Jóhann Ingvason efstur í áskorendaflokki

Jóhann Ingvason (2171) er efstur með fullt hús í áskorendaflokki Skákþings Íslands. Í fjórðu umferð, sem fram fór í gær, vann hann Oliver Aron Jóhannesson (2177). Björgvin Víglundsson (2164) er annar með 3,5 vinning. Fjórir keppendur hafa 3 vinninga en það eru Dagur Ragnarsson (2243), Þorvarður F. Ólafsson (2195), Davíð Kjartansson (2348) og Vignir Vatnar Stefánsson (2228). Hörð barátta er því framundan um sætin tvö í landsliðsflokki. 

Stöðu mótsins má nálgast hér.

Meðal úrslita í gær má nefna að Dagur  vann félaga sinn Jón Trausta Harðarson (2058) og Vignir Vatnar gerði sér lítið fyrir og vann landsliðskonuna Lenku Ptácníkovóa (2192). Tvö jafntefli urðu þar sem stigamunur var mikill Halldór Kristjánsson (1119) gerði jafntefli við Gauta Pál Jónsson (1996) og Jón Þór Lemery við félaga inn Aron Þór Mai (1784).

Úrslit fjórðu umferðar má nálgast hér.

Fimmta umferð fer fram í dag og hefst kl. 14. Þá mætast meðal annars:

• Jóhann Ingvason (4) - Björgvin Víglundsson (3,5)
• Vignir Vatnar Stefánsson (3) - Davíð Kjartansson (3)
• Halldór Pálsson (2,5) - Dagur Ragnarsson (3)
• Oliver Aron Jóhannesson (2,5) - Lofur Baldursson (2,5)

Pörun dagsins í heild sinni má finna hér. 

Frídagur er í dag á áskorendamótinu í Mosvku sem tilvalið er fyrir skákáhugamenn að skrepppa í Stúkuna. Þar eru mjög góðar aðstæðar. Meðal annars hefur Birnukaffi flutt sig tímabundið um set og hægt að kaupa ljúffengur vöfflur í Stúkunni.