Carlsen og Aronian efstir - Carlsen vann Kramnik

Armeninn  Levon Aronian (2739) og norski undradrengurinn Magnus Carlsen (2733) eru efstir og jafnir á Corus-mótinu í Wijk aan Zee með 7,5 vinning.  Í tólftu og næstsíðustu umferð, sem fram fór í dag, gerði Magnús sér lítið fyrir og sigraði sjálfan Vladmir Kramnik (2799) á hnitmiðaðan og öruggan hátt með svörtu mönnunum.   Radjabov (2735) og Anand (2799) eru í 3.-4. sæti með 7 vinninga.  Lokaumferðin verður tefld á morgun.  Serbneski stórmeistarinn Ljubomir Ljubojevic (2543) sigraði nokkuð óvænt í heiðursflokki sem lauk í dag.

Í meðfylgjandi myndbandi má sjá hluta af skákskýringum Carlsen eftir skákina.  Framhaldið má finna  á Chessvibes.   

  

Úrslit 12. umferðar:

L. van Wely - V. Anand	½-½
V. Kramnik - M. Carlsen	0-1
T. Radjabov - P. Leko	½-½
S. Mamedyarov - B. Gelfand	½-½
P. Eljanov - V. Topalov	1-0
M. Adams - J. Polgar	0-1
L. Aronian - V. Ivanchuk	½-½

Staðan:

1.	L. Aronian M. Carlsen	7½
3.	T. Radjabov V. Anand	7
5.	V. Ivanchuk	6½
6.	V. Kramnik S. Mamedyarov M. Adams P. Leko	6
10.	J. Polgar V. Topalov	5½
12.	P. Eljanov	5
13.	L. van Wely	4½
14.	B. Gelfand	4

Í b-flokki er Slóvakinn Sergei Movsesian (2677) efstur með 9 vinninga en Frakkinn Etianne Bacrot (2700) og Englendingurinn Nigel Short (2645) eru í 2.-3. sæti með 8 vinninga.

Í c-flokki er Ítalinn ungi Fabiano Caruana (2598) efstur með 9 vinninga. 

Lokastaðan í heiðursflokki (6 umferðir):

1.	L. Ljubojevic	4
2.	V. Kortchnoi J. Timman	3
4.	L. Portisch	2

Þrettánda og síðasta umferð fer fram á morgun  Þá mætast m.a.: Carlsen-Radjabov, Polgar-Aronian og stigahæstu skákmenn heims, Anand-Kramnik

Corus-mótið er án efa sterkasta skákmót ársins en meðal keppenda eru 10 af 13 sterkustu skákmönnum heims og eru meðalstig 2742 skákstig.  B-flokkurinn er einnig mjög sterkur en þar eru meðalstig 2618 skákstig. 

• Heimasíða mótsins
  
• Skákirnar í beinni (hefjast kl. 12:30)
• Skákhornið (íslenskir "spekingar" skýra gang mála)