Davíð og Svein Harald tefldu ekki!

Fréttir Skák.is um skákeinvígi Davíðs Oddssonar og Svein Harald Øygard sem finna má hér og hér voru ekki alveg sannleikanum samkvæmar og ritstjóra er ekki kunnugt um að þeir hafi hist og hvað þá teflt!  Hannes Hólmsteinn var heldur ekki meðal áhorfenda né gaf Álfasteinn verðlaun!

Einnig er rétt að taka fram að Svein Harald er væntanlega ekki heldur bróður norska stórmeistarans Leifs Øgaard enda er eftirnafnið ekki alveg það sama þótt því hafi verið hliðrað í „fréttinni".

Aprílgabb Skák.is hefur aldrei vakið jafn mikla athygli og nú og var m.a. fjallað um það á mbl.is og á Islandsbloggen og áhorfið á Skák.is í gær er það langmesta síðan Skák.is fór á Moggabloggið.