Henrik endaði með 5½ vinning í Kolkata

Alþjóðlegu móti lauk í Kolkata í Indlandi í dag. Stórmeistarinn Henrik Danielsen (2501) var meðal keppenda. Hann hlaut 5½ vinning í 10 skákum og endaði í 21.-33. sæti. 

Henrik byrjaði brösuglega með jafntefli og töp í fyrstu fjórum umferðunum gegn stigalægri Indverjum. Hann hrökk þó í gang í fimmtu umferð og fékk 4 vinninga í næstum 5 skákum og enn tefldi hann bara við Indverja. Í lokaumferðinni í dag tapaði hann svo fyrir úkraínska stórmeistaranum Sergey Fedorchuk (2647).

Árangur Henriks samsvaraði 2399 skákstigum og tapaði hann 13 stigum fyrir hana. Þess má geta að óvíða er menn jafn stigalágir miðað við styrkleika og í Indlandi. Sjá má einstaklingsúrslit Henriks í Chess-Results.

Sigurvegarar mótsins voru stórmeistararnir Oliver Barbosa (2564), Filippseyjum, Babu Lalith (2585), Indlandi.  Nigel Short (2674), sem var stigahæstur keppenda átti ekki gott mót og hlaut 6½ vinning og tapaði 13 skákstigum.

Þátt tóku 77 skákmenn þátt í mótinu frá 13 löndum. Þar á meðal voru 27 stórmeistarar. Henrik var nr. 17 í stigaröð keppenda.

• Heimasíða mótsins
• Chess-Results
• Beinar útsendingar (fimm skákir - fyrst og fremst Indverjar)