Nýtt Skákfélagsblað komið út

Skákfélagsblaðið, 50. árgangur, kom út skömmu fyrir jól.  Þann 13. desember 1933 hóf Skákfélag Akureyrar að gefa út Skákfélagsblaðið,  Sigurður Ein. Hlíðar skrifar í 1. tbl. Á forsíðu skáklíf á Íslandi. Blaðið kom út 1933, 34, 35 og 37 og var Guðmundur Guðlaugsson umsjónarmaður þessara blaða sem var prentað í prentsmiðju Björns Jónssonar.

Skákfélagsblaðið hóf aftur göngu sína árið 1952 og það blað er talinn 1. árgangur. Skákfélagsblaðið hefur  komið út allar götur síðan að undanskildum sex árum.  Jón Ingimarsson og Margeir Steingrímsson hafa haft lengst veg og vanda þessari blaða útgáfu. Jón hefur gegnt formennsku hjá Skákfélagi Akureyrar  í þrettán ár, á tímabilinu 1952 - 1968. Margeir hefur starfað við blaðið í rúm fjörutíu ár.

Síðustu þrjátíu og fimm ár hafa yfirleitt formenn Skákfélagsins ritstýrt blaðinu og hafa Gylfi Þórhallsson og Þór Valtýsson oftast verið ritstjórar.

Skákfélagsblaðið er fyrst og fremst auglýsingablað, ætlað til fjáröflunar fyrir félagsstarfið, sagt frá starfsemi félagsins, birtar skákir og skákþrautir. Frá 1933  til 1981 var blaðið í sama broti og bæjarblöðin, Dagur o.fl., 8-12 síður að stærð. Frá 1982 hefur blaðið verið í stærð A4, 12, 16 eða 24 síður.

Skákfélagsblaðið kemur venjulega út í desember, en hafa komið fleiri tölublöð, t.d. 1987 3 tbl. 1988 9. tbl. og 1994 8. tbl.

Að lokum vill Skákfélag Akureyrar þakka öllum sem komu að útgáfu blaðsins í ár og til útburðar, en fjöldi manns voru  á fimmta tug, allt frá 6 ára til 66, og mátti sjá nokkrar  fjölskyldur bera út blaðið í bænum,