Omar sigraði á afmælismóti forsetans

Fimmtán þátttakendur voru skráðir til leiks á afmælismóti til heiðurs forseta Skáksambandsins, Gunnari Björnssyni, sem haldið var í Vin, mánudaginn 21. september strax uppúr hádegi.

Vildu Vinjarmenn óska Gunnari til hamingju með embættið og þar sem drengurinn á afmæli á miðvikudaginn var ákveðið að slá upp veislu. 

Þórdís Rúnarsdóttir, forstöðumaður Vinjar, sem er athvarf rekið af Rauða krossi Íslands, færði Gunnari fallegan blómvönd og setti svo mótið.

Tefldar voru sex umferðir með sjö mínútna umhugsunartíma og var líf og fjör í stofunni, bæði fyrir og eftir kaffihlé.  Einhver ferðaþreyta hrjáði afmælispiltinn því þrátt fyrir að vera vel stemmdur átti hann tvisvar sinnum glæsilega afleiki og náði ekki á pall að þessu sinni en var þó ekki langt frá því.  Hrafn Jökulsson gerði sér lítið fyrir og tók forsetann í góða kennslustund í mikilli sóknarskák og þótt það ekki leiðinlegt!

Omar Salama gerði engin mistök og var með fullt hús en þess má geta að efstu menn fengu medalíur og geisladiska. Allir þátttakendur fengu vinning, geisladiska eða skákbækur. Skákstjórn var í höndum Hrannars Jónssonar.

Myndaalbúm mótsins.

Úrslit:

• 1.  Ómar Salama                   6 vinningar
• 2.  Gunnar Freyr Rúnarsson        4,5
• 3.  Hrannar Jónsson               4
• 4.  Vigfús Vigfússon              4
• 5.  Björn Sölvi Sigurjónsson      3,5
• 6.  Gunnar Björnsson              3,5
• 7.  Hrafn Jökulsson               3,5
• 8.  Jón Gauti Magnússon           3
• 9.  Magnús Aronsson               3
• 10. Guðmundur Valdimar Guðmundss. 3
• 11. Kristján B. Þór               2,5
• 12. Arnar Valgeirsson             2,5
• 13. Jón Ólafsson                  2
• 14. Árni Pétursson                2
• 15. Gunnar Gestsson               1

Athugasemdir

[Robert Lagerman (IP-tala skráð) 22.9.2009 kl. 08:39]

Ég hélt að það væri óskráð regla að vinna ekki afmælisbarnið.... allavega þegar DON á afmæli...