Rimaskóli Íslandsmeistari barnaskólasveita

Skáksveit Rimaskóla vann öruggan sigur á Íslandsmóti grunnskólasveita sem fram fór í dag í Vetrargarðinum í Smáralind.   Í öðru sæti varð Grunnskóli Vestmannaeyja og í þriðja sæti varð Salaskóli úr Kópavogi.  B- og C-sveitir Rimaskóla urðu efstar b- og c-sveita en d-sveit Salaskóla varð efst d-sveita.   Það var Skákakademía Reykjavíkur sem stóð fyrir mótinu.

Skákakademía Reykjavíkur vill vekja athygli á skákæfingum í Reykjavík sem er ókeypis fyrir alla!  Með fréttinni fylgir viðhengi um æfingar félaganna í Reykjavík.

Skáksveit Rimaskóla skipuðu:

1. Dagur Ragnarsson
2. Oliver Aron Jóhannesson
3. Jón Trausti Harðarson
4. Kristófer Jóel Jóhannesson

Liðsstjóri er Hjörvar Steinn Grétarsson.

Skáksveit Grunnskóla Vestmannaeyja

1. Kristófer Gautason
2. Róbert Aron Eysteinsson
3. Sigurður A. Magnússon
4. Hafdís Magnúsdóttir

Kristófer Gautason var liðsstjóri í forföllum Gauta formanns sem var tepptur í Vestmannaeyjum en Eyjamenn höfðu ætlað að senda 3 sveitir til leiks en það gekk ekki eftir þar sem veður var með ósköpum í morgun að ekki þótti verjandi að senda krakkana með bátnum en þó var komið nægur mannskapur í bæinn áður þannig að það tókst að ná saman einu öflugu liði. 

Upplýsingar um skipan annarra verðlaunasveita kemur síðar.  

Borðaverðlaun:

1. Kristófer Gautason (Grunnskóla Vestmannaeyja) og Kristjana Ósk Kristinsdóttir (Flataskóla) 8 v. af 8
2. Oliver Aron Jóhannesson (Rimaskóla) 7,5 v. af 8 
3. Jón Trausti Harðarson 8 v.
4. Kristófer Jóel Jóhannesson 8 v.

Mótshaldið var í öruggum höndum Björns Þorfinnssonar og Stefáns Bergssonar en ýmsir aðstoðuðu við mótshaldið.    Öll framkvæmd mótsins var mikillar fyrirmyndar og Akademíunni til mikils sóma.

Nánari frétt um mótið sem og myndir munu koma á vefinn síðar, væntanlega þó ekki fyrr en á morgun og eru áhugasamir hvattir til að fylgjast með á Skák.is.  Foreldrar, liðsstjórar og aðrir myndasmiðir eru hvattir til að senda myndir í tölvupósti til ritstjóra í netfangið, [e-mail].

Lokastaðan:

 

