagur	1545	0	Fjölnir
20		Lee Gudmundur Kristinn	1575	1534	Hellir
21		Hardarson Jon Trausti	1500	0	Fjölnir
22		Urbancic Johannes Bjarki	1495	0	KR
23		Sigurdsson Birkir Karl	1435	1448	TR
24		Leosson Atli Johann	1360	0	KR
25		Kristbergsson Bjorgvin	1225	0	TR
26		Finnbogadottir Hulda Run	1190	0	UMSB
27		Johannesson Petur	1085	0	TR
28		Palsdottir Soley Lind	1075	0	TG
29		Bergsson Aron Freyr	0	0
30		Eggertsson Daniel Andri	0	0
31		Jonsson Olafur	0	0
32		Kristinsson Kristinn Andri	0	0
33		Stefansson Vignir Vatnar	0	0	TR
34		Viktorsson Svavar	0	0

 

 

 

• Heimasíða SÍ
• Chess-Results

 

Myndir frá Íslandsmóti barna

49 myndir frá Íslandsmóti barna sem fram fór á laugardag í Vestmannaeyjum má nú finna í myndaalbúmi mótsins en myndirnar eru frá Vigfúsi Vigfússyni.  23 myndir má svo finna á í myndaalbúmi á vefsíðu TV.

• Myndaalbúm mótsins
• Myndir á heimsíðu TV

Aðalfundur SÍ fer fram 29. maí

Stjórn SÍ hefur ákveðið að aðalfundur Skáksambands Íslands 2010 muni fara fram 29. maí nk.  Athygli er vakin á að hafi menn í hyggju að bera fram lagabreytingatillögur á fundinum þurfa þær að berast Skáksambandinu í síðasta lagi mánuði fyrir fund til að þær geti farið út með tilkynningunni um fundinn til kynningar fyrir félagsmenn eins og lög gera ráð fyrir.

Páskaeggjamót Hellis fer fram í dag

Páskaeggjamót Hellis verður haldið mánudaginn 29. mars 2010, og hefst taflið kl. 17, þ.e. nokkru fyrr heldur en venjulegar mánudagsæfingar. Páskaeggjamótið kemur í stað mánudagsæfingar. Tefldar verða 7 umferðir með 7 mínútna umhugsunartíma. Mótið er opið öllum krökkum á grunnskólaaldri. Ókeypis er fyrir félagsmenn í Helli en fyrir aðra er þátttökugjald kr. 500.

Allir þátttakendur keppa í einum flokki en verðlaun verða veitt í tveimur aðskildum flokkum. Páskaegg verða í verðlaun fyrir þrjú efstu sætin, bæði í eldri flokki (fæddir 1994 - 1996) og yngri flokki (fæddir 1997 og síðar). Að auki verða tvö páskaegg dregin út og efsta stúlkan í mótinu fær páskaegg í verðlaun. Enginn fær þó fleiri en eitt páskaegg.

Páskaeggjamótið verður haldið í félagsheimili Hellis að Álfabakka 14a í Mjóddinni. Inngangur er við hliðina á Subway en salur félagsins er á þriðju hæð hússins.

Atkvöld hjá Helli í kvöld

Taflfélagið Hellir heldur atkvöld mánudaginn  29. mars 2010 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun. Teflt er í félagsheimili Hellis í Álfabakka 14a í Mjóddinni.

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Skákkennsla hjá Vin í dag

Skákfélag Vinjar stendur fyrir skákkennslu fyrir byrjendur og þau sem minna kunna. Talsvert margir kunna mannganginn en eru óöruggir og vilja þ.a.l. ekki taka þátt í mótum.

Sf. Vinjar hyggst laga það og hefur fengið þrjá úrvals pilta, hokna af reynslu, til kennslunnar sem fram fer næstu þrjá mánudaga í Vin, Hverfisgötu 47 í Reykjavík og hefst kl. 13:00. Kennslan verður til ca. 14:00 og eftir það verður teflt sem enginn sé morgundagurinn. Eftir síðasta tímann, mánudaginn 29. mars verður þessu slúttað með léttu móti. Allir eru hjartanlega velkomnir að vera með, hvar sem þeir eru staddir í fræðunum.

Mánudagur 15. mars kl. 13: Hrannar Jónsson, skákkennari hjá Hróknum og fyrirliði Skákfélags Vinjar.

Mánudagur 22. mars kl. 13: Magnús Matthíasson, varaforseti Skáksambands Íslands og skákgúrú sunnlendinga.

Mánudagur 29. mars kl. 13: Róbert Lagerman, Fide meistarinn eitilharði og varaforseti Hróksins.

Farið verður yfir mannganginn, helstu byrjanir og litið á skákþrautir, svona meðal annars. Endilega kíktu - ef þú þorir...

Síminn í Vin er 561-2612