Pistill um Alþjóðlega geðheilbrigðis-skákmótið

Hér kemur smá pistill um þetta mót, aðeins seint á ferð, en mótið var haldið fimmtudaginn 13 október kl. 19:30. Þetta er árlegt mót haldið á sama tíma og Alþjóðlega geðheilbrigðis dagurinn er haldinn hátíðlegur. Þeir sem standa að þessu móti eru Taflfélag Reykjavíkur, Vinaskákfélagið og ekki síst skákfélagið Hrókurinn, sem hefur styrkt þetta með frábærum verðlaunum. Í ár var engin undantekning þó Vinaskákfélagið færi með stærri hlut en áður í að útvega verðlaunapeninga.

Þetta mót höfðar sérstaklega vel við Vinaskákfélagið, en þar segir í 3 grein laga þess "Tilgangur Vinaskákfélagsins er að efla skáklíf meðal fólks með geðraskanir. Byggja skal á starfi og reynslu félagsins, sem hóf reglulegar skákæfingar í Vin, athvarfi Rauða krossins við Hverfisgötu í Reykjavík. Vinaskákfélagið hlúir að skáklífinu í Vin, jafnframt því að efna til viðburða í þágu fólks með geðraskanir, í samvinnu við athvörf, búsetukjarna, geðdeildir, félagasamtök og einstaklinga." 

32 skákmenn og konur mættu til leiks og voru tefldar 7 umferðar með 7 mín á skák. Sigurvegari var hinn knái og upprennandi 13 ára stjarna Vignir Vatnar Stefánsson með 6,5 vinninga af 7 mögulegum.

Annar var Stefán Bergsson með 5,5 vinning og þriðji með sama vinning 5,5 Omar Salama.

Einnig var fjöldi aukaverðlauna gefinn og man ég ekki alla þá sem fengu verðlaun, en Veronika Magnúsdóttir fékk verðlaun sem besta skákkonan og eitt man maður að meistari Björgvin Kristbergsson fékk lottery vinning en það var dregið um nokkur aukaverðlaun og fékk hann stærstu og flottustu bókina í verðlaun. 

Læt ég þessari pistil lokið um þetta mót, en það er alltaf gleðilegt að mæta á þetta mót sem er haldið árlega, enda voru margir skákmenn frá Vinaskákfélaginu og fremstur meðal jafninga var Forseti Vinaskákfélagsins Don Róbert Lagerman en hann var í 5-6 sæti með 5 vinninga.

Pistill um Alþjóðlega geðheilbrigðis-skákmótið.

Gens una sumus / Við erum ein fjölskylda

Kveðja Hörður Jónasson,
Varaforseti Vinaskákfélagsins.