Rk.	Team	TB1	TB2	TB3
1	Rimaskóli a-sveit	30,5	16	0
2	Grunnskóli Vestmannaeyja	25	14	0
3	Salaskóli a-sveit	22	12	0
4	Rimaskóli b-sveit	22	10	2
5	Hjallaskóli a-sveit	21	11	0
6	Rimaskóli c-sveit	20	13	0
7	Sæmundarskóli	20	11	0
8	Hvaleyrarskóli	20	10	0
9	Hjallaskóli b-sveit	19	10	2
10	Brekkuskóli	19	10	1
11	Smáraskóli a-sveit	19	9	1
12	Laugalækjarskóli b-sveit	19	8	0
13	Vatnsendaskóli a-sveit	18,5	10	0
14	Laugalækjarskóli a-sveit	18	10	2
15	Engjaskóli b-sveit	18	10	0
16	Hjallaskóli c-sveit	18	10	0
17	Salaskóli b-sveit	18	9	0
18	Borgarhólsskóli	17,5	10	0
19	Salaskóli c-sveit	17	10	0
20	Árbæjarskóli a-sveit	17	8	0
21	Snælandsskóli a-sveit	16,5	9	1
22	Ísaksskóli a-sveit	16,5	9	0
23	Fossvogsskóli	16,5	7	1
24	Hólabrekkuskóli	16,5	7	0
25	Fellaskóli	16	9	0
26	Engjaskóli a-sveit	16	8	0
27	Flataskóli	15,5	6	2
28	Borgaskóli	15,5	6	0
29	Snælandsskóli b-sveit	15	8	0
30	Álftamýrarskóli	15	8	0
31	Melaskóli	15	7	0
32	Salaskóli d-sveit	15	6	0
33	Hvassaleitisskóli	14,5	8	4
34	Hlíðaskóli	14,5	8	1
35	Selásskóli	14,5	7	2
36	Vatnsendaskóli b-sveit	14,5	7	1
37	Hörðuvallaskóli	14	7	0
38	Árbæjarskóli b-sveit	14	6	0
39	Ingunnarskóli b-sveit	13,5	8	0
40	Rimaskóli d-sveit	13,5	7	0
41	Vatnsendaskóli c-sveit	13	8	2
42	Árbæjarskóli c-sveit	13	7	1
43	Ísaksskóli b-sveit	13	6	2
44	Hamraskóli	13	5	1
45	Ingunnarskóli a-sveit	12,5	5	0
46	Digranesskóli	12	5	2
47	Korpuskóli	12	5	0
48	Snælandsskóli c-sveit	12	4	0
49	Landakotsskóli	11	5	1
50	Hjallaskóli d-sveit	11	4	1
51	Öldussellskóli	9	3	0

• Heimasíða Skákakademíunnar
• Chess-Results

Skrár tengdar þessari bloggfærslu:

• Æfingar félaganna í Reykjavík

Athugasemdir

[Jóhann (IP-tala skráð) 21.3.2010 kl. 19:16]

Flott mót, en læt nú vera að öll framkvæmd mótsins hafi verið til fyrirmyndar.  Salaskóli sem var efst d sveita fékk ekki verðlaun í lok móts heldur d sveit Rimaskóla.  Því er spurt; Hvenær og hvernig verður það leiðrétt ?  Óska að öðru leyti að sjálfsögðu öllum sigurvegurum til hamingju.

Kv, Jóhann faðir stolts drengs í D sveit Salaskóla

[Stefán Bergsson (IP-tala skráð) 21.3.2010 kl. 22:47]

Sæll Jóhann.

D-sveit Salaskóla verður þetta bætt upp að fullu. Liðsmenn munu réttilega fá verðlaunapeninga og ef til vill eitthvað fleira að bótum. Það mun gerast hið fyrsta. Ég hef haft samband við Guðlaugu liðsstjóra og stefnum við mótshaldarar að mætingu á skákæfingu í Salaskóla í þessari viku.

D-sveitir Salaskóla og Rimaskóla eru báðar afar efnilegar og liðsmenn þeirra eiga framtíðina fyrir sér. Þið feðgar megið réttilega vera stoltir í ljósi góðs árangurs. 

 Skákkveðja, Stefán Bergsson mótsstjóri sími 863-7562.

[Jóhann (IP-tala skráð) 22.3.2010 kl. 09:52]

Takk fyrir þetta Stefán.

Kv, Jóhann

[Margrét (IP-tala skráð) 22.3.2010 kl. 23:27]

Verð að láta í ljós vonbrigði mín með framkvæmdina.  Auðvitað geta alltaf orðið mistök, finnst þetta bara vera ALLT OF STÓR MISTÖK, er ekki alveg viss hvernig það á að bæta drengjunum í d sveit Salaskóla þetta að fullu.  Þeir misstu algjörlega af því að fá "mómentið" sitt í Vetrargarðinum þar sem að þeir sem unnu fengu að fara upp á svið og fá klapp áhorfenda!!!!  Finnst þetta eiginlega ófyrirgefanlegt (því miður þá finnst mér það).  Það er ekki alveg sama stemningin að fá afhent verðlaun í skáktíma.   Skil ekki alveg hvernig er hægt að gera svona stór mistök í svona stóru móti. 

Kv. Margrét mjög stolt en mjög sár móðir drengs í D-sveit Salaskóla :(