Minningarmótið um Steinþór hófst í Stúkunni í dag

Alþjóðlega unglingamótið um Steinþór Baldursson var sett í dag í Stúkunni við Kópavogsvöll að viðstöddu miklu fjölmenni. Gunnar Björnsson, forseti SÍ, og Arndís Ármann Steinþórsdóttir héldu stuttar tölur þar sem Steinþór var minnst og að því loknu lék Felix, sonur Steinþórs, fyrsta leikinn fyrir Alexander Oliver Mai, d2-d4, á fyrsta borði. Skáksambandið bauð svo gestum og gangandi uppá súpu og brauð.

Úrslitin á mótinu voru býsna hefðbundin í fyrstu umferð. Ávallt unnu hinir stigahærri þá stiglægri. Önnur umferð bauð upp nokkur óvænt úrslit en þó ekki ýkja mörg. 

Fimm keppendur hafa fullt hús eftir tvær umferðir. Í þeim hópi er Bárður Örn Birkisson.

Tvær umferðir fara fram á morgun. Sú fyrri hefst kl. 10 og sú síðari kl. 16.

Myndir frá opnunarhátíðinni eru væntanlegar.

Heimasíða mótsins